إنسان

[ماجد العيد]

نامي بسلام !!

نامي ولك جفن الرضا ..

نامي على كفوف الغمام ..

نامي بسلام !!

واستحوذي نفسك .. دفا ..

لا تكسرك إغماضتك ..

ما هدهدك غير الغفا ..

وما رفرفك غير الحمام ..

نامي بسلام !!

نامي وفي جفنك يلوذ ..

طفل ٍ تثائب نعستك ..

وطفل ٍ غزل رمشك سلام ..

نامي بسلام !!


وش عاد ورّثنا التعب ..

غير التعب !!

وش عاد ورّثنا الشقا ..

غير الشقا !!

نادي المقابر .. من بقى ؟!

نامي وعلى الدنيا ..

الحطام !!

نامي بسلام !!


وصدّقي ..

لو كان تغنينا الشموس ..

ما آثر الجفن .. الظلام !!

نامي بسلام !!

 

[ماجد العيد]

يا رحمة الليل العتيم ..
أرض و سماء ..
درب و سفر ..

من يشعل لـ حضن اليتيم ..
بعض الدفا ..
نار و جمر ..

أو يغزل الروض الخضر ..
بـ عين العمى ..
رمش و نظر ..

وين أنت يالموعد ..
بعضي ارتمى لك خوف ..
وبعضي انتظرك وقوف ..
والجفن بك يسجد ..
كنـّك حضنته شوف ..
ما يلمحك في وعد ..
دامك تجيه طيوف ..
وأقصاك عنه بُـعْد ..

آسف على الموعد ..
وآسف على الطاري ..
لو أشغلك في يوم ..
بعض الطيوف تدوم ..
في رحلة الساري ..
لا يلحقك بي لوم ..
صورتك أعذاري ..
آسف على الموعد ..
لا مرّني الطاري ..
أدري غلبني الشوق ..
بس إنت مو داري !!

 

[ماجد العيد]

ذات عيد ..

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دون الأسى جيتك و أنا كلي الموت=أخاف ما يشفع عن الوصل موتي
لك عيد و أحباب و صُبُح يزهرك توت=وأنا شحوب العيد حاضن سكوتي
عن وحدتي ماني ترى جد ّ مكبوت=عادي إلى أشعل غيابي خفوتي
و عادي إلى من قلت " كل عام و نموت"= أخاف أقول "بخير" و يضيع صوتي
و أبحث عن أطياف الفرح و أطرق بيوت=حامل ثمر شوقي و زهري و توتي
يا عيد لك لحظات أحزان وتفوت=تلقى على محراب حزني .. قنوتي
جيتك و أنا في داخلي أحمل الموت=كل عام و إنت بخير و آنا ب موتي [/poem]

 

[ماجد العيد]

عطني مدى ..
عطني اتساعات لـ حكي ..
أبشتكي !!
لـ اغتالت الريح .. الأثر ..
أو ضاعت الخطوة سُدى ..
عطني مدى !!

و يا صاحبي ..
لو عانق الريح .. اللهب ..
مات الحطب ..

يا فاسي المكسور ..
أعياني المستور ..
والليل برده برد ..
ما في الصحاري نور ..
ولو عانق الزهر .. التعب ..
ينضح ندى ..
عطني مدى !!

 

[ماجد العيد]

باكر نموت ..

باكر يعلمنا الأسى ..

معنى السكوت ..

باكر و هو باكر أكيد ..

يا حاضن لـ نفسك ( سَعَـة .. ) ..

باكر تجيك اللا ( سَعَـة .. ) ..

مهما استبحت الأزمنة ..

باكر تضيق الأمكنة ..

باكر و هو باكر أكيد ..

باكر نموت ..

 

[ماجد العيد]

تسأليني ليه أضيق ؟!

هو بقى لي من غروبي ..

أي لمعة أو بريق ؟!

هو بقى لي في دروبي ..

أي صاحب أو صديق ؟!

الأسى له وجه سافِر ..

ما سألتي هالمواني ..

لو ثواني ..

ليه أسافر ؟!

 

[ماجد العيد]

مساء الخير وشلونك ؟!

كسرني شوقي الساهر ..

وجلست أسأل ..

على سجادة غيومك ..

أمانة وش هي علومك ؟!

عسى نخلك بقى نخلك ؟!

وزيتونك لـ زيتونك ؟!

أمانة وش هي علومك ؟!

نهارك .. ليلك وفجرك !!

مداك الأمس مع يومك !!

نعاسك .. سحرك .. أنفاسك ..

سهرك وغفلتك .. نومك !!

عساها تطمن علومك ؟!

دلعك و نظرتك .. حكيك ..

ردودك .. مدحك ولومك ؟!

زعلك ورقصة جنونك ؟!

أنا يا هيه ما أنسى ..

وكيف أنسى ؟!

مو إنتي اللي رسمتيني ..

بحر ويموج لعيونك ؟؟

حنيني كثر قطراتي ..

وقطراتي يحبونك !!

ولكن قلت أبي أسأل ..

مدام إن الجفا طوّل ..

عساني باقي بعيونك ؟؟

مساء الخير وشلونك ؟؟

 

[ماجد العيد]

كل الصحاري موت ..

لا تتعبي الأسفار ..

ما للزعل يـِمّه ..

يا راجية للنور ..

درب الزعل ..

ظلمة !!

مهما ارتسمتي صبر ..

و مهما شعلتي النار ..

للريح لك موعد ..

و لليل لك عتمة ..

ردي و لبّي الصوت ..

كل الصحاري موت ..




كل الصحاري موت ..

مهما ارتسمنا عزم ..

باس و كثير أشياء ..

أو ساندتنا أقدار ..

أونا رجينا الماء ..

يبقى الرمل تذكار ..

و يبقى الزعل أعمى ..

و تبقى الصحاري موت ..

كل الصحاري موت ..