فأنك شمس والملوكُ كواكبُ ..
/
\
/
\
هنا زارتْني روح أبو الطيب المتنبي
وأجْبرتني أن أعيش في محيط ذاتها ؟!
وحمّلتني أمانة سلام....
وأمام الملا أوصلوها
/
\
......................
/
\
متنبي بيك
يسلم عليك
/
\
/
\
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]تخيل لو تغيب الشمس عن هالكون بس لـو يـوم=وكيف الليل يعْقـبْ ليـل مـن آخـر دياجيـره
تخيل فجْعة الدنيـا وتضاريـس الوهـج معتـوم=ذهول ورهبنـة أشبـاح تخْلـق وجـه تقديـره
مقابر مسّت أرواح الجنايـز فـي رثـا محـروم=ولبْستْ من هياكلها جسد يرقـص علـى زيـره
تفاصيل المكان..!! ايّة مكان.. ؟! وفلسفـة منظـوم=يروّع ريحه لاصرصر يمركز عمْـق تدويـره
هناك أبعد هناك أقـرب هنـاك العالـم المبهـوم=هناك الكـون لاكشـر كسـى عنـوان تقريـره
متاهة بالكره الأرضية صوب أعلى بحر قلـزوم=بحر أحمر بحر أسـود بحـر يلْهـث أساطيـره
خرج عقْل المدينة واسْتخفْ يسْخطْ كـذا ملطـوم=سأل ويني انا من موقعـي ياويـن تسطيـره ؟!
معاملها وش (نْيوتن ) يساوي والصفـر مركـوم=تحلّق فوق فوق الكـون اعلـى عكـس تفسيـره
جحد (تسْع وثماني من عشر ) ماهو بها ملـزوم=يقيس الكيف من مبدأ الخروج وتيـه تطويـره!!
تزمجرني فضائاتي ملـك يخـدم عنـا مخـدوم=وعرشه قـام واتْربّـع علـى زمـره مخاسيـره
كوابيس الجيوش اللي تفوق اعداد جيـش الـروم=تسيطر في محيط الـذات شلّـت جمـع تفكيـره
تعب يغتال ذاكرتي /لحد يدفـن صبـر محكـوم=وشهوة طين تنْطف حرْف نـزوة مـن معاثيـره
أنا مافينـي أتحمـل غياهـب جبّـي المزعـوم=ولانبرة ألم تشتـاط صـوت (الأنثـى ) تقصيـره
وربي لو تغيب اشوي احس الكـون ذا مرسـوم=حقيقـة كذبـت واقـع معالـم بـان تـزويـره
إذا رمشت بعد عينـي عيونـك مستباحـة لـوم=ابنْشـدْ لـكْ تراتيـل الصبـاح وروح تأثيـره
وإذا مدحك (يابو الطيب) عشان الرزق والمقسـوم=فأنـا بمـدح هواويّـه تبيـح الشـوق تعبيـره
(فأنّك شمْس) والباقي كواكـب بازغـة ونجـوم=تروح وترجـع نْيـازك شهـبْ مافـاد تنويره[/POEM]