أيُّ حُزْنٍ .... ؟!

[آهات الوله]

السلام عليكم ورحمة الله وبركاته


صباح الخيرااااات ..

صباح البسمه على شفة طفل مرتسمه ..


وقطرة مطر تسعد من يناظرها ..


وتبكي من يملئه الحزن لفقده غالي ..


يلسموووووو


يا أحمد على شفافيتك ..



:0111:

أختك

آهات الوله ..


:23873940:

 

[أحمد الحربي]

تعبنا نخاف !

تعالي نزيّن الليلة ..
كلام النور
في ضحكات المسا الهادي ..
بـ همسٍ يشبه أصوات الحفيف بلهجة الصفصاف ..
تعبنا نخاف
تعبنا نساوم الوصل البليد بلعبة الحيله..
ورغم هذا بـ أغني له !!
في روحي شعر وثّاب
وبروحك نغم نجدي ..
ومن وجدي
طرق باب الفرح قلبي ..
أمانة لاتردينه !!
ينادي
قلبك الماطر ضماه وباقي سنينه :
أمانة لاتعنينه !
تعالي نزين الليله
وطن أخضر
نطير للكلام أسراب.. شعر وأنتِ تغنّينه !!

مدينة ليلة عيونك
وأنوار المدينة صوتك .. إحساسك
وهمسك لو هو يتناثر
يسيح الخاطر الزعلان
ويتمدد ..
مرابع حب
مرابع شوق
مرابع تنفي الحاسد وتحضن شهقة الولهان !
وأنا الهيمان ..
أتوه بشارع أهدابك
ويوّصلني لـ لوحه أنكتب فيها :
[ بعد مدة مسافة حلم بتوصلها ] .!
وأواصل رحلة عيونك
وشارع ينتهي بشارع
حنين الوصل بي فارع
و أغني للمطر جرحي :
بشوفك وأرمي الدنيا ورا ظهري عساي أرتاح
....................تعبت من الأفا والـ ليه , ثمين العمر وش باقي ؟!
خسرت ولا ربحت إلا قليل من الصبر وجراح
................... ربحتك وإن خسرت العمر عسى تحييني أوراقي
أمانة يالأماني بس يبس غصن الوفا ماطاح
...................عزيزٍ ماثنته الريح نذر عمره لعشاقي
جميلك يالأمل بالله كبيرٍ والصبر مفتاح
................... لأبواب الفرج.. للصبح.. ألا يالذة اعتاقي
بشوفك وأنحر هموم المسافه وأطوي اللي راح
................... وأجنّب كل متاهات المدينة وأسكن آفاقي
أحس بصدري الواسع : أغاني, رفرفات جناح
................... شراع يبحر بيمك , ويمك هبّت أشواقي
وإذا .. لو عجّل الليل الطويل وعزم المرواح
................... يروح ونسهر بغيره .. مادام بعمرنا باقي
تحيه يالزمان العذب , تحيه والعمر مسباح
................... على حد العطش والتيه.. لقيت المِدْرك الساقي !!

ماعلينا ياحبيبي ماعلينا
من كلام الناس ماكنا درينا !!
لو يقولوا عننا مهما يقولوا:
انتهينا
لا
أبد حنا ابتدينا ..!
و أواصل رحلة عيونك
وأنا في غمرة هيامي
ترامى ضحكي بكل الزوايا ..
والصدى يرقص على الجدران !!
يكّتبنا .. ينادينا بأسامينا
وشبابيك المباني حضن
لـ يعشعش الحمام ونام
نام
نام الهم
نام الحلم
نام الكذب !
بألوّن كل خيالاتي بلون العشب
بلون الأزرق المغرور !!!
وأردّد لك :
قرّب مادامه حادي الشوق لاويك
................... لك بإنتصاب الجرح يا دمي حقوق
منهو يماري طلتك وأنت حاليك
................... رمشٍ خطاه الكحل , والعنق منتوق
منهو يعرفك زين صعب يخليك
...................دام الشجر عزه وراء ظل وعروق
علّه تطول السالفة وأرتحل فيك
................... من أخمص الأقدام إلى ضحكة الموق
يامشرق الأفراح , حظ الشبابيك :
................... إنك تنوّر غرفتك تصبح شروق
ياما رميت من العتب بين أياديك
................... وأسبلت حلمك سيد الهمس برفوق
يا وسع صدرك صاحبي كل مـ أجيك
...................من صدر ضايق ينشرح بال ويفوق
بأقرب مادامه حدني شوق وآجيك
...................والله يعينك كل ماحدني شوق !!

تعالي نزيّن الليله
لذكرى أيام بتجينا ..
ياإنا نصير بالماضي
ياإنا نركب الصعب العنيد ونلحق الحاضر
بأصدق حلم يحملنا
ويحمّلنا أمانينا ..!
تعالي نزيّن الليله
أبرجع طفل
يتمتع بكل اليوم
يرمي أمسه فـ أمسه
ويترك باكر لباكر !!
يا إنا نعيشها لحظه
يا إنا نموت ماعشنا هالزمان بكل فرصاته !
وتبعدنا ليالينا
لا لا .. لا. لاا ..
تعالي نزيّن الليله :
زهر
جوري
بريحان الرضا الوافي
بنعناع الكلام العذب
يا أعذب حس ما ينشاف
تعبنا نضيع اللحظه
وتعبنا نخاف
تعبنا نخاف
تعبنا نخاف

http://www.dwaihi.com/poem/23ahmad15.ra

* لـِ : أحمد المطيري

 

[الريـــــم]

أيُّ حُزْنٍ هذا يـا أحمد
أيْ حزْن .. ؟

 

[الريـــــم]

يـا الله .. !
مالذي قادني إلى هذا المتصفح في هذه الساعة
هذا المتصفح مُرْهِق .. جِداً جِداً جِداً
بدر فرحان .. إلقاؤهُ حُزْن آخر
رِفقاً بِنا يـا أحمد .. رفقاً بالقلوب الشفيفة
مؤلم جِداً .. مُحْزِنْ جِداً

 

[الريـــــم]

[ .. عم عبده .. ]

[POEM="font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا عم عبـده تراهـا غربتـك سهلـه=لا تشكي البعـد والحرمـان وسواتـه
معاك .. صعبه يغيب الشخص عن أهله=لكن الأصعب يغيب الشخص عن ذاتـه
ياعمي حزني . .على أقل مـن مهلـه=يجر في صـدري المجـروح خطواتـه
حزني عمييييييييقٍ وياليتـك تنبهلـه=قدام تفضـح عزيـز النفـس دمعاتـه
ياعمي صوّت علـى إبنـك وإندهلـه=قوله عن الصبـر والوقـت ومعاناتـه
قله زمان الشقى يمكـن علـى وهلـهيقلب حيـاة الرجـل ويبعثـر شتاتـه
قلـي زمانـك ولـو كلـك توجهـلـه=ما عطاك وجهه ولا عنـوان وجهاتـه
قلي جهلت الذي مـا ياسعـك جهلـه=قلي لا تامـن بيـوم الفـرح نكباتـه
قلي بسيطة يغيب الشخص عن اهلـه=لكن الأصعب يغيب الشخص عن ذاتـه [/POEM]

[ .. أحمد البلوي .. ]

 

[الريـــــم]

وآخذك بيدي !

يالله نمشي !
بس ماشفتي " أحبك " وسط رمشي !!




نامي .. مثل ماينام البرد بـ ضلوعي
............. واصحي بعد مثل ماتصحى ... تناهيدي

ماكان بيدي .. تطيح لـ حزنك دموعي
............. ولاكان بيدي ..أروح .. وتتركك إيدي !

ماقلت لك لو يخاف الخوف من جوعي
............. يمديه يشبع من اللهفة ... بـ أناشيدي

ويمديه يشعل أساي ويطفي شموعي
............. ويمديه يذبح حمامة غنّت .. بـ عيدي

ياشمعة الحب لاجل الحب .. لاتموعي
............. خليني أضوي على نورك .. مواعيدي

منهو يهدّي بعد فرقاك ... من روعي
............. والحزن اشوفه نوى للناس ترديدي !

ياطفلتي جفّ بعد الوصل .. ينبوعي !
............. يزيد همّي ( كفّاني هم ).. لا تزيدي !!

هِنا تعالي ونامي بآآخر ... ضلوعي !
............. بشويش مابي تصحّي بي .. تناهيدي !

وإذا على الحزن والأشواق .. ودموعي !
............. بدفن حبيبك معاهم ..... وآخذك بيدي !




على بالي !
أجيب " الصبّح " في كفّك وأضم ّ " الليل " بـ لحالي !

بركات الشمري

 

[الريـــــم]

مــوَّت غيـــابك ســـوالف !



تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!



فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!



تسمح بكلمه ؟! بغيتك
قبل لا تبدي غيابك ..!



.
.



تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!



.
.


تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!



.
.



تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت



.
.


تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
مات
فايق في العراق !!



.
.


غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!



.
.


تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !



.
.


عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!



.
.


تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!


.
.


تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !

إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !

من يحبك ..
وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!
أختصر باقي كلامي ؟!

حيل يقتلني غيابك


.
.


:


تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!

فدوه لك جرحي ..
وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..


:


:
تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !

غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !

وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !

:


:
تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟

والدموع اللي تباكت ؟
كل هذا صار فيني !!

يعني معقوله تغيب
وما تراجع بـ القرار ؟

منظر غيابك كئيب !
واقف بـ " سكة قطار " !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
" لذَّة الشي القليل "

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يا برودك !!!
:

:
تدري وش بعثر غيابك ؟
قلب من تغليك عينه !

من بعد ما كان يشوفك
رغبته ومعنى سنينه

ليه يا عيني بكيتي ؟
قالت عيوني : حزينه !

قلت يرجع إن هديتي
قالت إبتنهيد : وينه ؟!

هذا " قلبك " بين إيدينك ..
وما أبيك ترده لي !

من كثر ما قلت : وينك ؟
صرت أسألني علي !

ضعت في زينك وشينك
مات قلبي وإنت حي !

ما تهم صارت سنينك
وما يهمني كل شي !

كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وبـ الفرحه ألاقي !

:



:







:


مدام الشوق ما جابك
وبقلبي الشوق متنثر :
غيابك حيل يذبحني ..
ويخلي الحب يتعثر !

قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!


:









:


تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !

يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!

ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !

قول ..
علمني ..
عشاني
لا تعلِّقني .. بـ دربك
بين قلبي .. وبين قلبك !
ما أبي أكثر .. أعاني ..
عـ الأقل , عطني [ نهايه ] ..!

من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن بلحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع للـ " بدايه " ..!

:








:


تدري وش يقهر غيابك ..؟
[ قلب ] في الغيبه سهر !
كل خلق الله إذكروني
وإنت ..
ما عندك خبر !

يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك بـ عيد الفطر ؟

كيف من غيرك أعايد ؟
يـ اللي " متهنّي " بـ عيدك ..
عطني الحل المُحايد
فيدني ...
الله يفيدك !

لا حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عمر ] ...!

عيد ..
وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو سعيد ..!

بس ....
تذكَّرني بـ غيابك ..
والفَرَح يملي ثيابك :
عيدك مبارك حبيبي
وعيدي من غيرك ..
قهر !

:






:

تدري وش غيَّر غيابك ؟
غيَّر " غيابك " نصيبي !
غلطتك سدِّييييت ( بابك ) !!
و غلطتي ويَّاك : طيبي !

زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك حبيبي !

من يشاركني حياتي ؟!
و " نصّي الثاني " ....
خذيته !!!
وش بقالي من غلاتي ؟!
وقلبي من شفتك ....
نسيته !!

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !

ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!


[ احمد الصانع ]

 

[أحمد الحربي]

عَلَى حِدة ! :

لا فرح لدي أقذفه لكم
فهاتوا
حزنكم يا رفاق !

***

انا الآن لا أراك يا نجمة الحقيقة
غداً سأضع منظاراً
على عيني كي أراك
بيد أني أخاف
من اختصار المسافة
بيني وبين البندقية التي تحرسك
يا نجمة الحقيقة
يا نجمة الحقيقة
وحده ضوء الذي يعرف الحقيقة
وحده ضوؤك
الذي يجلهني !!

***

ضياعي: بدوي أسمر طويل..
دقيق الملامح، عيناه دائمتا النظر إلى ما وراء الأفق.
- قلت لك: صف لي ضياعك ؟
عندما توقفت صباح هذا اليوم عند إشارة المرور.
تفاجأت بأن الوجوه التي تحيط بي تشبهني تماماً، كلها سمراء.
كلها دقيقة الملامح والأعين تنظر لما وراء الافق.
- نمت وأنت أنت، واستيقظت وأنت كل الناس.
- نعم لكن بربك يا صاحبي أي هؤلاء الناس أنا؟!

مَقَاطِعْ مِنْ : عَلَى حِدة
لـِ عبدالله ناصر العتيبي