ذابلن والا عل وردك ندا ،،، ؟

[حسين الحوّاس الجباري]

كل عام وانتم ابخير

[poem=font=",4,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يستريح الجسم لا مسه تعب=والمشاعر تتعب ولاله جدا
والسؤال اللي بـ / حنجرتي نشب=ذابلن والا على وردك ندا ؟
والله اني فاقدك بين العرب=وخايفن ننهي محبتنا عدا
خابرك ما تبخل بـ / كلمة عتب=تنتفض لا شفت بـ / احساسي ردا
تستضيق وتقلب الدنيا غضب=واترجاك اتّفهم واتهدا
كانهم عذالنا ساؤ لـ / ادب=كلهم لـ / لعيونك الخجلا فدا
كاني ازعلتك يبو رمش وهدب=حقي اسئل وش حصل مني اشبدا
والله ان الشوق لاعبي لعب=وانت ما ترحم ولا اتلبي ندا
مستع اكتب لك اللي مـ / انكتب=واجعل من الناس لك صوت وصدا
بس تعال وعطني لـ / اغيابك سبب=وابتعد عن دنيتي لاخر مدا
في غيابك صرت اسولف للـ / الحطب=واكتب اهجيني وانا قصدي حدا
ابتدا كل شي حسيته نظب=وانتهى كل شي حسيته بدا
يا كثر ماخط شاعرك وشطب=حسبي الله كانها ضاعت سدا
كنت خابر قلب الماس وذهب=ليه صابه يا بعد روحي صدا !
[/poem]

 

[بتال المنصور]

جميل ٌ هذا النغم ..
وباهي أيضا ً هذا التسلسل ..
بقافيته ..
ومشاعره ..
وترنيمته الرقيقة / الرقراقه



هناك بعض النقص بالقصيدة كـ أخطاء أحدثها السهو .. وهي بسيطه جدا ً لأي ذائقه تستنطق الشعر
مثل : ( مستعد أكتب لك .... الخ )
و .. ( كنت خابر قلبك ألماس وذهب .... الخ )

ولكن مايجدر الإشارة له هي كلمة ( نظب ) حيث أن اللفظ الصحيح هو .. ( نضب )



صح قلبك .. ياحسين ..
وكل عام وأنت وحرفك .. بصحة وسلامة

دمت بخير ,,






بتّال ,,

 

[أنثى جموح]

الله !

الله عليك يا حسين
صح الله لسااانك
قلبك الألماس والذهب والله
يا جعله يدوووم يا رب
ولا يطوله صدا

لا عدمناك يالفحل !