للذكريات .. ابعاد

[عون القحطاني]

.

من ثغرها طاح الكرز
من كثر ماهو مرتوي

و سلسالها حبة خرز
على ارقبتها.. ملتوي

لو ما حلاها.. ما برز
على نحرها .. منزوي

.

 

[عون القحطاني]

‏‎قلت اسوق الخطاوي لو تطول الدروب
‏‎يوم جرّ القصايد ...... صوت ديوانها

‏‎طفت كل الاراضي من شمال لجنوب
‏‎اطررررد ..... ا لغيمه اللي زمٌ هتّانها

‏‎من غروب لشروق ومن شروق لغروب
‏‎طفت كل القفار ..... و طفت وديانها

‏‎يالله برحمةٍ تسقي .. عطاشا القلوب
‏‎و كل روحٍ تلوّت .. في ظما احزانها

 

[عون القحطاني]

.

كل ما مرت عيونك … واتذكّر
كيف قلبي في عيونك ذاب كلّه

‏كل باب للهوى .. بعدك تسكّر
وكل زين بعد زينك صرت املّه

.

 

[عون القحطاني]

.

الله يبيحك …… عذّب القلب كيفك
انا تعبت من المعاتب ….. صراحه

كل ما سليت من الهوى .. مرّ طيفك
ونقّض على قلب الشقاوي جراحه

.

 

[عون القحطاني]

.

ياليل .... عيني ماهنها النوم طال بها السهر
وتاهت مراسيل الهوى .... بين الجفا واعتابها

اللي اذا طلّت …. على شبّاكها …... فزّ القمر
صحّى النجوم الغافيه امن الوله .. ب اهدابها

.

 

[عون القحطاني]

.

‏دامك زعلت وخاطرك ضاق مني
امر حبيبي ... كل عمري فدا لك

‏افتح شبابيك السهر وانتظرني
بجيب قمرا الليل ..ونجومها لك

.

 

[عون القحطاني]

.
مثل الجدب ... قلبي
ومثل المطر .. طاريك

لا هف هف.. الغربي
و ليل الهوى ساريك

.

 

[عون القحطاني]

.


اي والله انها …….. فارقه عن سواها
كنها القمر والناس من حولها نجوم

كلما ضوى ليل الهوى ... من سناها
رقٌت بها النسمه .. و ذابت لها غيوم