[ سَعَد سيْف ]

[قايـد الحربي]

:
:



سلامتك يا تاج راس … الـفعـايل
كن المرض من جاك .. طالت يدينه
وشلون يقواك المرض وانت قايل :
اللي يعين الناس … ربـي يعـينه

 

[خالد صالح الحربي]

:
سلامتك ..
ياللّي علينا ظلّلت: غمامتك.
:
سلامتك..
ياللي يدينك من مطر
وياللي شرايينك عطر
وياللي إذا قلنا: شطر
من شعرنا اللي نفتخر به
نشعر أنه نقطة بـ.. " آخر سطر".
من شعرنا اللي نكتبه
ثم نشطبه !

:
لنّه عجز
لا يوصَل أدنى
هامتك !
🌹

 

[قايـد الحربي]

:
:

قبل نبدا ..

أذكر اوّل اتصال …
قلت : آمر
قال : "غامر
وانا اعطي الواقع مفاتيح الخيال"،

، وابتدينا.

 

[خالد صالح الحربي]

:
، وابتدينا.

خلاخل وخيل وخَيال ومَخايل
.. حتى نمت بين المداين / مدينة.

أبعادها إبداعها / ما يحايل
.. من هو الذي له المدينة / مَدينة؟!

🌹

 

[خالد صالح الحربي]

:
تعال يا قايد نبي نكمل الـ " مدح "
.. والمدح نفس الـ " حمد " لو نتأمّل.

من حمْد مولانا ؛ بعيدًا عن الرّدْح
.. حمْد الذي فضله ..؛ علينا مكمّل !

🌹

 

[قايـد الحربي]

المشاركة الأصلية كتبت بواسطة خالد صالح الحربي

:
تعال يا قايد نبي نكمل الـ " مدح "
.. والمدح نفس الـ " حمد " لو نتأمّل.

من حمْد مولانا ؛ بعيدًا عن الرّدْح
.. حمْد الذي فضله ..؛ علينا مكمّل !

🌹

:
:

جيتك وانا عندي القوافي لها صدْح
من نوتة .. التبجيل … تبغى تجمَّل

لها - من المعروف .. و المعرفه - سدْح
تحنيله الهامه … وَ لَا هو" تجمِّل"

 

[خالد صالح الحربي]

:
طيّب تعال نحوّل الـ " مدح " للـ " حمد "
.. . القافية - هذي ؛ من " المدح " أكرم .

عنواننا " سعدٍ " مجرّد من الغِمد .
.. . وحروفنا ماهي " لعاثيم " أطرم !
🌹

 

[قايـد الحربي]

المشاركة الأصلية كتبت بواسطة خالد صالح الحربي

:
طيّب تعال نحوّل الـ " مدح " للـ " حمد "
.. . القافية - هذي ؛ من " المدح " أكرم .

عنواننا " سعدٍ " مجرّد من الغِمد .
.. . وحروفنا ماهي " لعاثيم " أطرم !
🌹

:
:

يستاهل المدح .. المُخيّر من العمْد
لا قَلّ معنى القافية .. قلت : يحرم

تزهر له الجردا من الصمد للصمْد
و تشبّ له قصيدتي … قبل تهرم