فايق عبدالجليل ـــ يعودْ ولَكِنْ !!

[تركي الحربي]

واقف انا
صامت انا
والارض حست بالتعب
يهزني ريح الحرف
يطيحني رطب
شيصير في الاوراق
لو شاعر كتب
الحرف في الدفتر لعب
الحرف في الدفتر تعب
الحرف عطشان وشرب
صوتي حزين
والدنيا سجادة ذهب
صوتي يصلي ركعتين
صوتي برجوله هالليله
جدامي انتحب
صوتي على لوح الفضا
بخطه كتب
همي انا الكويت
صوتي انا الكويت
وعيوني العرب ..

للراحل | فائق عبدالجليل ..

 

[تركي الحربي]

..

انا مجروح ..... عطني جرح

يجوز الجرح اذا داهم احد يشفي

اجمع لي العطش صخره على لساني

اجمع صمت كل حاجه

وانثر صمت كل حاجه

انا لجمت صوتي اللي سكن حرفي

يعيش الصمت

وانا الصامت الاول

وانا الصامت الثاني .. وانا صامت ويكفي

اشيل البحر في صدري

واشيل الارض في كفي

تعال ياصمت ابي كتفك على كتفي

تمر الكلمة من صوبي

اغض طرفي

واشوف الصمت .. بس الصمت في صفي

قتـلتـني حالة اللاحال

انا موجود او منفي

 

[تركي الحربي]

ليش الحذر
ياما سحابة تخون توقيت المطر
ليش الحذر
ياما نجوم تموت من كثر السهر
ليش الحذر
ياما الربيع يمر ويبكي الشجر
ليش الحذر
واحنا مثل كل البشر
احنا بشر

 

[تركي الحربي]

... عاشق قديم ...

جريح جريح ..
و اللي علمني المشي
علمني أطيح
و اللي شراني بالذهب ..
رد باعني للريح
عاشق قديم
عاشق صريح
اسألوا نوم الشوارع ..
تحت أجفان المصابيح
و اسألوا البرد و الشمس و الريح
اسألوا .. صبري اللي سويته مفاتيح
اسألوا يمكن قوافي الشوق .. مني تستريح
يمكن الصمت اللي ساكني .. يغافلني و يصيح
جريح .. جريح .. جريح
درايش الديرة عيوني ..
عيوني نواطير
عيوني ألم غافي
عيوني ألم صاحي
و عيوني في الغربة أطيرهم .. عصافير
مجروح و عيونك ضماد
مجروح و عيونك بلاد
يا موسم النار بحياتي و الرماد
يا موسم النور بحياتي و السواد
مكتوب في بحرك يمر السندباد
مكتوب اسمك للربيع و للحصاد
يا خضرة ..
يا صفرة ..
يا حمرة ..
يا مشغولة بالطفرة
سمعت اسمك
غنى عصفور على سدره
قريت اسمك... قبل ما اكتب و اقرا
و أنا عاشق .. عاشق ..
عاشق الرملة
أنا بعدي طفل في شارع الذكرى
أحبك دمعة صيفية
أحبك و اسألي الأهداب
أحبك صحرا عطشانه
تحلم بالمطر .. يسأل عن الأعشاب
كتبت اسمك .. على ضلوع السدر و الماي
طار اسمك غاب .. و غاب
و لقيت اسمك ... عصفورة سكنت الأهداب
أنا دمعة ارهنتني الغربة .. في عيون المرافي
حبيبة عمري رذاذ المطر .. في ليل غافي
عرفتك صارت السكتة قوافي
عرفتك صارت الدنيا .. حقيقة و اكتشافي
و صار لون السما أزرق
لون صافي ..
صار حتى الورد يشرب من جفافي
و صار حتى الشتا .. دافي
صدقيني هذا واقع .. سجلي هذا اعترافي

 

[خالد صالح الحربي]

.
.

خبر.. مُحزن.. جداً..
رحمهُ.. الله.. ياتركي..
ورحِمنا.. من.. بعده..

.
.

 

[سطام الصعب]

الله يرحمه برحمته
ويغفر له

 

[حنان محمد]

لوميني ..لوميني

قولي للبشر كله

انتي ماتحبيني

يكفيني احبك انا يكفيني

اشعر في الهوى يكبر ويطويني

لوميني .. لوميني

هذا الحب في دمي وشراييني

مااقدر مااقدر اقطع في شراييني

 

[حنان محمد]

جيت الحين متأخر

الورق الاخضر على الاشجار

صار اصفر

انتظاري طال مااقدر بعد اسهر

الثمن عندك بعض كلمات

تكتبها على دفتر

والثمن عندي عذاب وموت

واحيانا يكون اكثر

شوف الفرق

لما انا احس الفرق اتحسر

ش تبي مني بعد اكثر