ثـلاثـيـنـي من الأعـراب !!!

[عبدالرحمن السمين]

*...

\

....لا يملك المرء الخيار في أتخاذ قرارٍ مصيريْ فكل ما في الأمر أن الأنسان رهن الزمان والمكان لا رهن الحلم والأمال , فقاتل الله حلماً لا يصدقُ يوماً وأملاً يكون داءاً نمارسه نحن لا هو من يمارسنا ,

.
.







[poem=font="Simplified Arabic,5,seagreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
للعمر لذه , وأبشع العمر لا فـات=في فرغـةٍ مامـن وراهـا مثوبـه
أعمار هدم صروح واعمار رايـات=ووجيه باحة صدق , وأنفسْ كذوبه
وابيوت ساحة طهر , وابيوت حانات=لأبشع صور للـي تصاغـر ذنوبـه
وأبلاد مأوى قوت , وأبلاد إقامات=وقصرٍ مضيف وقصر ماني بصوبه
وأحلام شذرة فكر , وأحلام غايات=وأحداث دفعة سو ْ , وأحداث توبه
وربعٍ مآثر عز , وربـعٍ عصابـات=وقلبٍ ملاذ, وقلبٍ آخرشبوبه
وصبرٍ نتيجة عجز , وآخـر كرامات=وحبٍ فراغ , وحبٍ آخر آعجوبـه
وثوبٍ يليق ولو بخمسـة ريـالات=وجسم ٍ لبس له ثوب ماهوب ثوبـه
وديـنٍ مسـار لجنـة ٍ بالسمـوات=ودينٍ على راعيـه شـر وعقوبـه
وناس ٍ وساويسٍ ونـاسٍ قناعـات=وجوٍ عليل , وجو ما اقسى هبوبـه
وحرفٍ يكفْي عن مئات الكتابـات=وكتاب ربي خير لـو هـم قروبـه
يا كثر ما نبني ونهدم علاقات = بنية مشاعر ماهو ببنّي طوبه
لكن على الله يا أختلاط الحضـارات=قلبي على هونـه ويـا دوب دوبـه
ما عاد ينطـق غيـر يالله سلامـات=اشواك بقعـاء كاسيـاتٍ دروبـه
هذي ثلاثيني بوجهي علامات=مثل اليتيم اللي بكى اطهر عيوبه
عيبه يتيم ولا لقى شي يقتات=ألا شماتة عالمٍ ما دروبه
صدري شكى من زحمة ألااام وأهآآآت = وقلبي غفر للي بغدره نووبه
وعيني ملاذ لدمعةٍ كل ما جات = ما كنها الا ضيف يلزم وجوبه
آآحـّاااه من كبتي وخوف النهايات = الصبر يذبح والتكتْم يشوبه
أحلامنا راحت مع آجروحنا أشتات = والوقت يسرقنا وتدحم جنوبه
وش عاد لو عشنا بضل الطموحـات=من قال ابي يا وقت يبست جيوبـه[/poem]

.
.

وسلامتكم .

.

 

[سعـد السعـيـدي]

\
يا الله ياعبدالرحمن..؛

مُتعِبْ ................وجِداً .




تقديري لهذا المُتصفح .. وصاحبة..؛



كُن .. بخير

 

[حنان العصيمي]

يالله ..
هذا ثلاثيني ، بخبرة تسعيني يا عبدالرحمن ..
إلى السماء السابعة أقول ..
الله الله الله
لا مجال حتى للإقتباس ..
أبدعت ورب الكون ..
صح بوحك ..

 

[بَسمَة آلْ جَابر]

.’,. عبدالرحمن السمين .’,.

أبجدية عَزيزة شامِخة !
تملاً شقوقْ الصمتْ ..
وتجعلنْي أضع يدي على خاصِرة ألوانْي وأخربشها بِ صورة
علها تطيب لك ولِـ شعرك

[ أضغط هٌنـا ]


ود معتق .ـ،

،،

 

[جُمان]

رَغم جفاف الأمنية وتمرُّد الخيبة وفداحَة الشَّجن في هذا الشِّعر إلا أنَّك كنت مُعشباً جداً ياعبدالرحمن
وأخضَرُك يشهَدُ على ذلِك

جميلة والله

,

 

[وادرين]

عبدالرحمن السمين

هـذي ثلاثينـي بوجهـي علامـات

..............مثل اليتيم اللي بكـى اطهـر عيوبـه

عيبه يتيـم ولا لقـى شـي يقتـات

....................ألا شماتـة عـالـمٍ مــا دروبــه

صدري شكى من زحمة ألااام وأهآآآت

......................وقلبـي غفـر للـي بغـدره نووبـه

وعيني ملاذ لدمعـةٍ كـل مـا جـات

.......................ما كنهـا الا ضيـف يلـزم وجوبـه

ياسيد الكلمه وسيد الحرف
تتغلغل الي اعماق الروح لتعزف بوحٍ وشجن
لم تكن مجرد حروف
بل عزف موسيقي حزين
تسلسل الي قلوبناواستقرت بها

الصمت ابلغ في حضرت الجمال

دمت بود

عمق الألم ....wadren

 

[ماجد العيد]

باسق يا عبدالرحمن و تطأ الغيم حين تكتب ..
جميل هذا الشعر إذ يُحيي الشعور و التفكير ..
لـ يُآخي بينهما لسموّ قارئ ..
شكراً يا فذّ ،

 

[حاتم منصور]

آآآآآآآه .. والله إحساسي بهذا النص
كبيييييييييييييييييييير جدا ً وخالقي كبير
ورب محمد لا أجد ما أقول ..
سوى أنني أقرأ نفسي بأبياتك
وتتكلم عن ذاتي
يااللـــــــــــه
مليء هذا النص بالصور الرائعه
سأعود لم أكتفي بعد
لله أنت خنقتني بعبرتي بهذا النص

محبك