عـام جـديــد

[فرج البلاز]

	ابارك لكم قدوم العام الهجري الجديد واسال الله العلي العظيم ان يجعل ما بقي من اعمارنا في طاعته وأن يجعل لنا فيها الخير الكثير لنا ولمن نحب وكل عام وانتم الى الله اقرب,وللحجاج حج مبرور وسعي مشكور.. [poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] العام هـذا راح ولَّـت ركايبـه = وأقبل علينا عـام نرقب عجايبـه عام جديد وعام بالامس قد رحل = واللّي مفارق او ملاقـي حبايبـه أيامنـا تمضـي وحنـا نشوفهـا = تنقص وبعض الناس ماهي بتايبـه يالادمي لازاد عمرك تـرى نقـص = الموت ماخلّى من النـاس سايبـه كل عام وانت بخير يامن نصحتنـي = يالله عسى جملـة لياليـك طايبـه كل عام وانت بخير يامن فزعةلـي = اناشهد أمك يابن الأجواد جايبـه كل عام وانت بخير يامـن تعزّنـي = واللّي كرهني جعل تكثـر ذهايبـه كل عام والويلان ربعي وعزوتـي = في خير والمغرض يطيـح بنكايبـه ربعي وساع البال ركّابـة الهجـن = ربعي كعام الضد في كـل هايبـه ربعي جموع الجن في ساحة الوغـى = لاشـمـو البـارود نسنـس هبايبـه ربعي هل الفزعات ربعي هل الوفاء = ربعي و ذخري بـالزمـان و نوايبـه كل قوم الا ربعي وذخري (عنزة) = مقولت ٍماهي عن النـاس غايبـه ماهو قصـور ٍبالقبايـل ومجدهـا = كـل ٍيهيم و يعتـزي فـي قرايبـه نطيت في راس الرقيبه وانا فرج = وامعنت ناس ٍكل ماقلت خايبـه ناس ٍتعاني من تضخـم بروسهـا = تفرزصديد ٍماعرف وش سبايبـه حقدوحسد مع كره مزمن وملتهب = اعمى عيون ٍ بالوساويـس شايبـه نطلب لهم من ربنا الشافي الشفاء = يالله تشفي المبتلي مـن صوايبـه ونطلب لنا من ربنا الكافي العلـي=المنعـم اللّـي ما تـعـدد وهايبـه يا ربـنـا لا تبتليـنـا وعـافـنـا=انت الرجاء للّي تنامـت نشايبـه هذا وصلى الله على محمـد النبـي =عد الغشين اللّي لفا مـن سحايبـه[/poem]

 

[عبدالإله المالك]

وعليكم السلام ورحمة الله وبركته

وكل عام وأنت بخير مقدماً.. وعامك توفيق وسعادة .. وفرح وحبور

أبيات تمتاز بالجزالة والقوة وغرض الحكمة وتخللها الفخر والاعتزاز المستحق والمشهود له.

شعرٌ أخاذ مجلل يا فرجُ تستحق التقدير عنه والاحتفاء به ..

 

[عون القحطاني]

صح لسانك يافرج
ونعم بك وبربعك ..
عام جديد .. بالخير والسعد عليك وعلينا

ابلغت .. طرق مميز امتعتنا به
وافر الشكر .

 

[نهار بن ممدوح]

فرج الدهمشي

صح لسانك


على هذا الشعر الجزل

نص يحمل الكثير من
الجمال

وكل عام وانت بخير


لاهنت

 

[فرج البلاز]

الشاعر القدير عبد الأله المالك

صح بدنك تسلم وتدوم ولاهنت وكل عام وانتم بخير

تحيتي لك

 

[فرحَة النجدي]

عام جديد ، و ما تراك حاملاً ألينا يا عام من جديد .!؟


أخي فرج ،
كل عام و أنت بخير .
و صح لسانك .

 

[فرج البلاز]

الشاعر عون القحطاني

صح بدنك تسلم وتدوم يالاجودي

تحيتي لك

 

[ميسون الرملاوي]

نص يمتد عناقيداً من زهو الهوية
ويعقد نشوة الفخر في وغى الخواء ،،!

فـــــــــرج

طاب نبضك الشامخ
وتلك النضرة التي صعدها بالخلجات مواقيت غبطة

و


كل عام وأنت ومن تحب بخير