لحن الصمت !!

[نورة القحطاني]

بين السما والارض تكوّنتْ طين
أيام لحم ودم واحساس دافي

تقاسموها عذرهم هالمساكين
الشوق مايرحم وطبعه شفافي

كن الأماني في شتات الميادين
غربة وطن غربة شعور ومنافي

ماهمهم دمعٍ جرح صافي العين
كان اكبر طموح المشاعر قوافي

لين كتبتهم هالقصيدة عناوين
اغرب شعور ان الحزن دوم وافي

تعال ~ يكفينا من الغربة سنين
ذابت ضلوع ارواحنا .. اييه كافي !

خذني سهر خذني شعور المحبين
اللي طواهم ليلهم بالمرافي !

 

[نورة القحطاني]

من بان ليل السهر في نظرة عيونه ؟!
هل يكشف الصمت حزنٍ لملم طويقه ؟!

 

[نورة القحطاني]

لا تعيد احساسي الباهت علي !

 

[نورة القحطاني]

مشاعرنا .

^

كأن النص أعلى قمة الدفتر
وأقصى قمة شعوري
كأن الحرف فيها صمت
وداخل حرب ف ضلوعي
أحس بوحشته
وأدري
تفاصيله
نفت عذري
بقى الدفتر بدون جسور
بقى لونه يذرّ من الجفا دستور
بقت أرض المشاعر بور
وغربتنا بدون أسوار مبنيّة !

 

[نورة القحطاني]

هاللحظة
احساسي
حيل يوجعني !
تعبت
ألملم شعوري
فيك
واخسرني !

 

[نورة القحطاني]

ماعرفت ان المشاعر لي وطن
لين شفت ضلوع غربتنا تبين

دامها الايام للذكرى تحنّ
من يلمّ الليل واحساسه حزين

 

[نورة القحطاني]

لم أنتبه لذلك العطب الذي اقتحم روحي ...
مؤلم بشكل مباغت !
.
استغفر الله وأتوب إليه

 

[نورة القحطاني]

أشتاق لك لو غبت عنّ ثواني !
وشلون لو كانت من الشوق ساعات !
.
على غربة مشاعرنا تكوّن للشعور أقواس
تضم بوحشة ظروف الأماني غربة أشواقي

أشتت حزنها بالصمت والمعنى بدون احساس
يقيّد عمرنا الأول ويطوي أطهر أوراقي

.

حتّى الغمام
اللي مع ضيقنا حسّ
شف لون دمعه صار
يغرق شواطي !