طـمـوح و تـكـالـيـف

[محمد الزويد]

السلام عليكم و رحمة الله و بركاته

شموخ همـّه و كبرياء ذات في مواجهة تكاليف الطموح




[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من تمادى في طموحه ما يهاب مْن التكاليف=له يحقق مطلبه وان شاف في وجه مصايب

ما اهاب المستحيل الصعْب لو كله عجاريف=ترتقي همة طموحي لالـْمحت بعد السحايب

الشموخ اللي احتواني معتلي روس المشاريف=عزّتي دايم رفيعه بأهلي و كل القرايب

و الحكيم ان كان صيته يعتبر عزّه و تشريف=لي مع اصحاب المروّه دور وافعالي عجايب

و لي مع الاشعار قافٍ زيّن جْزال المحاريف=و اللي انتج من خيالي ما به عْيوب و شوايب

اسهر الليل و ادوّن قاف شعري بالسواليف=وانتشي حلو المعاني لا غدى لي الليل طايب

صغت ديوان ٍ غدى دستور ما وطـّاه تحريف=اكتب الهامي فخر من غير تقليد لـْكتايب

شفت لي برواز شكـّل صورهٍ يطرب لها الكيف=و المواقف تستثير الشاعر بْوقت الصعايب

الرفيق اللي يصون الود يظهر فالمواقيف=واحدٍ لامن زهمته شدّني عند النكايب

وش كسبت مْن العواذل يوم انا زدت المعاريف=ما فزع لي غير خلٍ عن مية رجّال نايب

ومن يقول الصدق في وجه الخطا من غير تخويف=اثبت انه عند وقفات الشدد ماهوب هايب

واتضاح الحق عند اهل الشيم ما يقبل الزيف=واختلاف الراي ما يعني كلام الغير خايب

ما يسر الحال دوم و ماعلى الفايت تحاسيف =من يعيش اليوم الاسود يعرف ان الوقت شايب

شاب يصبغ شعره بْـلون الكدر من زود ما شيف=حده الشيب بْشبابه يملي ايامه شوايب

ناس عاشت عمرها من غير ماتـْشوف العجاريف=اورثت من قبلها الراحه وصار الحال طايب

واني اقضي دنيتي مرتاح والعيشه تناتيف=خير من عيشة غني مذموم من كثر النهايب

وقولة ان الناس للناس اصبحت للنفس تكليف=ما تفيدك غير نفسك يوم وقفات النوايب

و السنون اللي اكلها السوس ما تحتاج تنظيف=قلع سن ابرك من انّ السوس يعمل له خرايب

السهل دربه يسير و ما عليه أيـّة مراديف=الشرف كسب الصعب لاصار في وصله لهايب

وكسب جوله بالتحدي ما يدل ان خصمي ضْعيف=التمس عين الحذر من ردّة افعال الغلايب

الشماته وجه مفقود الحياء عند الملاهيف=من يعيب الناس مردوده عليه اردى النكايب

ما اواطن شاحذ الزلات و الناس الملاقيف=يحتري الماي العكر لجل يْـتصيد فالشوايب

و الشقي وقت المشاكل ماله حـْلول ٍ مناصيف=ما يجاريه احتدامه غير من مثله نشايب

والطمع جايز يطيخ بْصاحبه في قاع الارشيف=يصرخ بْصوت الندم في خير ولّى به ذهايب

والضجر ما يعني اني قد يئست مْن التصاريف=همتي هي والجبل ما تـْهزّها رياح و هبايب

ياما ادماني الخطا من كثر ما ذقت التحاسيف=واستفدت مْن الخطايا بأن للهفوه سبايب

ما التفت خلفي وانا عدّيت عن جور العواصيف=الطموح اكبر من اني اضعف بدفع الضرايب

ألمح احيان الفشل من بعْد لكن ماني ضْعيف=الامل بالله وحده يبعد اضرار المصايب

ما اشتكى لوعة زمانه غير من شاف العجاريف=و البخت لامن تبسّم يبري اوجاع ٍ عطايب[/poem]

 

[جُمان]

شموخ همـّه و كبرياء ذات في مواجهة تكاليف الطموح

هُو ما قدَّمتَ بِه قصيدتَك يا محمد
وكأنَّك سرقتَها من أفواهِنا
جميلة جداً وممزوجةٌ بروحِ الحِكمة

شُكراً لك

.

.

 

[جزاء البقمي]

يا سلام يا محمد !





ابدعت فيما قلت ..



والله يجيرنا من الشماته واهلها !



لك احتراماتي