أنا ( صدامك ) الشامخ ولوهو طاح .. تمثاله !!!

[فهد عواد]

الى والدي ... أبو خالد

لتتأكد اني لأأجحد المعروف وأنني ( رغم انف الاعلام ) موجود ..!!!!!!!!!!

فلسفه خاصة في الرثاء !!!

( مرثية الشيخ / حمود بن صخيل المطرفي **رحمه الله** )

[POEM="font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]( يبو خالد ) لمحت بعينك اليمنى عتب وأقوال=وشفت بعينك اليسرى شره شيخٍ على رجاله
تبي أقصد .. أجل هاك وتوحى جزلة الأمثال =أنا ( صدامك ) الشامخ ولوهو طاح .. تمثاله
يبو خالد هِنا مدهال ... مايشبه ولا مدهال=تنوخ به عظيمات المعاني ... وأتعزواله
يبو خالد هِنا سيفٍ .. تعود يكسر الأغلال =هِنا شااااااااعر يبو خالد يقول اللي على باله
الى جتني أطلعها .. ولا أحسب قولة القوال=مثل ماتكفخ براسي .. تبي تكتب على الآله
أبجبر حرفي الصعب اليسير لدمعنا لاسال=وأبرثي شيخنا وأسكب قصيدي وسط فنجاله
توفى ( حمود ) أبدعيله .. وأبسأل ربي المتعال=الا يالله تغفرله .. وترضِيله .. وترضَاله
وأبأخشع وأذكر الميت .. برحمة منزل الأنفال=لأن المصطفى قال : أذكروه بطيب أعماله
عسى الله يرحم قبور الرجال اللي تسر البال=عسى الله يرحم حمود وعسى الله يصلح عياله
وأنا ماني يبو خالد .. رديٍ يجحد الأفضال =أنا رجلٍ يدين الوقت الأقشر تكرب حباله
عظيمٍ يعدل الهامه .. الا من الزمن ذا مال=حكيمٍ يحشم الكلمه .. مثل مايحقر رياله
وأنا أدري مدحت الرجال نفسه عيب ... ولا تنقال؟!!=ولكن الشمالي مايلام ان ميّل عقاله..!!
لك الله كتفي الأيمن .. كما الأيسر يشيل أهوال=كثير اللي بغا هدم الطموح ... ولا تهياله
أنا الواقف هنا يعني أنا الأول .. وأنا الزلزال=وأنا اللي فضخ عيون الحسد والحقد .. بخلاله
وإذا الإعلام نافِق لي وأنا أستقبل وأبث أرسال=أنا إعلامي هنيا .. وكلٍ يسكت أشواله.!!
وأنا يوم أحجب حروف القصايد .. ماني والله ذال=قصرته لجل مايخطي على المعنى ويغتاله
هِنا الفقد أكبر إمن حروف ومعنى شعرن الصلصال=حمود أكبر من حروف القصايد .. لو أتبكّاله
حمود الوافي اللي ماترك ربعه .. لطرد اللال=يوردهم على الجم القراح ... ويترك حثاله
حمود المجتمع والمنفرد لاكثرت الأزوال=خلقه الله كما غيثٍ .. يسر الناس همّاله
حمود المشتهر بين الخلايق في سماح قبال=ولا ياكني أسمع صوت قبره وآتوحاله
الا ياقبر .. من حقك تباهى وتفخر وتختال=مدامك تحتضن شيخٍ .. خيول العز تبراله
هِنا قبرٍ .. مهو بأيات قبر ... الا قبر رجال=لو انا ( نرجعه حيٍ ) فلا والله وفيناله
أنا ماقلت يابويه .. بعض شعر الرثا قتال=لأن الشعر يقصر عن حمود .. وصعب يرقاله[/POEM]

..........................

فهد عواد

 

[سلطان المبارك]

صح لسانك
ولاهنت

مديح رائع وتوضيف رائع
في نسج المفردات واختيارها

ارق تحياتي

 

[خالد صالح الحربي]

.
.

.

أجمَل.. "الرثاء".. مايُؤدّي.. بنا.. إلى.. " الثَّراء"..
جميلٌ.. للغاية.. يافهد..

.
.

 

[عبدالله ثويني المانع]

..

بين الرثاء والوفاء أطلت البقاء
رحم الله الشيخ / حمود .. ودمت وفياً
..
العزيز / فهد عواد
لك الشكر والتقدير .. دائماً يسعدني تواصلك

أرق التحايا لقلبك

..

 

[فهد عواد]

المشاركة الأصلية كتبت بواسطة سلطان الشتيلي

صح لسانك
ولاهنت

مديح رائع وتوضيف رائع
في نسج المفردات واختيارها

ارق تحياتي

سلطان الشتيلي

صح بدنك

ولا تهون

مرورك من هنا

يجعلني أفخر

لأنني كنت هنا

.....................

فهد عواد

 

[سعود المتعب]

فهد عواد

دمت بهذا الوفاء

ورحم الله الفقيد


مودتي واحترامي

 

[مشعل العبار]

صح الله السانك..

الله يرحمك يابو صخيل.. والله مصابنا فيه جلل..

عز الله كان من صقور القبيله.. الله يرحمه.. الله يرحمه ويسكنه روحه الجنه..

 

[شوق]

صح لسانك

نص أكثر من رائع

كل الود

أختكـ:شووق