رسـائـل لـ لـ يـاسـمـيـنـة

[صالح العرجان]

تعبت أنزف جراحي حبر و أدور للألم ((أسباب))..
لجل أكتب شعر يحكي بعض أصغر معاناتي..

قفلت من الأسى بابي وسجنت الكون خلف الباب..
وعصتني دمعةٍ فيها سؤال لكل .((إجاباتـــي))..

 

[صالح العرجان]

ناحت مواويل عمـري وأعلـن الريبـه
وأظلم نهار الحنيـن وغابـت بروقـك

بالله ما أشتقت لي من بعـد هالغبيبـة ؟
في ذمتك ما ذبحك البعد عـن شوقـك ؟

ياكيف يزهر صباحك تهتنـي بطيبـه ؟
وشلون تمسي وترقد والغطـا فوقـك ؟

من قبل اشوفك صبـاحٍ طـاب ترحيبـه
واليوم وين الصباح بقلـب معشوقـك ؟

ما اشوف الا شمـوسٍ تحـرق الطيبـه
ياقـوة الله تلاشـى طيبـك وذوقــك

غاب الحنان وشموخـك صابتـه هيبـه
ضاعت شعاعات شمسك واخفت شروقك

مع كل هذا اضـع نقطـه وتعجيبـه .!
أستغرب شلون تزهر بعـدي عذوقـك !

 

[صالح العرجان]

البارحه يوم السمـاء غيـم وبـروق
شديت فـي قلـب الحزيـن العزيمـه

لاثارت احزانـي وجريـت طـاروق
ياتيك من وسـط الضمايـر هشيمـه

 

[صالح العرجان]

أبذكرك فـي أول العمـر وأتـلاه
وأبفرحـك يافرحـة العيد للعيـد

افرح بصوتـك لادعانـي بمسـراه
ياأعذب اصوات البشـر والتغاريـد

ورد الهوى في طلتك تزهر شفـاه
ومزن الوله يمطر بشوفك زغاريـد

أغليك ياحلـم كتبتـه وأبقـراه
منه وعليه أحلام عمري مواريـد

ياكل عمري ياسبـب داي ودواه
لك دنيا في دنيا حياتـي ومواعيـد

جيتك وله عاشق سبق قلبه اخطـاه
يمك بدرب لو عصاني فـلا أحيـد

ينساني عمري كان حبك انا انساه
وعندك سنيني شدها صادق القيـد

 

[صالح العرجان]

من لقاء له صاحبً يفهم عليه
لا يفكه يابشر ويجوده

يقضبه من جد بسنونه ويديه
قبل لايبلا بشخص ايقوده

لارزقك الله بحبوب ونبيه
مانت ملزوم بجديد تعوده

عش معه مدام يبغاك وتبيه
وقلبه الابيض حرام تسوده

وكان غاب بيوم لازم تحتريه
وان عطيته حد برضه زوده

يعني اصبر بالجفا لاتقتفيه
الغياب السهل ليش تكوده

اسأله ون كان عذره ترتضيه
لا تلزم بالقشر وتشوده

يمكن انت بيوم تقفي ماتجيه
ويقبلك لاجيت دام معوده

ومن لقاء له صاحب يفهم عليه
لايفكه يابشر ويجوده

 

[صالح العرجان]

ياصاحبـــي لا عاد تنشد عن سبب بغض القلــــــوب
الناس فــي هذا الـــــــــزمن كلٍ مضيّع طـــــــاسته

كــــــــــلٍ يدوّر مصلحة نفسه ولــــــــــو كان مغلوب
يبــــــــي السعادة مادرى إنه يشتري تعــــــــاسته

المــــــــال غيّر ثــــــــــوب ناس وراح لبّس ناس ثوب
غيّر تضاريس الطبايع مــــــــن سبب ســـــــــياسته

بالــــــــوقت هذا ما يعيش إلاّ المنافــــــــق والكذوب
وراعـــــــــي البلاسه تدفعه يـــــــم الردى طفاسته

كل المصايب من سبب كثر الخطــــــــايا والذنـــــوب
والنجس فـــــــــــي قلبه تبيّن للبشر نجــــــــاسته

صارت مفاهيم الخيانه شـــــي عادي ومحَســـــوب
والشــــــــك وارد والحــــــريص تضيّعه حـــراســــته

كل السلوم اللــــــــــــــي تعلمنا تقفتها الهبـــــوب
ماضي جميل وجت سلـــــــــوم بهالزمان وحاسته

الله وأكبر يازمانٍ فات فــــــــــــي عهد الشعــــــوب
كان الــولد يتعب شبابه فـــــــــــي سبيل فراسته

كانت شقا كــــــانت جهل كانت صــــراعات وحروب
لكن بعد كانت نوايا الرجــــــــــــــل أساس دراسته

كان الكرم والطيب وركـــــــاب المراجل ما تتـــــــوب
تحفي قدمها والطريق اللـــــــــــي تعشقه داسته

واليوم نمشـــــــــي في دروبٍ غير عن كل الدروب
كلٍ يدوّر فــــــــــــــــــي حياته عن سبب وناسته

هذا زمانٍ كل زينه شين وعيــــــــوبه عيـــــــــــوب
الطفل مايقدر يحل الــــــــــــــــــــواجب بكراسته

وشلون تنشد عــــــاد عن ســـود النوايا والقلــوب
برقٍ تخيله جـــو يشيلـــــــــــون الضحا عساسته

 

[صالح العرجان]

وش فيك ضايق ..عسى ماحصل شيء
ماعاش من ضايقك ياعيون خلك

صوتك من الآهات في نبرته كيّ
وضيقتك هذي ماهي بعادةٍ لك

انطق..تكلم حس في موتة الحي
مابيك تسكت والليالي تذلك

مابي غموضك ..يكفي إلي حصل فيّ
قل لي عن سكاتك وش إللي حصل لك

إضحك عن إللي تكتمه وإضحك إشوي
تكفى على شاني..لايجي بخاطرك شيء

ترى عذابي منك لا ضقت كلك

 

[صالح العرجان]

بدايات المحبه تنتهــي في رحــلة الحرمان

وإذا شفتوا بعــدها دمعــة عيوني أنا معذور


لأني مــوهبة رســام أرســم قصتــي أحــزان

وأرسم دمعــة ما هي بـ دمعه من فرح وسرور


وبرسم طيفــك بغيمــه تجمع ذاتهــا هــجــران

وتمطر في وسط قلبي ألم وأحزان دون شعور


وبــرســم ديرة خــربا بــلا ســور وبلا جــدران

خســاير عــمــري اللــي راح ورحلة قلبي المقهور