جَاوَبْتِ أَنْفَاسِ العَقِيْقُ وَ اهْدَرَتْنِيْ صُوْت..!!

[منيرة بنت دحيم]

السراج وهيجنة فكري وصـوتٍ لك أخيله
_____________ والطبوع اللي ندهتني تطلبك باقـي سنينـك
يا زلال الوقت يا عطر المكـان وسلسبيله
_____________ كيف غبتم يا غلايا كيف غيّب كـل حنينـك
الخوافي لو توضح تبكي منـك ألف ليله
_____________ وألف ليله قد بكتهم مقلتينـي مـن تبينــك
إسأل أوراق الدفاتر اسأل الهمسـة الذليله
____________ كم سعيت أرجي رضاكم والرضى يا هو يدينك
آه منهـا أمنياتـي كلهـا لـي مستحيله
____________ حــظ عاثر ماجلبته وكم بغى يبقى رهينـك
المرايـا عاقبتنـي تدعـي إنـي جميله
_____________ مادرت زيني م يكمل غير بس في ناظرينـك
ماقدرت أنسى هواكم ما قدرت أرحل وأقيله
_____________ كلما جنبـت عنكــم ردنـي شـيءٍ يبينك
والعزا إني شريتك وإنـت ماجـاك القليله
___________ روحي وقلبي وبوحي والشـواهد (قدم عينـك)
حتى شوقي مع حنيني مع شعورٍ لك أهيله
_____________ وبعت كلٍ يا حياتي وهـم تراهـم بـايعينك

 

[منيرة بنت دحيم]

على الله ينتهي ذاك الزمان الممتلي بجروح ــــــــــ
على الله تنطوي صفحة من الأيام مشؤومة

 

[منيرة بنت دحيم]

اغسليني يالدموع كثرت بقلبي الخطايا
ـــــــــــ وكفني مني الذنوب وادفني إثم السوايا

 

[منيرة بنت دحيم]

مِسَاْءَ المَغْفِرَهْ و[َالرّيْحِ ]!تِعْلِنْ لِلْمِدَىْ "صَاْرِيْ"
ــــــــــــــ مِسَاْءَ الأَشْرِعَهْ /تِبْحِرْ بَلا رُبّاْنِ، يَهْدِيْهَاْ
مِسَاْءَ العَفْوِ! لا لِلسّمْحِ لا لِلْمَغْفِرَهْ - طَاْرِيْ
ــــــــ مِسَاْءٍ وِ العَتَبْ ..مُتْعَبْ مِنَ [الوِجْهَهْ !]وَرَاعِيْهَاْ.
مِسَاْءَ -الحِبِّ شَيّعْتَهْ بِقَلْبٍ ،مُجْهَدٍ عَاْرِيْ
ـــــــــــ مِسَاْءَ الطّعْنَه .بْظَهْرِيْ بَعَدْ ..طَعْنَهْ أَدَارِيْهَاْ
مِسَاْءَ[ الغَدْرِ!] ذَاْ مُعْلَنْ وْدَمْعَهْ ،نَاْمَت بْدَاْرِيْ
ــــــــــــ أَلَمْ !صَرْخَاْتِ مِكْبُوْتَهْ و،َلا بَهْ كُوْنِ يَكْفِيْهَاْ

 

[منيرة بنت دحيم]

الصباح الغر نادى للسكون
ـــــــــ والسكون المر مقهورٍ جريح

 

[منيرة بنت دحيم]

غلابة ويبتدي فينا قهر ويا سنينٍ عوج
ــــــــــــــــــــــــــــــــــــــــــــــــــ ـــــــــــــــــــــــــ مساكين الزمان ولقمة الباغي ومحرابة
يأذن فيهم الخايب ويرفع بالآذان علوج
ــــــــــــــــــــــــــــــــــــــــــــــــــ ـــــــــــــــــــ تبايع أمعة صـــــــــــــــــــرنا ننفذ خطة كلابة
تكشر نابها بسمٍ صريح وبالشهد ممزوج
ـــــــــــــــــــــــــــــــــــــــــــ ومصيبة كلنا يدري ويقول المولى أولى به
كذا أطياف نتلاطم بلا راسي يرد الموج
ــــــــــــــ وشوفوا السخرية ياقوم نحضن الموج ونزهى به
لحجر الضب نتبعهم فوجٍ يلحقة كم فوج
ــــــــــــــــــــــــــــــــــــــــــــــــــ ــــــــــ قليل اللي نجا منا وإلا الباقي يتشابه
نبي صحوة تغيرنا نبي فيها نشيد بروج
ـــــــــــــــــــــــــــــــــــــــــــــ نبي بالعلم نتسابق نعيد الحق لأصحابه

 

[منيرة بنت دحيم]

تخيل

تخيل بس معي لحظة

تخيل بس هاللقطة

تخيل شخصك المترف

وصانع بسمتك وأكبر

ومالي دينيتك حب وغرام

وكذلك

فارس الأحلام بل أكثر

حبيبك في البشر غالي

عذب الصحبة بل كوثر

تخيل قال لك عذراً

أحبك بس ما أقدر

سحايب عطفك المعلن

وغيمة عشقك الوراف

يروي كل سهول الأرض

بس عذراً انا ما اقدر.

انا ما أقدر أكون الغيث

وآسف هذا لا يمكن

نعم حبيت

نعم غنيت

نعم عشنا الخيال الكامل الأوفر

نعم ذبنا عشق

وكان بداخلي أجمل

جميلة يابعد روحي

جميلة إنتي بالمجمل

ولكن

بس

عذراً منك

انا

والله

ما أقدر

 

[منيرة بنت دحيم]

حتى يهدأ هذا الصخب
سنستطيع التقاط الأنفاس