مشآكسه .. .. .

[أمجد الدبيسي]

سلآم من الله على قلوبكم العآطِرهـ


......... مشآكسه لثلآث ابيآت لصديقي
الشآعر/ محمد بن سليمآن العنزي


يقول :



ماعاد فيني للوجع . . كتفٍ يشيل
ولاعاد باقي من حضوضي . . رجاوي


يممت في وجه الحقيقه تساهيل
وعيّاني الحظ الردي بــ الغناوي


كنيّ أشوف اللي بقى . . بالمقابيل
[ ونة غريبٍ و لّحقته البلاوي ] . . !



وقلت :



لا .. يآ مشوّقني لبدع التمآثيل
وانا من الله لأجزل الحرف هآوي


جمّع همومك .. ثم ولّع بهآ الليل
وزوّد حطبهآ من ظلوع الحيآوي


اركن عليهآ فوحة البن والهيل
خلّ المزآج يصير للجرح كآوي


العمْر مرّه .. بين جد وتعآليل
وانت الفطين اللي على الرجم عآوي


خلّك صدوقٍ مآتهمّه بهآذيل
الكذب مآيحقق لقلبك منآوي


يقولهآ اللي يجرع الويل بالويل
ولآهو عن اهل الحق رجْل امتزآوي


ان كآن تشكي الفقر .. لآ تعجّز الحيل
يآكم غني .. مْن الفرح كآن خآوي


المال ما تنقآس فيه الرجاجيل
لو ما المصآلح ما ارتفع كل هآوي


ماشفت كيف الحآتمي يطرح الخيل
للضيف .. ماقال الفقر شي لآوي


وان كآنهآ غربه .. ترآهآ تسآهيل
النفس محتآجه لوقتٍ خلآوي


البُعد ينجب لك كثير التهآليل
للي تهمّه جيّتك يالندآوي


وان كآن قصدك عشق لاْم المظآليل
هذي البلآوي يوم قيل البلآوي


عليك في مآ يستفز المرآسيل
اجرح طبيبك كآن تبغا المدآوي


ولاتنزّل عيونك عن الجدي وسهيل
دنيآك تحتآج لبعيد الهقآوي


وحآسب من الزلآت بين الحلآحيل
للفعل بين النآس .. ألفين رآوي


النفس اغلا من شموع القنآديل
لآ يطرحنّك اُمهات الغطآوي


وان شفتهآ طآلت دروب الغرآبيل
الموت ارحم من حيآة الشقآوي


اقولهآ وانا من همومي آكيل
واحمّل الاقدآم كثر الخطآوي


ادله مع الدآله بليّا محآصيل
كنّي طويت الهم .. في هم طآوي


ان قلت : تلقآلك طريق ومدآخيل
مآني على بعض السوآليف قآوي


افرح .. إذآ جآلست ربعٍ مفآتيل
واضيق .. لآجآبوآ علوم الهوآوي


مآكنّي إلا حر بين المحآبيل
عقب الفضا .. باللي يصيد امتسآوي


لاوآهني من وآدي افرآحه يسيل
وإليآ سرى حظه مع الليل ضآوي


يآصآحبي هيّضت صآحبك .. والليل
روّح .. وْاخبره مآتردّه رجآوي


ان كآن قصدك بس .. بدع التمآثيل
انا اشهد انك .. لأجزل الحرف هآوي



لكمـ من القلب

 

[سعيد الموسى]

أمجد الدبيسي شاعر جميل ويعلم كيف يحيك الشعر ...
شكراً لك ولمحمد العنزي أيضاً

 

[عيسى غالب العنزي]

امجد

صح السانك وعلا شانك
وصح السان الشاعر / محمد العنزي
جميله هذه المشاكسه

لك احترامي

 

[فايز بن جبيل]

اقولهآ وانا من همومي آكيل
واحمّل الاقدآم كثر الخطآوي

امجد الدبيسي لله درك

ولا ضير ان تشيلنا الارض بهذه الاحمال ,,

شكرا لك ولمحمد على هذا العبق الذي يخفف وطئة الايام بنا

ودي وتقديري

 

[شقران الزيادي]

جميل هذا الحضور يا امجد
قصيدة اتسمت بالنصح والحضور المميز
شكرا لك والشكر موصول للشاعر الجميل محمد العنزي

تقبل حضوري المتواضع
شقران

 

[صالح الشملاني]

جميل ياامجد بكل جنونك .. تتنفس الشعر بي عمق ووعي
صح الله السانك