هــــــذا حـبـيــبــــــــــــــــي

[رجا المريخي]

أحبتي رواد هذا الصرح الشامخ

كـــــــــــ عــام وأنــتـــــــم بـخــيــــــر ــــــــــــــــــــل

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لي صاحب ٍ ياكثر يحمل خطايا = وإن جيت ناصح كل حكي ٍ يكتمه

راحو كثير من الثنايا فنايا = ذابح كثير من البشر في مبسمه

أبي أوصفه في كل معنى الحَكايا = فيه المزايا ظاهره في مبهمه

انشهد إنه كامل ٍ بالمزايا = إليا تخطرا كالمهات المغرمه

سبحان منهو مكرمه بالعطايا = رسام سبحانه بلوحه يرسمه

الطول طول ٍ والشفايا شفايا = وأسود جديل ٍ والعيون مسلهمه

والخد رمانه على مشتهايا = إليا تعدا بس تسمع تمتمه

كل الرزانه والعقل في هوايا = ماهي خفيفه مثل باقي الشرذمه

أخلاقها وكثر الحيا مودعايا = ياناس يكفي بس قولت مسلمه

سبحان معطيها جَمال وهِدايا = إفراقها ياكيف نص السمسمه

ياناس حتى الذيب يسمع عوايا = السم منهو ياجماعه يجغمه

ياليت تقوا رفع جسمي خطايا = ولو كل أطراف الجسم مستسلمه

لحظه مع الغالي تنسي عنايا = يسلابها راعي العيون المغرمه

مير البلى لاشان حظي معايا = أحلام غيري ماهي مثلي مهدمه

وأبدابها وأعجز أطول النهايا = كني أشوف إن القصيده مرغمه

ماودها أنهي ولاكن كفايا = وعزمت أبنهيها بلحظة مبسمه

وناظرت عينه أبك هذا بلايا = وقررت أبنهي بالعيون المفعمه

وأناظر إلا شفت ذيك الثنايا = خلاص بس يكفي لقيت الملهمه

لاكن أشوف إن الشفايف دوايا = وإلا الجديله كيف أنسا المظلمه

ماظن تنهين القصيده معايا = حسبي عليك الله ياهالمسلمه [/POEM]

 

[عبدالعزيز رشيد]

راحو كثير من الثنايا فنايا
________ذابح كثير من البشر في مبسمه
وعودة محمّلة بالجمال والشعر كيف لا وهذا البيت موجود
أخي الكريم رجا المريخي ألف اهلا وشعرا بـ عودتك
أبيات ساقت المعاني بـ سلاسة وتمعّن متقن
ألف شكر لك

 

[سلطان ربيع]

رجا المريخي
وقصيدة عشق أبدي
رائعة بروعتك
وأكثر ما تمتعت به
مفرده ( تخطرا)
كانت رائعة بحق يا رجا

 

[أحمد الكميان]

الله على الوصايف الزينه


قصيده ولا احلا


صح لسانك ونبضات قلبك المرهفه


الى القمم دوماا

 

[سامي العمر]

الجميل الكريم رجا المريخي
عذب كلامك وجميل جدا تصويرك
وكانت فكرة جريئة باستخدام بحرين مختلفين بالشطرين قد تكون موفّقه ومقبولة وقد لاتكون المهم انها تامة اللحن
تحيّتي لك

 

[رجا المريخي]

المشاركة الأصلية كتبت بواسطة عبدالعزيز رشيد

راحو كثير من الثنايا فنايا
________ذابح كثير من البشر في مبسمه
وعودة محمّلة بالجمال والشعر كيف لا وهذا البيت موجود
أخي الكريم رجا المريخي ألف اهلا وشعرا بـ عودتك
أبيات ساقت المعاني بـ سلاسة وتمعّن متقن
ألف شكر لك

أهلاً بك أخي العزيز وبمرورك العذب

إحترامي وتقديري

 

[رجا المريخي]

المشاركة الأصلية كتبت بواسطة سلطان ربيع

رجا المريخي
وقصيدة عشق أبدي
رائعة بروعتك
وأكثر ما تمتعت به
مفرده ( تخطرا)
كانت رائعة بحق يا رجا

أهلاً بك أخي العزيز

مرورك فخر طال عمرك

إحترامي وتقديري