صرت أخاف من الكلام .. تصدقين !!

[نواف التركي]

.




.




.










صرت أخاف من الكلام .. تصدقين !!
صرت أخاف..
يـاخذوني في غباء ويستلّذوني جهل ..
صدقيني صرت أقول لكل طاري شعر يطري لي تمهّل ..
مو على كيفك تجيني ..
تاخذ الوجد المعتّق من حنيني ..
تاخذه منّي وأنا محتاج أشمّه في ثياب اللي يمروني عشان إتـ ْحس بـ شوّية أمان ..
تعطّر أجواء المكان .



صدقيني كنت شاعر بس شاعر في زمان ..
مايبي شاعر يبي تهريج ضوضاء وصراخ
صدقيني ..
أقدر أصيّح وأكون الأول بعين الجميع
صدقيني .. أقدر أمدح لي وضيع
صدقيني .. أقدر أخفض لي رفيع
صدقيني أقدر وأقدر وأقدر
أقدر أخلق لك من الـ لا شعر شعر
أقدر آسوّغ من الـ لافكر فكر
أقدر آسوّي كثير .

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بس لوتدرين يحكمني كثير = القناعه قيد وأحلامي كبار

ودي أخرج من قفص نفسي وأطير= ودي أكسر ماتراكم من حصار

ودي أفرش قلبي بغير الحصير = ودي ألقى نفسي بضحك الصغار

ودي ألقى بعين أبوي إني قدير = وأقدر أخذ ذود جدّي للقفار

ودي أسرح كل صبح لكل خير = ودي إني لا عطيت أعطي كثار

ودي أمي يوم ..تفرح بي تصير = ماتشيل هموم غيبه وإنتظار

بس يشوفوني مثل عمري كبير = لو يديني عن أمانييّ قصار

ما يهم .. اللي يهم إني جدير = أورث التاريخ وأورّث دمار [/POEM]

مالك بطول السوالف والكلام اللي يطول
تْجين ننسى الجهل في بعض العقول
تْجين أغنّي لك مواويلي حزن
تْجين نخرج من تفاهات الوزن
تجين أحبّك من هنا لين الورق ..
للحب يا.. يا .. أنسه عدّة طرق

يا نكون أحباب.. لكن ما نحب !!
يا نكون أصحاب .. طبعاً مانحب !!




ليه هالليله حزينه..
مدري ليه ؟
بس أحس بحاجه لأنسان أفضفض له لقيت
إنك أقرب من يحس ( أو هكذا كنت أعتقد )
لايهمك ..
كنت بس بحاجه لبعض البكى
وأنتي لاتطرين لأحد من بكى

(خايف إني من عيون الناس أطيح )




شفتي إني صدق أخاف من الكلام
شفتي شلون أتوارى فـ الزحام
شفتي الشاعر إليا منه كتب
لا تحدينه يغنّي ..
مو طرب لكن يغني
(مو حزن لكن حزين )

وإنتي كنك تستلذين الغناء
أو تحسبيني أفضفض لك لأني بالأخير آقول أحبّك ؟

.... :

أيه أحبّك ..!
بس أحبّك تسمعين
أيه أحبّك ..
بس أحبّك تقنعين
إني شاعر ما بقى بقلبه مكان
وأنك أغلى بنت ما حبيتها
وأنك أرقى بنت قد حاكيتها
أيه أنا وياك يجمعنا كثير

الكلام اللي حكينا كان رابط بيننا


وآنا أحبّك
بس مثلي
تقدرين ؟

من بعيد الحب يعني عيد حب وشمعتين وترسلين ..
بيت شعر وكل عام وأنت غير
أنت روحي وأنت قلبي وأنت غير

إيه غير !
إيه غير !

شفت كيف أحباب .. لكن ما نحب !!

 

[علي المحمد]

" أحباب لكن مانحب "

يانواف

أبعاد تتوشح شعراً بك .. بأمثالك

قصيده فاخره على طبق من شعر

مذاقها الحزن .. المنغمس بِي .. بِك .. بِهم

دمت لنا .. لأبعادك

صح قلبك

 

[عبدالمجيد العِزّه]

الله عليك .. يامبدع ..


لوحه فنيه من طرااز نادر ..

أجدت في التنويع .. بترابط قوي ..

لمعاني ساميه .. هي المطلب ..

لكل من ينتمي للأدب .. بأدب ..




ملياار صح فكرك


ودمت برقي

 

[شاعر البدر]

عِنْدَما يًكْتُبْ نَوًافْ التُرْكِي الشِعر
تَنْهَاَلْ كُرُبَاتْ الْفَقْر عَلى شِعر سِواه
______________
نَوًافْ التُركِي الذي استَسيغْ/ اسْتَمْتِع
اطْربْ ...له

 

[محمد العمرو]

.
.


شلال شعر تدفق بشعور الإتقان ..


إسقاطات رائعه تبلورت بقلم مبدع



اطربتني وأشبعتني شعر اخوي نوافـ



وصح فكرك مليار

 

[محمد الضويحي]

نواف / العفو / الموسيقى هتفت بي لتقول :

أنت غير أنت غير

إيه تقدر تبهر الناس وتصير

شي ثاني / سحر آخر

تعصف بقافك رياح

تكتب بكفك كفاح

تمطر أطيافك صباح

أنت غير /وشعر غير

غير / غير

إيه غير

.....................

نواف

/ نهر خالد ما يجف /

 

[فيصل بن محفوظ]

مبدع حقيقي ...
شعر ..

 

[نجمة أمل]

بسم الله الرحمن الرحيم










هُنا لا نملك إلا الإعجاب بما كُتب
ولك تحية ..






.






نجمة أمل