مذكرات رجل وحيد ( أحمد الشحي)

[جمال الشقصي]

:
:
:


قصيدة

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أعذِريني لو سِألتِك: في حَيَاتِك مِن أكُون؟=أدري إحسَاسي بحبِّك مَا لَه بقلبِك مجَال

وادري إنَّ الوَهْم يَرسِم لي على حبِّك ظنُون=وانِّك أبعَد مِن أمَانِي العُمر.. وحدود الخيَال


آه لو تَدري عيُونِك عَن معاناة العيُون=لو تِشُوف النُور لكِن.. تِلمَسَه صَعب ومُحال


إعذِريني لو سِألتِك.. لو تِحَدِّيت السِكون=الفُضُول اللِّي دِفَعني أحلَم بشَمْسِك ظِلال


جيت أسُولِف عن جِرَاحِي كيف مَا تِرضى تِهُون=مَا دِريت إنِّي سِألتِك بِالخَطا.. نَفسْ السؤال[/poem]

:
:
:

 

[جمال الشقصي]

:
:
:


تعالي


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مَا أبِي شُوفِك.. (تَعَالِي).. مَا أحِبِّك مَا أطِيقِك=يا بِعيده عن عُيُوني.. يا قِريبَه من خَيَالي


إبعِدِينِي عن حَيَاتِك.. لا يِتوِّهنِي طريقِك=وارحَمِيني من ضَيَاع البَاكِر وخُوف اللِّيالي


لا تِظِّن النَّاس باكِر.. إنِّي اْكثَر من عشيقِك=أو تِظِن النَّاس بَاكِر إنِّك أغلى مِن حَلالِي


أو يقولوا إنِّي أعْشَق كِثر عِشق الموج ريقِك=يَا الكُروم اللِّي تِحَدّر مِن عَنَاقِيد الدوالي


لَسْعَة الأشْوَاك أرحَم ألْف مَرّة من رَحِيقِك=مَا أحبِّك.. مَا أطِيقِك.. مَا أبِي شُوفِك.. (تعالي)[/poem]

:
:
:

 

[جمال الشقصي]

:
:
:

إنتي

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
إنْتَيْ؟! وما بِينَ الوُجُوه الكثيرَه=إنْتَيْ.. وعَادَت لِلوَرى ذكرياتِي

لِلِّيل.. لايَّام الصِبا.. للظِفيره=تِطِير في وَجْه الريَاح العَوَاتي

مَا أصعَب الإنْسَان يِِخْدَع ضِمِيرَه=شِفتِك.. ولاحَتْ في عِيونِك سُوَاتي

يَا مَا سِأَلْتِي: حبِِّنا وش مَصيرَه؟=وبالصَمْت جَاوبْتِك على قول: هاتي..

هَاتِي.. وفُضِّينا مِن الحُب سِيرَه=نَزْوَه.. ويَاكَم نَزْوِةٍ في حياتي

لِيتِك لِمَحتِي في اللَّيالي الأخيرَه=جُموحِي المشدود خَلف أمنياتي

يَا عَابِرَه بِين الوُجُوه الكِثيرَه=إنْسَان أنَا مَهزُوز في عُمْق ذاتي!![/poem]:
:
:

 

[جمال الشقصي]

:
:
:

على لسان فتاة



[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]دِخَلتْ بْعَالَمِي أَصْعَب قَرَار.. وْكِلْمِتِينْ قْصَـار= وكِنْت أَجْمَل مَخََالِيقْ السِمَا وَالأرض.. والعَالَـم

واخَذتْ اللي تَبِي مِنِّي.. وحِينْ اللي بغِيتَه صَار= نِفَثتْ النَار في وَجْهِي.. حِرَقتْ العَالَم الحَالِـم!

دِخَلتْ بْعَالَمِي نِسْمَه.. ولكِنِّكْ خَرَجتْ إعْصَـار= كِسَرتْ أحلَى غُصُونْ الحُّبْ.. بينْ يْدِيك يَا ظَالِم!! [/poem]

:
:
:

 

[جمال الشقصي]

:
:
:



ميعاد

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أقُولْ أَكْتِبْ لِكْ الليلَه ولِيتْ الوَقتْ يِكْفِينِي=واقُولْ أَقْرَا.. ويَسْرقْنِي مِن أحضَانْ الكتُبْ مِيعَاد


وانَا فِي بُؤرَة الزَحمَه.. تِشُوفِينِي تَعَافِينِي=كُفَرتْ بْعَالَم ٍ بَارِد.. صَدِئ.. مَا بَه وجُوه جْدَاد

إذا صَار الجِسَد مِنِّي.. وصِرتِي مِنِّي وفِينِي=وصَار الكُونْ بِعيُونِي: عُيون ٍ جَايعَه واجْسَاد

أقُول أَكْتِبْ لِكْ الليلَه.. واقُولْ الليلَه إعْفِينِي=أشُوفِكْ خَارج الزَحمَه، وَلكِن.. دَاخِل المِيعَاد [/poem]
:
:
:

 

[جمال الشقصي]

:
:
:


صاحب


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]أبعثِر بَاطِنْ أقْدَامي.. والِمَّه=خطَفْت الدَربْ.. مَا ادري انَّه خِطَفْنِي

أدَوّر صَاحِبٍ.. لا سَالْ دَمَّه=سِعَفتَه.. واْن نِشَف دَمِّي سِعَفْنِي

لِقِيتْ الصَاحِب اللي جِيتْ يَمَّه=تِمَنَّى في حيَاتَه.. ما عَرَفْني![/poem]

:
:
:

 

[جمال الشقصي]

:
:
:



هاتفية


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مَا ينْفعِك دَمْع.. لا تِبْكي عَلى مُوتِك=مَا يصْدِق الدَمْع دَام العِين كََّذابه
جِيتي مَع الليل: رنَّة هَاتِف وصُوتِك=وانْ رَوَّح الليل.. خَذ كِّل الذي جَابَه![/poem]
:
:
:

 

[جمال الشقصي]

:
:
:

عامٍ جديد

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
عَام ٍ جِديد.. وشَمْعَه.. وبَسْمَه.. وثُوب=يرقِص على جسمِك مِن الفَرْح ويطِير
أذوب أنَا.. وَاللِّيل.. والشَمْعَه إنذوب=وانتِي.. وَلا هَمِّك بمَا صَار ويصِير
مَا ادري نِسيتِي من على النَار مصلوب=وانَّه بَشَر يِشْتَاق.. ويحِّس.. ويْغِير
والاّ لقيتِي دون دَربِي لِك درُوب؟=وانَا الذي أدمَنْت لِعيونِك السِير
جَايز لنَا فِيه الفَرَح يُوم مَكتُوب=وجَايز يِكُون العَام عَامِك مَع الغير
عَامٍ يمِيت قلُوبْ.. ويفرِّح قلُوبْ=وكِلْ عَام وانتِي.. يَا بَعَد عَامِي .. بْخير[/poem]

:
:
: