شعراء أبعاد المشاركين في شاعر المليون هذا العام

[أكرم التلاوي]

عبد الله التومي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلب لاتحزن ولايلحقـك فـي الدنيـا همـوم=ترا الحمـول الكايـدات تهـاب مـن حمالهـا

دنياك لوبتجيك يـوم تصـد عنـك كـم يـوم=واللي عـرف لميولهـا غنـى علـى موالهـا

والحـظ لوياقـف معـك فلاتحسبنـه يــدوم=هـذي غرابيـل الزمـن فـال الله ولافالـهـا

أبطيت ماجاني مطـر والعيـن ترقـب للغيـوم=وانـا اتحـرا مزنـة مـالاح لـي همالـهـا

والذيب يوم أنه عوا من فوق عسرات الرجـوم=يفض مـن صـدره همـوم خابـرن منزالهـا

وانا لوأني مارقيـت الرجـم والحـال معـدوم=والصدر في وسطه علـوم ماتسـر أحوالهـا

النوم عيـا لايجـي واسامـر بليلـي نجـوم=أكتب قصيدي واطـرد أحزانـي وارد أشتالهـا

الشعر في فكري طلاسم شاعر(ن) عاش محروم=أبهـر دلال المشاعـر واحتسـي فنجالـهـا

مايملي عيون الرخوم بهالزمن غيـر الرخـوم=طبع الطيور اذا بغت تاقـع تشـوف اشكالهـا

والرفقة اللي ماتداوي الجـرح وتسـد اللـزوم=ان مانفعنـي قربهـا ولا قطـعـت حبالـهـا

شله تحت جنح الظلام أنيابهـم مثـل السمـوم=تغنيك عنهـا قـل شيمتهـا وسـود أفعالهـا

ناس قضى وقته على جمع الدراهم والهـدوم=ماتنفعه يوم الحشـر كثـرة رؤوس أموالهـا

والطيب اللي لاظلمك الوقت مـن حيلـه يقـوم=هـذاك عملـه نـادرة الله يـزيـد أمثالـهـا

والجود في الدنيا مداهل للرجال اهـل العلـوم=اللـي ينومـس فعلـهـا لاقالـهـا قوالـهـا

قبل أمس كنا في زمن أهل المراجل والسلـوم=واليوم صرنا في زمن أرقـص يسـرك حالهـا

يعني ياقلبي لويزيـد الحمـل وتزيـد الهمـوم=ماللحمـول الكايـدات ألا ظـهـور جمالـهـا

[/poem]

 

[أكرم التلاوي]

بقصيدة الأخ الغالي عبد الله التومي أكون قد إنتهيت من وضع كل قصائد شعراء أبعاد الذين علمت بمشاركتهم , وأتمنى ممن يعلم بمشاركة أي شاعر أبعادي أن يوافينا بإسمه والقصيده التي شارك بها , أو أي أخبار تخص المسابقه أو نقاشات حولها , وسيحتضن هذا المتصفح كل آرائكم بكل رحابة صدر ,

 

[أكرم التلاوي]

سيكون يوم الثلاثاء القادم موعد عرض أولى الحلقات التسجيليه لبرنامج شاعر المليون والموافق 21 / 10

نقلا ً عن ديوانية شاعر المليون

 

[خالد صالح الحربي]

:
بعد إذن الأكرم أكرَم ~ هذه قصيدة أجمل المشاركين هذا العَام ،
الشّاعر الجميل و عضو أبعاد أدبيّة [ عمري الرحيل ] .

مدري ورا الحال ماهي حال والحزن قيد
ـــــــ ياكلني الخوف والهوجاس مع كل أمد
تعبت انثر ورا الغيمه حروف القصيد
ـــــــ والغايبه ماتثورالابجد وجهد
ارقب ورا النايفه وأصيح لكن وحيد
ــــــ والصوت فيني مداه شوي طاح وجمد
المارد اللي على قلبي يجر الحديد
ـــــــ وليا تعب نام في راسي ودق الوتد
هذا القهر ليه بيدنا وعيا يبيد
ــــــ أعوذ بالله من ها الحاسد اللي حسد
في زحمة الياس ما للدمع غير النشيد
ـــــــ قلبي تقبل عزاي ودمع عيني سجد
أبشربك يالمواجع لو وراك المزيد
ـــــــ معك الوعد كلما تكبر جروحي وعد
أبوس راس الليالي يوم قفى المديد
ــــــ أطيح وسط المراح وصحت يأهل البلد
ممركم همي اللي مثل حب الحصيد
ـــــــ جوع الليالي يمرغنا وصحنا بعد
ادري ورا الليل ليل الخوف كانه شديد
ــــــ يوم إنتبطح على شوف الصباح وشرد
من يسال البنت وش سوت بعصر الجليد
ـــــــ صحيح حلوه وكل جاب منها ولد
ماباقي الاعروق(ن) نز منها الصديد
ـــــــ وقدامها شايبِِ هش بعصاه وقعد
وامد شوفي ويظهر لي ورا البيد بيد
ــــــ وملامح(ن) شفتها ماشفت فيها احد
البارحه قمت من حلمي والا اني جديد
ــــــ تقدرتقول اني اشوى شوي قلبي هجد
اقدر اقول اني انسان(ن) وحلمي زهيد
ـــــــ احتاج اغني لياطالت دروب السهد

 

[م.خالد الدوسري]

بس اللي أعرفه أن خالد الحربي قال مابيشارك !

 

[أكرم التلاوي]

الغالي خالد
لك الاذن والأنف والحنجره والمتصفح مع كل الورد

 

[عطْرٌ وَ جَنَّة]

.

.

.

كلّ الأسماء وَ القصائد هُنا على قدرٍ كبيرٍ من الدهشةٍ والبهجةٍ ../ وَالمطر
مايجعل [ أبعاد ] تَرفع رأسها عالياً بهم ..وتقف معهم ولهم بالدعوات والتمنيّ
بالتوفيق !

شُكراً ياأكرم ..لأنّك كريمٌ جداً / سخيٌ جداً
وتملأ المكان كافةً بِطيبك وخيرك ,

.

.

.

 

[أسمى]

بالتوفيق لهم..
..
فعلاً..سننتظر علّوهم وتقدمهم بِ شَغَفْ.

كُل الشكرلك..أكرم.