قصائد مبعثره ..

[أمجد الدبيسي]

[poem=font="traditional arabic,6,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]




يا ذالموبايل غايتي صوت نغمتـك=النغمه اللـي خصصـت للمحبيـن

كل الشعور تفز فـي وقـت رنتـك=وتكثر سموعي لوّهي بـس ثنتيـن

ومع موجة الارسال تنساق رقتـك=يامن هواك القلب والفكـر والعيـن

ونغمة عبادي قالت بـروح دقتـك=طال السكوت وهو متى بس تحنين

وسكت غرامي ماتبي غيـر سكتـك=السكه اللي ماتعـدت علـى الديـن

واللي انعقد من هاجسي فيك مفتـك=وعلمن حصلي في مسا يوم الاثنين

في موعدك والساعه تقول تك ,, تك=تصرخ تصيح بكل شوقي على حين

الصوت في قلبي وشوقي بشوفتـك=وهذا انتظارك ماعرف لحظة الليـن

وانا اخايـل شوفتـك مـع اناقتـك=صعب اتحمل هم مع حالـة البيـن

غبتي وجاني الطيف دخان عفتـك=وتشكلوا في بالي النـاس والديـن

وعقلي خذا فنجال من ثقـل دلتـك=يامن يعوض غيبتك ميـن وياميـن

واقـول لامنـي ذكرتـك بهمستـك=يا ذالموبايل نغمتـك حسهـا زيـن[/poem]

 

[أمجد الدبيسي]

اقل تعبير عن الحب هو التعامل اللطيف
واكثره التضحيه

/

[poem=font="traditional arabic,6,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المحبـه يالحبيبـه تطلـب شويّـة غِــذا=يا بجلسه يا بنظره يـا بمرسـول الموبايـل
لاطلبتك شي قلتـي هـذا ياعمـري إذا !!=وآنا في وادي غرامك من عنا الاشواق سايل
قد حلفت اني بدربك مشيتي خلفك حِـذا=لايتعكر صفو حبك .. قد ملكتي قدر هايل
من زرع ورد بخفوقه تخرج انفاسـه شـذا=ومن بنا واخطى اساسه يبشر بكثر التمايـل
صدتك يابعد عمـري ماهـي وربـي أذا=صدتك معنا الهلاك وخيبة رجال القبايـل
جا قساك وجـا عنـادك وابتليتينـي لـذا=باجمع شْموخي وابرحل واعمل فبُعدك عمايل
وان سئلتي ليه ردي كيفي ياحلوه .. كـذا؟؟=يا تجي مثل الحبايب .. يا لحملي ألـف شايـل[/poem]

/

قد يكتفي الحبيب بالاحساس
ولكنه بشر ويطمع

 

[أمجد الدبيسي]

/




سبحان رب الكون قسّام الارزاق
....... اعطى ضعيف النفس مال وحرمني

/

 

[أمجد الدبيسي]

/

دكة اوجاع


[poem=font="traditional arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تركتنـي ياصاحبـي دكـة اوجــاع=فيها اتجمـع صحبـة الهـم والضيـق
متخالفيـن الـراي لكـن بالاجـمـاع=وجوب هلّ الدمـع مـن دون تعليـق
حزني اكيله صاع وآضيـع بالصـاع=ألقانـي وارجـع للعنـا بالطواريـق
واقول يافارد علـى بحـري شـراع=وصّلتـك المشـراف بيـن المعاليـق
وذريتك بغابـة فـرح مابهـا خـداع=ماهـي بمحـدوده بشيـح وزماليـق
ثم غبت ما ادري ذبت من دون مرجاع=وانا الذي مـاذاق ولـو بلّـة الريـق
ان قلت فيني صداع مافينـي صـداع=فيني انهيـاره مـن علـو الشواهيـق
فينـي قفيـرٍ نامـوا عيالـه جـيـاع=وفيني قهـر وهمـوم ليـلٍ مطافيـق
فيني وشو اللي ماهو فينـي وينصـاع=روحتك سوت مـن دوعـي ملاحيـق
ياصاحبـي تركتنـي مـثـل بـيـاع=عنده سلع تحتـاج للخلق تسويـق
تعال او خذنـي ولـو مثـل الامتـاع=معاك فرحة ليـل وصبـح التوافيـق
معاك دنيـا تهتنـي بيـن الاضـلاع=معاك درس احباب والصـدق تطبيـق
ادري رخيت العين وقفلّـت الاسمـاع=مـاودّك بطـاري يـزوّدك تشـويـق
ان كـان دور البُعـد لافيـك بإقنـاع=برثي زمان طويق ومن كان بطويـق
تركتنـي ماتـدري انـي بالاوجـاع=اصافح همومـي ويصفعنـي الضيـق[/poem]

 

[أمجد الدبيسي]

قالت وش اكثر شي فيني تحبه
..............قلت : انتي انتي مثل ما انتي احبك

 

[أمجد الدبيسي]

[poem=font="traditional arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شعور الليل والغربه وضيق الصدر يالغالي=تزول بنظرة عيونك تعال وناظر عيوني
سرجت الفكر بابياتي وجيتك فوق موالي=اناديك بصدى قلبي ولكن خابت لحوني
انا جالس هنا جنبي واوآسي حالي بحالي=عليم الله ضايقني زمان يشيّد ضنوني
ترى من فطرتي اكره علوم القيل والقالي=ولكن صرت ألاحقها مابين العقل وجنوني
اهذري بك بصبح وليل واسئل عنْك جوالي=قسى كل شي ياعمري قسى حتى تلافوني
احبك قد ما ليلي من افواه البشر خالي=احبك قد ماتمشي عيون الناس في كوني
احبك قد ما اشعر بحبك اول وتالي=احبك قد ما احبك دبل ياضحكة سنوني
احبك قد ماحبري يضيّق كل عذالي=احبك قد ماربعي من الغيره تناسوني
احبك قد مالفرحه تحبك دايم فبالي=احبك قد مانفسي تكون اللي ينادوني
شعور البُعد والوحده ودمع الليل يالغالي=تراك انته سبايبها تعال وكفكف عيوني

[/poem]

 

[أمجد الدبيسي]

مدخل

[poem=font="traditional arabic,6,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالدار جني وجنيّه=والفكر تتراقص جنونه
يالليل مافيك حنيّه=والصبح مانعرف لحونه[/poem]

(( وجه وظفاير ))

[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مليت من غربه وترحال وهموم=ومليت من فكري ومن حال جاير
حتى المكان اللي انا فيه ملزوم=مل التعب كنه يهل العباير
احيان اخاطب ماكويته من هدوم=واسمع صداها بين لعب الستاير
اسكت وعيني شافت علوم وعلوم=ناسٍ تجي وتروح وسط العواير
مشيتها ياما على بالي حلوم=لين اتضح مابين وجه وضفاير
لاياصديق القوم لاتعلم القوم=خل الذي صاير ولاكن صاير
هذا المطر ينزل وحنا له غيوم=والخوف ماله دار بين الزراير
خلك كذا انسان بالحس معدوم=والا تذوق من الدواير دواير
حنا رفاقة درب محتاج لعزوم=ولانحسب حساب العنا والخساير
الصبح كنه من قسى الليل ملطوم=والناس ماعادت تحب البشاير
ياصاحبي مجلاسنا كله نجوم=وذاك القمر واقف ولاهو بحاير
واللي تشوفه صدق لا مانت موهوم=سولف ترى مافيه ضيق وعزاير
ديارنا غربه ومجلاسنا هموم=بنعيش ولو هالوقت بالحيل جاير[/poem]

مخرج

[poem=font="traditional arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله تفرج عن السهران=اللي قضا وقته يحاتي
مشتاق لمصافح الاوطان=والخوف كله من الآتي[/poem]

 

[أمجد الدبيسي]

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

اهلاً هلابي عدد ماتطلع القمرا=واعداد مايسهرون الليل حّبيبه
كيفي بهلي بنفسي والبشر تقرا=والنذل يبطي ابد مايوم اهلي به[/poem]

وللدفتر بقيّه