ملاحظات غير مهمة..! مدونة يومية للجميع....

[بندر الصقر]

قالت لي ذات عشق :


[poem=font="mudir mt,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
في داخلي حسّ , بس الناس ماتسمع = تضحك وانا ادري وجيه الناس كذّابه
تعال هات التعب من داخلك وارجع = وانا ازرعه في كفوفي واحضن ترابه
ماضقت منّه لأجل اسبابي الأربع = منّك , يخصّك , يهدّك , قلبي ادرى به
[/poem]


إحترمت العشق كثيرا ولم أنطق فلم تترك مايقال ..
لكن
هل هناك أجمل من أنثى عاشقة ؟!! وإن إتفقنَ في الكذب !!

 

[صالح العرجان]

Quote of the Day

“There is no revenge so complete as forgiveness”

 

[وديع الأحمدي]

الإثنين 19/04/2010م


لازلت : أسهر , بـطريقة عشوائية , ولا أعلم موعد الإغماء متى سيأتي , يمرر السهر بين أطراف الرضا , اجتماعات الأحبة والعمومة , رائحة الدم الزكية النابعة من حروف الود ..
أفقت أجاهد الصداع وارتخاء جفني , وآلام عضلاتي , وأنا أردد : ( مين قال لأهلي ألعب كورة )..
أنظر إلى مفصل قدمي اليسرى , وأتذكر جثوم صديقي القديم ـ بكل ثقله ـ فوقه , عصرية الاثنين 16/10/1418هـ
تلك الإصابة التي لا زلت أتجرعها حتى الآن , رب ضارة نافعة , كانت الكرة حياة أخرى بالنسبة لي .
مرت الكثير من الأحداث المتعلقة بـ تلك الإصابة اللعينة , وأنا أمارس طقوسي الصباحية , حتى الآن تسيطر , ولم أفق ..
كوب قهوتي كان لئيما بما يكفي , ليتركني لأفكار كهذه , خصوصا وأنا أخرج متعجلا لبيروقراطية الدوام ... وأقراص البنادول إكسترا لم يعد لها مفعول , دون سواد الكافيين , أصبحت أستمتع بهذا الطريق الجديد , وأنا أشق جدة القديمة , وأرى حياة أخرى , ومدينة متناقضة جدا جدا جدا ,
كان مزاجي يدور في فلك العام 1418هـ , كانت أيام الثانوي شقية جدا , ومليئة بالحياة , الحياة تتشكل في صوت الأرض , و :




أتابع فقط , كيف , (( يوشوش )) المايك , وكأنه يبوح , أيضا من ((جوّه)) !!

كانت هذه الحفلة في صيف 1418 _ 1419 هـ
أول سنة لـ مهرجان المفتاحة , وإن لم تخني الذاكرة , كان حفل الافتتاح ..
أذكر كم تحلقت أمام التلفاز حينها ,
إلى وقت قريب جدا , كانت هذه الحفلة ضمن أشرطة الفديو الخاصة في مكتبتي , لم أعد أدري عن حاله الآن !!
كم نفقد الكثير منا , ونسترجعه في لحظة إرغام و كأنه لم يزل !!

تحاياي

 

[خالد الحبشان]

محمد تاريخ امس الأحد 18 \ابريل 2010 صار تاريخ أسود بالنسبة لي
طيب أول نكبة وهي اللي تعني لي بالمقام الأول أنك وبندر صرتم في خندق واحد وأنا صرت لوحدي >>هكذا تكون الأدوار البطولية تنتهي بانك تكون لوحدك
نجي للنكبات العادية :
1- أربع كتاب عدل في جدة نهبوا 600 مليون ريال عينك عينك
2- للمراقص الطويلة على البحرين مليااااااااااااااااااااار ريال من أجل البيت العامر >>اعوذ بالله انا لما سمعت واحد من الملوك يقول البيت العامر حسيت بقشعريرة خوف
3-نجي لأخوياي الحرامية العاديين خالد ودك تموت ضعيّف بتشديد اليّاء ياولد خلنا نطلع لك رخصة مصنع وطلع عليها 450 فيزا عامل وبيعها والتسهيلات كلها علينا .
4- انا بصوت هادئ ودي اموت شريف في آخر المجلس شخص كبير بالسن ياجماعة خويكم هذا وش يقول يااخوي افزعوا لي أنا أبي هالرخصة و انا بودي أصير مثل جمعان .... من خياط في الثقبة إلى أكبر تاجر عقارات .
5- راسي منتفخ مصدع اطالع بالساعة 11 بالليل يالله يالربع اسمحوا لي أبي أسري.
6- أتصلت على أخوي الكبير قبل أنام أسألك بالله ثروتك مثل شغل هالحرامية جت عن طريق كذا او كذا عشان أفكر أطلب منك اي شي أخوي الكبير يارجال عين من ربك خير ياربي لك الحمد انت عارف أول بداية تجارتي كانت ايام التسعينات من مطعم فوال وبعدين وش الطاري .
7- من زود الصداع ودي أنام تلحفت وقلت يالله وش هالأفكار اللي براسي قمة اللخبطة قمة النكبات طيب وش دخلني بالملك يتبرع للبحرين بمليار وش دخلني بالقضاة وكتاب العدل وش دخلني بأخوياي وأخوي، اللي يبي يسرق يسرق براحته ربي ماهو مكلفني بخلق الله ليه انا احب أخسر أصدقاء وأكسب أعداء الدنيا ماشية ماشية غصب عني يعني الملك فكر يبني لنا مستشفى زي الناس بالشرقية قلت طيب الملك يمكن أمس كان معنا هنا في صفحة وقرا سالفة بندر وده يعالج أسنانه بالبحرين وقال نبني لعيون بندر مجمع طبي ضخم بالبحرين عشان بندر او غيره من أفراد الشعب يلاقي له مليون عذر يسافر للبحرين ،قلت يالله طيب ليه ملك البحرين مافكر يتبرع لنا بأي تبرع ليه أحنا بس الدولة الوحيدة اللي تتبرع للآخرين والآخرين مافكروا يتبرعون لنا بريال واحد .

أصلا مافكرت أدخل النت بس محسن قال أبي منك خدمة انا مااعرف استخدم النت ولي معاملة وقالوا تابعها عن طريق النت عن طريق الإمارة ،طيب دخلنا يا محسن (على فكرة محس مريض بسرطان الدم الله يشفيه ويعافيه ولايبتلينا) ، محسن يقرا هالصورة شعر بإحباط كبير بصوتٍ خاشع ليه عشان ماعندي واسطة ضاع حقي بحفظ دائم حفظ دائم تعني لاعاد تفكر تراجع من شانها .




محسن تعال بس قفل المكتب ودك نصير حراميّه قال كيف يعني يبو جراح ،قلت له يعني تصير لك ثروة والثروة كفيلة تخلق لك مليون واسطة انت قول لي أول وين تتعالج الآن قال اتعالج بالرياض كل اسبوعين أطلع لمستشفى الملك فيصل واغير الدم هناك ،طيب يامحسن والشرقية مافيها مستشفى يعالجك قال لي لا .
قلت الملك امس تبرع بمليار ريال للبحرين لإنشاء مجمع خدمات طبية ، اكيد لمراعاة ظروفك أنت واللي مثلك وتتعالجون هناك مجاناً قال وانت متوقع بيعالجون السعوديين هناك مجاناً قلت حلوه هذي الحلال حلال ابونا والغربة يطردونا قال أذكرك إن الله أملهنا في حياتنا وراح تقرى بعيونك .
المهم يبو جراح علمني وشلون نصير حرامية قلت شف سلمك الله انا عندي عروض كثيرة فيه رخصة مطبعة راح تجيني مجانًا وبالرخيص نقدر نبيعها بـ 500 ألف وكذلك البارح معروض علي رخصة مصنع بالقليل نقدر نبيعها بـ 2 مليون ريال .
محسن يطير عيونه فيني انت وش تقول قلت تبيها يامحسن قال لو فعلا حصل هالكلام أمي داعيه لي في ليلة القدر .
قلت على هونك يامحسن طيب يامحسن بعتها وحطيت هالفلوس بجيبك وبعدين قال مليون يجيب مليون ثلاث سنوات بالكثير رصيدي لايقل عن سبعة مليون .
انا عايش المشهد وأقول يوووه سبعه مليون تحسها كثيره يامحسن قال معك ريال تسوى ريال معك مليون تسوى مليون .
محسن لحظة أتذكر كم فيه حسابي 132 ألف وعليها شوي يعني انا يامحسن ماأسوى الا 132 ألف .
محسن شعر بإحراج وده يقول لي أيه سكت ماعلق على سؤالي ....
محسن أنا بقول لك شي وأنا واثق مليون بالميه ماراح تفهم منها جملة / قال قل راح أفهمك
قلت هناك أشياءٌ تتكسر ولكن لاتظهر و أشياءٌ تموت بلآ رائحة .
محسن وش فهمت قال الصدق ولاشي .
يامحسن اللي على باب الله أليس هو الأفضل أن تقف على باب الله أم تجري خلف نزوة الشيطان ،محسن فتح عيونه ايوالله انك صادق
محسن لسى ماخصلت كلامي .
شف يامحسن لاتغرك هالمظاهر الخداعة حتى الملك بكبره لو دخل علينا الآن لازم نعامله كمعاملة أي أنسان لأنه مثلنا يضخع لقدرة الله سبحانه ،
وليه اطول بالكلام والله يقول ((زُيِّن للناس حُبّ الشهواتِ من النساءِ والبنين والقناطير المقنْطرة من الذهبِ والفضّةِ والخيلِ المسوّمة والأنعام والحرث، ذلك متاعُ الحياةِ الدنيا، والله عندهُ حسن المآب)).
يالله محسن حتى اسمك عميق وأنيق ولذيذ .

محسن بصوت عالي قل معي طز في الدنيا نحن معنا الله ولنا الله وهل هناك احدُ اكرم من الله ......
محسن آخر المحادثة تبي اسوي لك شاي تروق انت اليوم شكلك مصدع
محسن أستر ماواجهت
=====

الجميلان
(محمد \بندر)
لي عوة قريبة بمشيئة الله

 

[محمد عيضه]

نحن منصتون

ياخالد

 

[محمد عيضه]

المشاركة الأصلية كتبت بواسطة مي العتيبي

محمد ..
كلانا يبحث عن ما يريحه خلال الإجابات
الموضوع الآن : كيف مانسوي إجابات تطلعنا أنانيين ومانفكر في الاسئله الا
بـ ظاهرها !؟



صباحك أنت ... أنت ..
وهذي كفيله تخليه " أنيق " حيل ..

يامي

انا وأنت والجميع حالة

مانقدر نكتب إجابات لاتتأثر ببشريتنا وحالتنا

خصوصا في سؤال فضفاض وحمال أوجه

يعني تحطينا في المأزق وبعدين تعترضين صحيح ضربني وبكى

 

[خالد الحبشان]

المشاركة الأصلية كتبت بواسطة محمد عيضه

قل لها
(كل دمعة من عيونك...
اشتريها بألف خاطر..)

المشاركة الأصلية كتبت بواسطة بندر الصقر

لما ألاقي الركوبه يامحمد وصّني على الركوب ..




لا قلها :

إبكي ترى كثر البكا يغسل الهم
,,,,,,,,,,,,,, إبكي على ما فرّطت به يدينك ..

المشاركة الأصلية كتبت بواسطة محمد عيضه

قريب يابندر قريب ربي يوفقك ويغنيك بالحلال...

لمتعب التركي
خل عينك تهل دموعها وش عليك
انت خدك ورود ودمع عينك ندى..!

يابختكم من جد أغبطكم ياحلوين تقدر تفضفون مشاعركم لشعر
بس انا مااعرف لا للوزن ولا أجيد حتى اللحن :
تدرون بقول اللي بخاطري والهادي الله ..

تدرين ياحبيبة وش آخر ماوصلنا له احنا من بعضنا ضعنا
تدرين ما يجرحك غير صدرك بعدي هو فيه أحد يقدر يضمك
تدرين أصلا كل الاماكن ماعادت تشبهك كل الأماكن من فخامتك صارت تستكثرك
يآآآآآآآآآهـ صرت أخاف أجرح غيابك وأنساك
أخذوك لبعيد هم يدورن أنك عنيد تقدر تهد الباب الحديد
انا هاللحظة أتسائل مدينة بريدة كيف تقدر تجمعك وانا ماقدرت أودعك
كذبة قدر ترانا ما أنخلقنا لبعضنا
يابنت الحلال مالك ومال الفقير كافي عمك كان وزير

من آخر الذكريات القديمة خالد ليش بريدة اغلب منازلها ألوانها بنية الآن بريدة كلها تحت رجولك وأسأليها

محمد ضحكة طويلة يقول تكفى يانزار قباني خالد مالك ومال الشعر حتى النثر لاتحاول تقرب له
روح روح الله يصلحك تعشى سمك شعور ونام زين وبكرة إن الله أحيانا نعطيك دروس خصوصية مجانا انا وبندر
وانا أقول للحلوين يالله تصبحون على خير
نتلاقى بعد منتصف الليل

 

[خالد الحبشان]

ايه صح تذكرت حاجة حلوة قبل انام
يوم كنت أقرأ ردودكم الصبح كنت ناوي ادورها بس انشغلت بالدوام


====


ما عاد لي خاطِر وَلا عاد لي نَفْـس
......................... حتى يدي ترفـع فِـوَجْهـي يديهـا
تعبْت أغنّي للمسا غنـوَة الشَمْـس
.........................واكذِب على نَفْسـي وامنّـي عليهـا
ياما حرَثْت وْما جنى كَفّـي الغَـرْس
.........................كلّ الـدروب آشوفهـا مـا اجيهـا
المشكله ما جَتْ على اليوم أو أمْـس
.........................المشكله أرْبَـع جهاتـي مـاْ ابيهـا
خذَيْت من راس الزمَنْ حِكْمَة الحَدْس
.........................حبّيت أبَيِّن فرصتـي مَـا احتريهـا
والنار تذْخَرْ للصَبِـر نِيّـة اللَّمْـس
.........................واقـول يمكـن بكْـرَه الله يْهَدِيهـا
ما شِفْت غير الصَمْت يِتْصَنَّت الهَمْس
.........................بَعْض السوالف مزعجه فـي حَكِيْهَـا
تَفْرِق ماْ تَفْرِق لْ.. هِنا كافي وْبَـس
.........................ما عاد باقي حاجَه .. أنْـدَمْ عليهـا
شعر: شهاب الشمراني