مساء النرجس ،
[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من زمان الوصل .. خبيّـت الأنين = راحتك ياراحتي هي مطلبي !
يوم انا ويّاك كنّا عارفين = مستحيل يصير كل اللي نبي !
كنت أخبّي في عيون الشوق " عين " = كحلها يشرب جروحي واتعبي
كنت اداريها على وعدك واهين = كبريائي ، واستيائي .. واغضبي
كنت أعاند في غياباتك حنين = واصرخ بوجه الحقيقه : تكذبي !!!
كنت لك .. شمعة وكرسي ووردتين = وكان صوت الليل يطرب لــ/اطربي
كنت لك .. من اخمسي حتى الجبين = واسأل دموع الحبر عن مكتبي
كنت لك .. أشرق واغيب وما أحين = لين تفتق في حضورك مغربي !
مايعين الوجد كود الله يعين = وحده البرّاق في وضع اغلبي
من زمان الوصل .. واحساسي حزين = كل يوم أعقد قراري بهربي
بس لو بهرب / ابهرب بس وين ؟ = منّك وأنت المسار ومركبي ![/POEM]