مليتــ .. ابي المسرا

[عون القحطاني]

.
.

ناي ..
ياعازف الناي ..
ليه انغامك حزينه ..
عزفك .. زوّد ابكاي
واظهر جروحن دفينه
كافي..
حزن كافي ..
لا تجر الوتر .. كافي ..
اوجعت قلبي .. يافتى .. الى متى
الى متى ؟
نور البدر طافي ..
والظلام يجتاح المدينه ..
الى متى ؟
ياعازف الناي ..
وانت انغامك حزينه .

.

 

[عون القحطاني]

شاعر ولا لي بالشعر اي حاجه
ياكود جرحٍ بين الاضلاع وادمى

.

.

جرحٍ عطيب وين ابلقى علاجه
من حرّته اسـري ليـــاليه ظلما

 

[عون القحطاني]

.

.


نسيم الليل
حبيبي
.. اذا مريت بانفاسه
وسهر رمشه ..
مع انسامك .. ولا نامك
وبيح لك من احساسه
مايغني عن احلامك ..
نسيم الليل
حبيبي
.. اذا مريت بانفاسه
بلغه السلام .. وقله
احبه حيل ..
وبوسه لي على راسه

.

 

[عون القحطاني]

مشتاق انا لصوتك ..
والله ودي اسمعه .. خلي قلبي يذوب ..
الين ما اقدر اجمعه
ياللي انفاسك شجن ..
تقول لقلبي : تمّن
وكل المشاعر تتبعه

 

[عون القحطاني]

غابت مراسيله
وغاب ..
والمدى يشكي حنينه ..
يشكي لمداهيله ..
الغياب ..
والرسائل من يدينه
هاجر ..
ومات صوتٍ بالحناجر ..
هاجر ..
وطاح دمعٍ مـ المحاجر ..
هاجر ..
وماترك لي الا العذاب ..
وروح .. تشكي مـ الغبينه
غابت مراسيله
وغاب
والمدى يشكي حنينه

 

[عون القحطاني]

.


الأرض جدبا .. وقلبي اليوم ضامي
...................يبست عروقه .. في رجاء شربة الما

.
.

 

[عون القحطاني]

/
\

اشعل قناديل المساء
واذوب .. اطراف الظلام ..
واحرك العتمه عسى
يطير من صوتي حمام ..
اطيره فوق .. مع الريح تسريبه
واحمله شوق .. قلب زاد تعذيبه
وكلما اتعبني سواد الليل
وسهرني طرفي ..
وبكاني حرفي ..
اشعل قناديل المساء .

/

 

[عون القحطاني]

.
ابـــتسم وجه الصبـاح
...................... طاح من عيني نـجم
وانقضى ليل الجــراح
...................... ليل حزنــي والنـدم
واكتسى النور البراح
...................... يجلي الضيء العتم

:

:

: