[poem=font="simplified arabic,5,indigo,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
كان الحزن ثوب وصدور البشرعـورة= ارجوك يا حزن بسمي ليلـة عـاري
لو كان ليلي شتا ؛ والريح مسعورة = بردي بدونك ؛ (دفا) مادمت متواري
انا وحيدً غرسـت يديـك فـي زوره=لين اصبح الزور من سبابتك هـاري
يا سطوتك في الحشى ؛ باوجاع منثـورة=على ثرى الصدر تزرع شوكها الفاري
من غابوا اغصان صدري ماتت طيوره=تصفِربه الريح ؛ كنّه: نصب تذكـاري
بنت الفرح من زمن بالحزن مغمـورة=لوّ جدّلت ليلها مـا مرّ لـه .. طـاري
حبر الأسى بالألم مادت بي إسطـوره=وانا ورق من وفا ؛ والحبر به ناري
دولة ؛ من الضيق فيها نفس مذعورة =من حاصروها جفا ؛ غاب الفرح زاري
مشاعري تصطفق تصيح بالثورة =وانا خسرت الوطـن بيديـن ثـواري
كبدي من الحزن بالأوجاع ميسورة =وأنـا تغافـل وجعهـا سمـت واداري
سيّور فيض الحـزن يطغـا وسيّـوره=اكـون لـه كعبـة ماسنّهـا البـاري
[/poem]