(أطــوار الـحـيـاه) ...!!

[حاتم منصور]

بسم الله الرحمن الرحيم
السلام عليكم ورحمة الله وبركاته
:
:
:
:
:
أعود إليكم أحبتي مصافحا ً بهذا النص
عله يصافح ذائقتكم
المناسبه:
كنت أتذاكر قصيده معى الشاعر/أسعد السحيمي لأحد (الفسقانين) وكانت تتكلم عن فقره للمال
فسألني أسعد : إذا كان هذا وهو يملك الشيء الكثير وفي غنى ولله الحمد ويشكو فقره للمال
فماذا يقول البسطاء مثلنا ؟؟؟
فأجبته بهذه القصيده :

(أطـــوار الـحــيــاه)

ياأسعـد ليـه مانلبـس ثيـاب ٍ بـيـض نـتنـعـم
............. وشهّـب ثيابنـا نشعـل بهـا نــار ٍ ونرمـيـهـا
تعـال ونارنـا حيـه نـبـي نسـهـر ونـتـكـلـم
............. تعـال ونظهـر الخافـي طويـل الليـل يرويها
تـذكّـر يارفقـي قـصـة ٍ كـانـت لــك الـبـلـسـم
............. وأنـا بأذكرسواليـف ٍ جديـده كـنـت مخفيـهـا
تـرى بعـض البشرفقـره كـلام وثوبـه مهندم
............. وحنـا ثيابنـا مـا تشتكـي كثّـر الوسـخ فيهـا
وترى بعـض البشـر ديكـور والله بحالتـه يعلـم
............. وحـنـا أشــكالـنـا تَـظـهـربحـمـد الله وكافـيـهـا
(وترى بعض البشرجايع وأصنـاف الطعـام ألتـم
............. ببيته)/وحنـا نغمـس خبـزة الشاهـي بشاهيـهـا
وترى بعض البشر يعطش وهـو راوي لحـد الفـم
............. وحــنـــا نــارد أبـيـار ٍ بــعـــيـدات ٍ حراويـهـا
وترى بعض البشر يشكي/أسى/حرمان/جور/وهم
............. وحنـا تيبـس أريـاق ٍ ولا أحـد ٍ جـاب طــاريــهـا
تـعــال ونـذكـر أطـوار الحيـاه إللـي بهـا ننعـم
............. نبـي نجبـر بـهـا قـلـب المعنّـى يـوم يشـكـيـهـا
إذا ثـيـاب المعنّـى واسـعـه بـيـضـا طويلـة كــم
............. فـحـنـا ثـيـابـنـا عـز ٍ عـلـى الهـقـوه نـظـرّيـهـا
وإذا عـنـده دراهـم مـالـيـه جـيـبــه مايـدري كــم
............. عزيـزه نفوسنـا وجيوبنـا بحـول الله يغـنـيـهـا
وإذا كانـت مواترهـم جديـده وعندهـم منـجـم
............. فـحـنـا أقـدامنـا تسعـى علـى الجنـه خطاويـهـا
وإذا كانـوا كبـار بـطـون ماتلـقــى لهـا مـنـسـم
............. حنا نفوسنـا تَكّـرَم عـن أنـواع الـردى يجـيـهـا
وإذا ماهـم يجيهـم بالقواريـر إلـلـي تتـوسـم
............. فحنـا نسقـي الطيبـه ونرهـي فــي محانيـهـا
ياأسعد لـو تضيـق إبهـم ترفـق حالهـم وأرحـم
............. لأن أحوالهـم يمكـن مـن الأمــوال شاريـهـا
أنا أظـن المعنّـى يشكـي مايفتـح لـه السمسـم
............. وشاشـات البـلـد كلـه علـى جــداره مخـلـيـهـا
ياأسعـد لا تضيـق بهالسوالـف لا / ولا تهـتـم
............. لأن الفـرق واضـح والـنهـار يـفـك طاريـهـا
وتاليها تبـي تعـرف وش الفـرق اللـذي يقسـم
............. عصـا الساحـر بيديهـم / وحنـا مالنـا فيـهـا


محبكم
حـاتـم بن مـنـصـور

 

[عبدالعزيز سحل]

حاتم منصور

سمي الكرم .

ونص اكثر من رائع .. يكشف خفايا بشر حاولوا تغيير جلبابهم

شكرا لك بحجم السماء

مودتي

 

[بلال السمارات]

وترى بعض البشر يعطش وهـو راوي لحـد الفـم
وحــنـــا نــارد أبـيـار ٍ بــعـــيـدات ٍ حراويـهـا
أخوي
حاتم بن منصور
صح لسانك والله يورّدك ابيار الجنّة
قل آمين
نص رائع يعكس صورة أزلية أبدية ... تبقى ما بقيت الحياة
لكنك وضعت يدك على الجرح بأن فقر المال ليس هو الفقر الحقيقي بل فقر العزة والدين هو الفقر عينه
لك الودّ يا خالي

 

[عبدالله العويمر]

حَاتِم
حَدِيْثُك لـأسْعَد حَدِيْث ُ الصّدق
صَح لْسَانك
دُمْت بِخَيْر

 

[محمد سليمان العنزي]

أنا أظـن المعنّـى يشكـي مايفتـح لـه السمسـم
............. وشاشـات البـلـد كلـه علـى جــداره مخـلـيـهـا


:
:
:


قل : [ أفتح ياسمسم ] . . للصبح
وصدقني . . ماراح يفتح معك ولا باب . .

حلّو . .

 

[حاتم منصور]

أخي الغالي

نومان سحل

مرورك بحد ذاته
شرف عظيم لي يجبرني مضاعفة أسهم حبك بداخلي

شكرا ً لك كبيره من القلب لا تليق إلا بك ياغالي

محبك
حـاتـم

 

[حاتم منصور]

الغالي
بلال السمارات

صح بدنك ياخالي
وشرف عظيم لي ياغالي
مرورك وإطرائك الذي ليس لي إلا
أن أعلقه على شغاف قلبي
شكرا ً لك من القلب على مرورك الغالي

محبك
حـاتـم

 

[حاتم منصور]

الأستاذ
عبدالله العويمر
صح بدنك
وشكرا ً لك من القلب حجم ماتشاء حتى ترضى

محبك
حـاتـم