الخاتم اللي ضاع من داخله فص

[علي ابن نهايه]

[poem=font="simplified arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الخاتم اللي ضاع من داخله (فص) = مثل القليص آليا غدى من قليصه
الله يزود اللي بـــه العقل. ينقص = الكامل الله والخلايق نقيصه
صفّيت صفْ مصفصفاتٍ تلخّص = ما ظنّتي صفّيتها وقت هيصه
الا من صدوف الدهر يومها تخص = رجلٍ عيونه بالمواجع نفيصه
لا هو من اللي في عذابه تمخلص = و لا هو من اللي سالم ٍ القريصه
جعل الضلوع اللي لها سنين تقتص = ترفق على قلب ٍ شعوره حريصه
من شاعر ٍ وصّى بالاشواق ما نص = وصّى. وصاته بالمشاعر خصيصه
الله على ما صاب منصاب مخلص = يصبر. على ما صاب همٍ بخيصه
أنا وقلبي والأحاسيس با النص = الشعر يبقى ولد عمه خليصه
جعل الردي يفداك واللاش واللص = يا من زبنته بالليالي العويصه
الشعر لبّى خافقي منك واختص = قلب ٍ عجز يلقى مناصه محيصه
ماله نفوذ آليا شرب هم. ثم غص = الله يهوًّن ما يمّر الفريصه
ما دام ثوب الهم ملبوس من قص = كل ٍ على قدّه. يفصّل قميصه[/poem]

 

[عون القحطاني]

صح لسانك ياعلي
نص جزل . وقافيتك الصاديه زادت من جماله

شكراً ياكريم على هذا الحضور المميز

ودي وتقديري

 

[عبدالله العويمر]

قافيه جميلة ومن شاعِر جميل

صح لسانك

محبتي