صرخة هوس

[سيرين]

بنسافر من مينا لمينا ونهاجر وقلوبنا حزينة
والغربة المرة بتألمنا ملياها احبابنا وأهالينا
ولا عايزة المركب يوم ترسي
ولا راضية تعود لك يا مدينة
والروح مش ممكن يوم تنسى أغلى ما لينا
احلامنا في حضنك سايبينها ومعانا تملي في حكاوينا
مستنين يوم ما تضمينا ويرجع تاني فرحنا لمراسينا
نزلت دموعي على الحجر ..
قلب الحجر من دمعي لان وخبط على فروعك
قطف الورود من سدرك المليان
وداس بستان ضلوعك واصبحت ذكرى
ماعدش فيه امل في الرجوع
أصبح صرخة هوس
ودموع بتطفي ضي الشموع
نور الفنار انتهى .. ما بقيش غير بعض الخنوع
وماعدش بينورنا صوتك
أصبحت صرخة في نبض خوفك
وفعل ماضي .. بين قوسين " الموت "
مرفوع بسن الألم
عاتب عليك
حرفك و ماشي علي ورقة لمون سارح
وقزاز فتات .. بنلم فيه
ونحضنه ويا العذاب
بعد الغياب بعد الجراح الحلم شاب
وبقيت تراب
بنكلمه نسمع أنين غناويه
وندوق في صوته الألم
الجرح نازز منا واليوم ماعدش إمبارح
والخوف ساكن فينا مابين حلم وكابوس
الحرف مش لاقي كلام
دي الفرقة نار وانطفى نور المنار
واتهدم فوق رؤوسنا عمود الفنار
أصبح نزيفك نبض واقف ادام التيار
أصبح وجودك لحن دم منزوع الاوتار
وبنات الحور مادين لعيونك ألف ذراع
مترصصين ومنتظرين الفارس يدوس الزعفران

\\\

 

[بلقيس الرشيدي]

أثِقُ دائِمًا أن الأدب بِلغُتهِ الفُصحى أجمل وأعظم وبِالعاميَّة مقبُولة كثِيرًا .
كُنتِ رائِعة ياسِيرين وإن كانت اللَّهجة تختلف فَقد وصَلت بشعُورٍ جميل

أسعدكِ الله

 

[سيرين]

المشاركة الأصلية كتبت بواسطة بَلْقِيسْ الْرَشِيدِي

أثِقُ دائِمًا أن الأدب بِلغُتهِ الفُصحى أجمل وأعظم وبِالعاميَّة مقبُولة كثِيرًا .
كُنتِ رائِعة ياسِيرين وإن كانت اللَّهجة تختلف فَقد وصَلت بشعُورٍ جميل

أسعدكِ الله

حقا دوما حضوركِ اديبتنا " بلقيس " وسام للحرف وتتويجه بحسن الوصف
كم ضياء مخملي امطر كينونة الزمن باريج جوري العطر
لكِ من تلك العطور اطيبها غاليتي
امتنان لغيم هطولكِ وثناؤكِ الراقي
ود وياسمين ~

 

[عبدالله العتيبي]

انتي رائعة سيرين بكل حالاتك

رقيقة الحرف والمشاعر


لك بصمة جميلة جداً رغم الحزن المكتظ


عااطر مودتي

 

[سيرين]

المشاركة الأصلية كتبت بواسطة عبدالله العتيبي

انتي رائعة سيرين بكل حالاتك

رقيقة الحرف والمشاعر


لك بصمة جميلة جداً رغم الحزن المكتظ


عااطر مودتي

الأروع أن يتوج حرفي بمرور قامة شعرية ليتقلد اوسمة الزهو
دامت إشراقتك شاعرنا الالق " عبد الله العتيبي "
مودتي والياسمين


\..

 

[سيرين]

غنلها اغنية الصبر الجميل
وهي قاعدة بتنتظر
حبات عرق تسقط من جبينة الطيبة
شفت الجبال العوالي
تحت الشمس بتلالي دهب اصفر
وهو كان جنبها اصغر بكتير
كان امله قرش يسد بيه قوت يومه
وحلم كبير ببيت صغير
شايل حموله اليوم بطوله
لا بكتير ولا بقليل
كان همه يرضي امه
ويعيش حياه مافيهاش زعل
قام زعق فالدنيا دي
شق العتمه وقال حكسر الصعب بالايادي
وهعيش ديما باجتهادي
انسان مسالم مش معادي
زي طفل بريء صغير
لكني لو في يوم اشوف حقي يضيع
بتغيرببقي زي اسد كبير مش شبل رضيع
حتي العرق فوق الجبين له كلام له حنين
حتي صوته لما ينزل فوق الرمل له رنين
له شجن حر برد مش حكايه
الهدف هو النهايه
وننهي بالصبر اجمل روايه


\..

 

[ساره عبدالمنعم]

جميلة يا سرين بكل حالتك

 

[سيرين]

المشاركة الأصلية كتبت بواسطة ساره عبدالمنعم

جميلة يا سرين بكل حالتك

الاجمل عبق حضورك الراقي
لا حرمت ضياؤك غاليتي سارة
مودتي والياسمين