نصوصٌ ظلها مرتبك .!

[محمد يسلم]

(1)
سولف لي عن عيونك ...
... وْ عن تفصيلك ولونك ...
عن بعض لمسة شفاهك ...
.... عن وعَظ تعطي جفونك !!

عن جنونك ....
عن فنون العشق في عزفك/ لحونك ...
عن ترانيم الأماني، كيف تتأرجح فكونك
عن مزونك، كيف تِغريني
عن العالم مزونك
في فتونك ذايبة فِتنة
قصيدي في فتونك ....

يا غلا ...
ودي تسولفلي عن احساسك ..
عن أنفاسِك ..
تعلمني يا كيف أداعب أَنفاسَك ...
ابي ناسِك ذُهول تْشوف قُداسك..
وانا النّاسِك !
ابي تسولف عن اجراسك..
وكيف من الحلا خلخال
يفدى كرْكبة راسك !!


انا ودي تسولف لي عن أطيافك..
وكيف إرتعدت أردافك
حَيا مني
شبقْ منّك ...
بعض من شيّء ما يتحمل أوصافك ... !
وكيف ان نِمت عاكتافك...
وكيف الوقت يصهرني ف غريافك

على هونك
وسولف لي على هونك..
مزوني غطت امتونك
ياكيف تْرامت اطرافي على صدرك وانا دونك...!
يا كيف اكتب بعض شعري،،
وانا شِعر ف بعض كونك !

بعد عمري
ابي تْسولف عن التجديد..
عن التغريد
وكيف الناس في هيئة مكرر دائماً تأتي ...
وكيف انت المُفيد!

(2)
أبي تشعل أنوثة من قبل ماتت...
وفي غْيابك بعَد حاتت!..
ابي تْسولف عن أيلولك..
عن أبعاد الجسَد يا كيف
تتشكّل في مدلولك
عن أعشاش العصافير
وجداول خصرك الناعم
عن اهضابك... عن سْهولك عن الشامه
وْعن الكَرْز وعن البرد -فحضن لندن -
عن الدشداشة السمرا،، عن فْضولك
عن القانون/ كيف تَْقلب القانون في زولك
وكيف تْضمني صورة،ِ، وانا صورة معك باتت!


ابي تسولف عن خْصالك... عن أعمالك
ابي كل الفصاحة تنحِسر في مبسَم أقوالك
عن إجْلالكْ...
يا كيف اصبحت انا سيد غلا هالِك!!
عن الزيتون والرمان.. والتفاح والليمون
يا رمّانيِ إلْحالك،..

انا ودي تسولف لي عن البرواز
انا أقصد كيف صرت فداخلي برواز !!!
وغيرك حاول وْ ما فاز ...!

عن إظلالك..
وكيف ارتجّ لِك في حِنكة اظلالك
عن آخر شطر في ثغر القصيد اللّي من أعمالك!!

ابي اتسولف عن الجنس العفيف /وْكيفْ
.... تتولّد وانا ابجنبك فصول الصيف !!
يا احلى كَيف !

ابي اتسولف
عن -الحريةِ المفضوحة-
فْ عصر الألم والزيف

عن أمريكا/ انا اقصد إمِّنا العَودة
وكيف فْ يوم صارت ربّ معبودة !!

ابي تْسولف عن العادات
وكيف الذات
في لَحظة تبي تتحول الْ لذّات !
.
أبي تْسولف
أبي تْسولِف
أبي تْسولفْ
من اقصى آخرك ..
يا ليـــــن
أغرق في حدَقْ نونك !!

.


8/2007

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


من -سيّد الشعر- المهذب مُنتهى الهامه=للصاحب -الشعر- الصدوق المعتلي مجده
للما / لاحضان الربيع / النور لانسامه=للإستواء /الإعتلاء / الإرتقا و جنده
للزّمهرير و له زفيرٍ منتصر دامه=ما أثّرت حِمق القوافي العِكر في زنده
يا صاحبي ماغبت لكن للمسا شامه=والبدر شامه فِخد هذيك السما وحده !!
الليل يطربني لِثامه .. شدّني إلثامه=والصبح يزعجني ظهوره.. إقتطِع يدّه
لاشفت ضوٍ من عتيمٍ آنا رسّامه=وان شفت في الواقع خيال/ اذكُرني بفرده
انا تفاصيل المدى وارموشي أحلامه=وانا تآصيل النجوم فسارية وسجده !
ياصاحبٍ كل ما لقيته يرتفع قامه=انت السمو انا الشموخ ، اثنينا مهده
ياصاحبي عشقي كسر في حبك اقلامه=حتى حروفي دفوَها من سحرك وبرده!
ان قلت احبك... يكتسيني شيّ فاقدامه=بعض التوجس او قصورٍ ما ادري شاعده
من كثر عشقي صغت له من كفي ابهامه=تتوافق فبصمة شعوره ،وانكتب عنده
في ذمتي بانه غلاك اشتدّ بي احزامه=وانت حزام ورفقةٍ للْ /موهبك جهده
تذوي بك أنفاسي قصيدْ وْ قافٍ اريامه=شوارد الفكره.. ونهجك هدني بـ شِده
انا ربابة وانت عودٍ دوزَن اقسامه=وانا لك الناي الحزين المورِق بزهده
أعيش بك شاعر.. واموت انسانٍ أيامه=تذكُرْه في خير المواقف ..تبكي لفقده !!
كم -ناظم- اتشعّر لجل وصلك و ما رامه=دربك .. وعِر ما ياصلك من مخلفٍ وعده
يا صاحبي -يالشعر- و انته مُنتهى الهامه=انته تفاصيل الفضاء و صاحبك مجده
[/poem]

1/2007