أحاديث شاعر ..!! - منتديات أبعاد أدبية
 
معرفات التواصل
آخر المشاركات
اقرأ الصورة بمِدادٍ من حبر (الكاتـب : نواف العطا - آخر مشاركة : ضوء خافت - مشاركات : 2779 - )           »          ( كان لا مكان ) (الكاتـب : ضوء خافت - مشاركات : 582 - )           »          (( أبْــيَات لَيْسَ لَهَــا بَيــْت ...!! )) (الكاتـب : زايد الشليمي - مشاركات : 15 - )           »          [ فَضْفَضَة ] (الكاتـب : قايـد الحربي - آخر مشاركة : زايد الشليمي - مشاركات : 75148 - )           »          فلسفة قلم .. بأقلامكم (الكاتـب : سيرين - آخر مشاركة : زايد الشليمي - مشاركات : 3845 - )           »          غياب القناديل (الكاتـب : أحمد عبدالله المعمري - آخر مشاركة : سيرين - مشاركات : 3 - )           »          تخيل ( (الكاتـب : يوسف الذيابي - آخر مشاركة : سيرين - مشاركات : 428 - )           »          ورّاق الشعر [ تفعيلة ] (الكاتـب : نوف الناصر - مشاركات : 5 - )           »          بُعدٌ جديد ! (الكاتـب : زكيّة سلمان - مشاركات : 1 - )           »          عَـيني دَواةُ الحـرفِ (الكاتـب : حسن زكريا اليوسف - آخر مشاركة : سيرين - مشاركات : 4 - )


العودة   منتديات أبعاد أدبية > المنتديات الأدبية > أبعاد الهدوء

أبعاد الهدوء اجْعَلْ مِنَ الْهُدُوْءِ إبْدَاعَاً

إضافة رد
 
أدوات الموضوع انواع عرض الموضوع
قديم 12-24-2008, 03:20 AM   #1
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي أحاديث شاعر ..!!


.




.




.


ـ ( صحوة الموت ما أرى .. أم أرى غفوة الحياة ) مقطع من أغنية ( لست قلبي ) لـ عبدالحليم حافظ , لا أعلم لم أخترته للبدء , بعض الأحاسيس نتركها تقودنا بكل سلاسه , أحياناً نحتاج أن نتجاوز مقص العقل .


ـ الساعه تشير إلى الـ 3,9 دقائق صباحاً , اليوم هو الأربعاء , فقط لمن أراد أن يعلم في أي وقت أستسلم لـ قلبي .


ـ الليله دافئه عكس البارحه , الليله أملك ما يكفي من الـ ( lm ) عكس البارحه , الليله هي النقيض جداً لما كنت عليه البارحه , أنا الأن أمسك بزمام الـ لاوعي بإتقان .


ـ مؤمن أنا أن الشاعر خارج إطاره بلا ملامح , أحاول بين حين وحين أن أصنع إطار لـ ملامحي خارج نطاق الشعر , كثيراً ما تنتهي محاولاتي بالضحك والــ التمزيق , الأن أنا أحاول أن أحتفظ بالضحك وأترك التمزيق للأخرين .


ـ أحب الكتابه بـ العاميه لذا سـ أجعل هذا المتصفح معقلاً للـ لا لغه .

ـ أوكي .

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
قديم 12-24-2008, 03:27 AM   #2
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي




ـ حسناً لنبدأ .

ـ أولاً لا تسترقوا النظر من بعيد , أدخلوا وأقرأوا وأرحلوا , فلم يعد لدي متسع للعشق والتعلّق بأنثى , هذا بالنسبه للإناث , أما الساده الرجال , فتفضلوا بكل أريحيه فلم يعد لدي وقت للمناظرات أو المزايدات أو أو أو .

ـ حنا ما قلنا بالعاميه
طيّب

الحين طال عمرك .

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
قديم 12-24-2008, 03:57 AM   #3
نواف التركي

شاعر و كاتب

مؤسس

افتراضي



ـ كان يا ما كان في سالف العصر والأوان كانت شهريار ( وربي للحين ما أعرف شهريار هو الرجال وإلا المره أحس يتشابهون حيل ) الزبده عاد كلهم ماتوا ما علينا فيهم نبدأ سالفتنا , يوم إني توّي أبدأ أميل للقراءه وأشتري كتب والسوالف هذي , طبعاً قبل ما فيه إنترنت ودش ومدري وشو يعني اللي يقرأ عند البدو كتاب أبو خمسين صفحه مثقف , الزبده رحت لـ سوق عندنا شعبي كذا أتمشى ـــ السوق هذا فيه أشياء مستخدمه يبيعونها , وعشان تكونون بالصوره هم يبيعون أي شي وأقصد بأي شي أي شي صج , يعني عشان تتصورون كيف , أيام أزمة العراق وبعد ما تحرر الكويت ظلّت خنادق الأمريكان فيها بعض المخلفات , في السوق هذا كانوا يبيعون ( ويسكي ) مو عشانه ويسكي لا كانوا يحاسبونه شامبو , ويحرجون عليه إنه شامبو ( يعني عليه العوض ومنه العوض ) ناس منتهيه , وبصفتي أحد سكّان المدينه ويعنني مسوي غير العقليات هذي , رحت أتمشى يمكن ألقى باقي شامبو معتّق هنا ولا هنا , هيه أمزح لا أحد يصدق , الزبده وأنا أتمشى في السوق لقيت شايب حاط قدامه طاوله وعليها كتب كثييييييييييييره , قلت بس خلني أروح أشوف الشايب المثقف هذا وش عنده من كتب أكيد إنه ناوي يبيع مكتبته الخاصه , جيت عنده طالعت بوجهه إلا مبين الثقافه بتطلع من عيونه ( ياهو من جنبها ) ..

السلام عليكم :

هلا

طبعاً هلا يعني عليكم السلام وأخلص علي شتبي , شوي الثقافه الدينيه عندنا تخضع للمزاج ..

شلونك يا حجي :

لا تشغلنا شلونك وكيف حالك ورانا شغل ..

عادي يتعاملون حقين البزنس عندنا بالشكل هذا ومعذورين الوقت من ذهب ..

حجي الكتب للبيع ..

أنت فاضي يا وليد ..

أفا ليش يا حجي ؟

الحين أنت تبي تشتري ولا تبي تخربط

لاوالله أبي أشتري ..

أجل شوف وش تبي وبدون لجّه ..

أبشر طال عمرك

قمت أقلب الكتب وأنا الله لايعوق بشر مشتري مشتري مو عشان أقرأ بس عشان أنستر من هالشايب اللي مزاجه أي كلام ..

وأنا أقلب بالكتب لقيت كتاب الأغاني لأبي فرج .. صراحه من زمان كان ودي فيه وودي أقراه بس غالي ووقتها أنا أتسلف حق الدخان من أبوي , طبعاً ما يدري إني أشتري دخان بس من هالأعذار أخوياي طالعين للبر وقاطين حق ذبيحه ـــ عرس واحد من أخوياي ومن هالحكي اللي يمشي على أبوي , الزبده لقيت عشر مجلدات نسخه قدييييييييمه
وفيه كم مجلد شكلهم ضايعين , أها النسخه القديمه في مجلدين للفهارس , مافيهم فايده كلهم فهارس قلت بس الحين أبي أضحك على الشايب هذا وأخذ الثمانيه والأثنين بقول مو نفس الكتاب عشان السعر يفرق ..


حجي أنا باخذ الثمانيه هذولي كم ؟

شكلي ما اعرف أنصب على أحد , مدري هو خبره ..

طالع فيني شوي وراح قلّب الكتب وطلع الأثنين اللي أنا حاطهم تحت بحوسة الكتب , قالي الحين هذولي مو كلهن شكل واحد , قلت أيه بس أنا أبي الثمانيه بس ..

شوي كذا وينادي واحد حول عمري تعال يا فلان , قلت يارب ما يعرف يقرى لأن أغلب اللي يبيعون بالسوق هذا ما يعرفون يكتبون أسمهم , قاله الشايب شوف هذي هي نفس هذي ولا لا , العمى طلع يفهم , طالع فيه الولد قال إيه نفسها حتى شوف نفس الرسمه نفس الشي ( أما الرسمه ) قلت حجي هذا ما علي منه الكتاب مو نفسه تبيع هذولي ولا لا ..

قال ياولدي تبيهم كلهم خذهم ولا خلهم كلهم ..

قلت لا يبه ما ابيهم
يعنني حركات أمشي ويناديني

والله مشيت ما ناداني
حسيت إني بخسر الصفقه رجعت وأمري لله بأشتريهم كلهم وش أسوي ..

خلاص حجي أبيهم كلهم

كم ؟

كل كتاب بخمسه ريال تبي ولا فيه واحد توّه سامهم ومشى

بذمتك يعني حركات أهل سوق ..

لا يبه أنا شريت

بخمسه ريال الكتاب عزالله إنّه مسوي صاديني ..

اللي خلاني أكتب القصه هذي إني وبعد أكثر من 14 سنه رحت أدوّر في مخزن قديم عندنا عن عدّة عشان بصلح الحنفيه ولقيتهم موجودين بالمخزن , نسيت نفسي وأنا أقلب فيهم وأضحك من قلب .. الله زمان والله .. من متى ما قريت كتاب وربي ما أذكر .

بالعاميه قلنا أوكي .

 

التوقيع

.

.

.


مـاودّك نـغـيـب..!!
حسابي في تويتر @nawafalturky


التعديل الأخير تم بواسطة نواف التركي ; 12-24-2008 الساعة 04:01 AM.

نواف التركي غير متصل   رد مع اقتباس
قديم 12-25-2008, 03:20 AM   #4
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي




ـ نرجع نغنّي لـ مي الله يذكرها // بالخير كانت تعرف الحب وش يعني ..

ولا حاجه بس كذا طرى علي البيت هذا , أحس إني بجد أحبه ..

هالمره بسولف لكم عن عرس ما أنساه ..

ـ في عرفنا حاجه أسمها ( العنيه ) طبعاً موجوده عند أكثر الناس بس عشان اللي ما مرت عليه يعرف , ( العنيه ) هي مبلغ من المال تعطيه لأهل المعرس ليلة العرس كـ نوع من التضامن الإجتماعي ومساعدة ذوي القربى ..

مسألة إعطاء العنيه فيها شوية حرج للي مو متعود وفيها ربكه , خصوصاً للمره الأولى .

في عرس واحد من الجماعه طبعاً أهم شي يحضرون الكبار اللي حلاتي هاك الأيام بالطعش ما يشرهون عليهم حضر ولا بقريح , ولأني متعود على سالفة بقريح وما أحضر , مو هامتني السالفه حيل , قعدت العصر ومريت على الديوانيه , لقيت أبوي , سلام عليكم .. هلا .. نفس الكلام بالقصه الأولى .. هلا ..

قعدت كذا أتقهوى وأشوف أبوي يطالعني بنظرات غريبه , دريت إن فيها نكبه , توّني أبي أسحب نفسي وأهج , إلا وهو يا ولدي .. أمر يبه ..

خذ الـ 500 هذي ( رووووووووح 500 شكلي بطلع سوريا ) أيووه يبه
طبعاً بالثانيتين هذي وصلت منفذ الحديثه وتوّني بختّم جوازي ..

إلا أبوي يكمل : وروح لعرس الربع وعطهم ( العنيه )

كيف كيف !

يبه والله أحراج وأنا عمري ما مديت عنيه ..
تكفى هالمره أروح معاك ومره ثانيه أتعلم ..

أنت تفهم ولا لا ..

أفا أيه يبه أفهم ..

أنا ما قاعد أشاورك أنا أقولك روح ..

طيب أبشر

ولا تفشلنا ..
زين ..
أكرب روحك ..
يعني شنو ألعب حديد ..
تامر طال عمرك

وألبس عقالك ..
طيّب

و .. و .. و .. إلخ من وصايا الشيبان

قالك عاد مرسلني لـ غزو القطسنطينيه ... شكلها تنكتب كذا صح ..

الزبده
قلت خلني أستغل شعوره الملئ بالفخر وأطلب منه 5 ريال
يبه ممكن 5 طال عمرك
أبشر..!!

أقعد والله شي ما قالي وش تبي فيها ..

طبعاً الخمسه ناوي أشتري فيها دخان وأفلّها ..

أيه كشخت وأضرب وأطرح خذيت الـ 500 وحطيتها بالجيب اللي فوق والـ 5 حقّت الدخان معاها , وعلى العرس ..

والله وأجي وأتقهوى وبيني وبين نفسي أشجع حالي وأقول يعني شنو السالفه ..
كلها تفضل وأعذرنا عن القصور وحط رجلك ..

شوي إلا أبو المعرس جنبي وأنا أستغل الفرصه وأتقدم السلام عليكم

هلا يا ولدي ..
وين أبوك ؟

هنا أنا قمت أخربط مدري أتعذر عن أبوي أنه مسافر وإلا أقول شفه يتفنجل بالبيت
بصراحه خربطت لين الشايب كذا قام يطالعني مثل اللي يقول : خلاص يبه عطنا عنيتك وأذلف ..

مدري كيف طلعت العنيه عطيته
وعلى باب الصاله .. أهرب

يالله والله هم كانت

على أول بقاله يا شيخ خلني أشتري دخان داخ راسي قالك ود عنيه ومدري وشو

: صديق عطنا واحد مالبورو ..
جاب الدخان طلعت الفلوس ..
إلا اللي بجيبي الـ 500
ألعن أم السالفه

أثريني مع الربكه طلعت الـ 5 وعطيتها الرجال

يا فضيحتنا
وأنا أطلع من البقاله ركض
أركب السياره وعلى الصاله

وألقى أبو المعرس

معليش يابو
أنا صار معي كذا كذا
وأسف ..
وهذي عنيتكم طال عمرك ومن هالكلام

ضحك وقال عادي ياولدي تصير وأنا هقيتك مخطي وخذا الـ 500

طبعاً مشى ما عطاني الـ 5 حقّت الدخان

يعني عنيتهم صارت 505

وأنا أطلع أجرجر أذيال الهزيمه مفلس لا من دخان ولا من سالفه بيضحكون عليها الشيبان شهر قدام ..

كانت تجربه فاشله بصدق

بكره في عرس لواحد من الجماعه
وهالسالفه كل طاري عرس تطري علي ..

وسلالالالالالالالامتكم

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
قديم 12-25-2008, 04:04 AM   #5
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي




ـ يا جماعه

يبدو أني مقرود جداً

أفتح الماسنجر ألقى إضافات غريبه ..

خلوني أضرب لكم أمثله ..

واحد مضيفني من شهر ..
أذكر أول ما أضافني سلّم علي ومن ذاك اليوم وهو ألقاه موجود وساكت إستحيت لا أحذفه كذا بدون سبب , قلت طال عمرك أنت بغيت شي , قال لا سلامتك , قلت أقصد إنك أضفتني فيه موضوع تبغاه , شي بتقوله ..

قال لا والله بس كذا
أما بس كذا

بلوك دليت ..

ـ وحده أضافتني مرحباً أخوي , هلابك , ممكن تسجل عندنا , عطيني الرابط طال عمرك , إلا منتدى حق طبخ وأدوات تجميل ومدري وشو .. يخرب بييييييييييييييتك وش تبين أسجل له .

بلوك دليت .


ـ شاعر يضيفني .. مرحبا أخوي
هلا طال عمرك
أخوي عندي قصيده ودي تشوفها

هات ..

أرسلي ملف وورد فيه كل شي من أنواع الكلام إلا الشعر
أخوي معليش شكلك غلطان
ليش يا نواف
أنت أرسلت لي ملف بس شكلك غلطت بالملف
أرسله ثاني مره
يرسله يطلع نفس الشي

أخوي أنت قصدك يعني أن هذي قصيده
أيه
معليش طال عمرك بس أنت يبغى لك وقت عشان تعرف شنو تعني القصيده
مو عشان تكتب قصيده

أنت ما تفهم

افاااااااااا

لايبه

بلوك ديلت


ـ أخر شي قبل شوي
إضافه
السلام عليكم
وعليكم السلام
من معي ؟

أنت اللي من معي ؟

احووول معاك نواف

أيه عرفتك.. أما عرفتك ههههههههههههههه

منو معاي
برب دقايق

نعم وشو برب دقايق

يبه أنت منو
أنا أنتي
طيب يا أنتي منو أنتي

أنتظر لا جيت بقولك

لا والله

درب ربعك ..

بلوك دليت


يا جماااااااعه تكفون اللي ما يبي شي
ولا عنده موضوع ولا يدري وش السالفه
ولا يبي يدعيني لمنتدى

لا يضيفني

يرحم أبوكم أوكي ..

معليش بس والله رفعة ضغط بقوه ..

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
قديم 12-29-2008, 03:32 AM   #6
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي



ـ يالله ..

من يغنّي لـ عيوني نام ...

ويذبح من حمامي جوز ..

منو يمنحني الأحلام ..

وأسلفّه السهر وأجوز ..

منو غاوي وأنا أشلع له عيوني من عيوني وأستريح الليل ..

منو يبغى دفاتر باليه وأقلام ..

وبعض أشعار ..

وحزنٍ بار ..

محال يعقّ بك ليله ..

ولا ينساك ..

منو يبغى عيوني بس لو ليله ..

أنا محتاج لي ليله ..

عشان أنام ..

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
قديم 12-29-2008, 04:03 AM   #7
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي




ـ وشرايكم نسولف وربي مو جايني نوم وتغصبت لين ضرب مخي عجزت أنام , ومحمد الضويحي يدخل الماسنجر وحاط مشغول وأنا مسوي ذوق ماودي أقطع خلوته , وفيه أربعه حاطهم حضر مالي خلق عليهم بصراحه ..

عشان كذا قلت أفتح ( متصفح الغفله ) وأقعد أسولف لكم عن بطولاتي مدري نكباتي اللي هي ..

أها ..

ـ تخبرون طال عمركم يوم هبّت الناس بالأسهم ومدري وشو , قلت أنا ليه ما أدخل مثل خلق الله هذي , ولأني مفلّس كـ العاده , ولأني طموح بالحيل بالحيل ..

رحت لأبوي الله يطول عمره ..

قلت / يبه وش الأخبار ؟

نعم ..

أبد سلامتك أقول أنت وشلونك ..

طبعاً هو يعرف خشتي لاصرت أبغى شي ..

قال : من الأخر ؟

قلت أبد طال عمرك أنت وين عن هالناس اللي طايحه بالأسهم , خلق الله صارت تجار ..

قال : أسمع الخرابيط هذي فكنا منها , أنا خابرك وخابر علومك ( أفا ياذا العلم ) .

قعدت أحن على راسه وهو والله ماوده لكن خابره ما يروح نيّه ..

بعد ما أقنعته قال خلاص أبشر بعطيك فلوس , وأبي أعتبرهن ضاعن و أنسرقن ..

هنا أنا أنتفضت لا يبه أفا عليك بس , أعتبرهن سلف وكلها شهر شهرين وأبشر ..

مالكم بالطويله عطاني ..
وأنا أسنتر ما تشوفني إلا مقابل هالكمبيوتر , وأنواع الأرباح وكل ما مر وشافني , هاه بشر متى ترد الفلوس ..

أفا عليك قريّب
بس أنت أصبر

وعلى هالموال ..

لين جاء اليوم الأسود اللي كل واحد فقري يعرفه , وطاخ طيخ .. إلا وأنا على الحديده ..

وأقوم أجي متأخر وأحط راسي وأنام
وأقعد وحط رجلك ..
وعلى هالحال ..
مسوي يعني الشايب ما ينتبه

أثري الشايب داري
وسامع من خلق الله
إن الناس بالإنعاش ومدري وشو ..

وهاك اليوم وأنا توني أبي أفرك لها من البيت
إلا هذا هو ..

هلا هلا ..

تعال يا ولدي
أبشر طال عمرك بس بوصل البقاله وأجي

أقول تعال بس ..

أها طيب ..

أيوالله وهو يستفردبي
قلت أسمع فلوسك جايتك لا تشيل هم ..

بس أصبر علي شوي ..

طالع فيني كذا ..
وضحك ..

قال أنا ما قلت لك من يوم عطيتك الفلوس بأعتبرهن ضاعن ..

لالا ما ضاع شي ..

قال أسمع خل خرابيطك أنا أشوفك فاركلها أربع وعشرين ساعه ..
أركد بس وأقضب القاع , وفدوه ولا يهمك ..

أهم شي لا تروح تنجن مثل هاللي كل يوم نسمع سوالفهم ..

ياربي والله شال عني حمل ثقيل ..

قبل كم يوم صار عنده كم فلس وجيت أقترح عليه مشاريع ومدري وشو ..

( ألعن أم البياخه بعد لي عين أقترح )

قال ياولدي إنت داوم وفكني من مشاريعك
أهم شي لا يفصلونك من وظيفتك ..
وأن شفتني أشاور أخوانك بشي
أنت الله لا يهينك ( على شحم )

أبشر طال عمرك ..
أصب لك قهوه

لا بس أنجعم لين نخلص سالفتنا ..

قلت له مره يبه
أنا بدخل شاعر المليون
وبجيب المليون وأجيك

قال رح بس ترا لاني مصوت لك
وأبي أعلم الجماعه كلهم لا أحد يصوت

أفا ليش

أبد مشروعك خسران ..

من يسلفني يالربع
وأنا مستعد لا خذيت المليون أردهن

أحس أنعدمت الثقه بقدراتي عند الشايب

وإلا تدرون
وشرايكم
أبعاد أعضاءها حول الـ 4000

لو كل واحد منكم يقط ميّة ريال وأرجعها لكم متى ما تيسرت الأمور ..

قلبناها شحاذه
ولا
أقول الله لا يشكر لكم فضل
يالله عاد

كل واحد يشرفني برا خلصت السالفه ..

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
قديم 12-29-2008, 04:22 AM   #8
نواف التركي

شاعر و كاتب

مؤسس

الصورة الرمزية نواف التركي

 






 

 مواضيع العضو

معدل تقييم المستوى: 676

نواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعةنواف التركي لديها سمعة وراء السمعة

افتراضي



يقول لي واحد ..

متصفحك هذا يا أخي مو عاجبني ..


بصراحه ..

أنا مليت من الحضور الرتيب
وإدعاء الكمال ..

ـ حب ومدري وشو خلاص باح .. ما عاد يمديني ..

ـ ذكريات وكانوا وكنت .. تعبت من هالأسطوانه ..

ـ أنا أحسن واحد والعالم فيها وفيها .. بلاش نضحك على بعض كلنا حول الدعوى .

ـ الكتابه بلغه فصيحه ومخاطبة النخبه ومدري وشو .. لا يبه أنا محتاج أكون زي ما أنا على الطبيعه خلني أريّح شوي وأسولف بلغة الشعب ..

ـ يا صديقي
والله لست كامل فـ الكمال لله وحده ..

محاولة بناء المدينة الفاضلة محاولة فاااااشله , حتى لو كانت في عالم إفتراضي , فـ حتى فرضياتنا لن تبلغ الكمال ..

إنت سلم على قلبك
وشيلني من بالك ,
ـ يا أخي أعتبرني أحد لصوص مدينتك الفاضله , وأصلبني على أعمدتها بذنبي الذي أقر به وأعترف , بهذا اكون قد منحتك عمل بطولي , ويخلد أسمك , بل ربما يبنى لك نصب تذكاري على كم كيلو بايت يمنحها لك ( أفلاطونك ) .

سي يو

 

التوقيع

.

.

.


مـاودّك نـغـيـب..!!
حسابي في تويتر @nawafalturky

نواف التركي غير متصل   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:22 AM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2024, Jelsoft Enterprises Ltd.