مطول الغيبة

[عادل الدوسري]

أتمنى ان تصل وترتقي لمستوى قريب من اطراف قامات الشعر هنا

بسم الله أبدأ

الغايب اللي علينا طوّل المدّه
له اربع شهور لا كلّم ولا سلّم

وانا من الشوق قلبي واصلٍ حده
فيني صبابة غرام ٍ في الحشى علّم

ابو جديل اشقر ٍ يصفق على خده
من معهد الزين متخرج و متعلّم

اهيف خصر لا نطحني والهوا ضده
كن الخصر من هبوب النود متثلّم

اتلع دلع يا حلا مزحه على جده
كلّه تعابير لو ماهوب متكلّم

ما هوب حقي يجازيني بهالصدّه
وانا على شوفته جاهز و متولّم

الحظ عارض على ودي معا ودّه
وانا مع الحظ متشاكي و متظلّم

عاشق و عيا يبيح للعرب سدّه
وما زال في عالم العشاق متحلّم

قلمي

 

[ساره عبدالمنعم]

سلم القلم
مبدع

 

[محمد الزويد]

.



قصيده طيبه ، صح لساااانك

 

[عادل الدوسري]

المشاركة الأصلية كتبت بواسطة ساره عبدالمنعم

سلم القلم
مبدع

الابداع في مرورك يا راقية

 

[عادل الدوسري]

المشاركة الأصلية كتبت بواسطة محمد الزويد

.



قصيده طيبه ، صح لساااانك

صح بدنك

الحمد لله انها طيبة يا شاعرنا الكبير