( مابه حفظ ) زماننا ضيعة حقوق !

[فهد النويحل]

للشعر أيضاً أغراضٌ أخرى صادقه..

شان الكرامه ماعتلا بالتجنّي

ــــــــــــــــــــــــــــــ بيت الردى يبنى على أصل راعيه

ترى المعالي ماتجي بالتمني

ــــــــــــــــــــــــــــــ لاصرت فاقد جوهرك كيف تعطيه !

:

:



وبالقرب :

:

:


خطّـيت حبري للـتماثيل موثـوق

........................ وصدّرت قافي من نقاطٍ كتبْها


لاصرت بالله راعيٍ حق مخلوق

........................ وش لك على ود النقايص وجبها


اللي بهم عرق الرزاله له عروق

....................... يشدّهم خــــيط الـــــهزيل لنسبْها


أهل الكبر نسّـابته مصدر الذوق

........................ أهل النفاق وحسْبهم من حسَبها


( مابه حفظ ) زماننا ضيعة حقوق

........................ قــلّـب موازين الحــقوق ونــكبْها


اللي ندا اسمه بادي الأمر لقلوق

........................ سام الشيوخ بسوق لوق وجـلبها


واللي على اثْره حطو القدرمطبوق

......................... تدرّ له نوق الامـير يحــلبها !


وحنّا غرقنا والنّجا فاقد الطوق

....................... خرقا سفينه والفتن شبّت ابْــها


تزايدت فينا الملامه على عوق

...................... زادت من أنواع النقايض حطبها


ياوجد حالي وجد من مابه حروق

....................... وجد اللذي ضــيّع حلاله عقبها


بغروبها كم نحتري حزّت شروق

...................... ونرجي من اذناب الوسيله شـنبها


الزمره اللي قادها كامل العوق

....................... مثل (.....) يفتل عليهم ذنبها


أكبر دليل إنه على جمعة النوق

....................... مافيه وحده من صفاتك قــظــبها


يابن اللذي حط المبادي له فروق

....................... انت اللذي كل المراجل نـــــدبها


روّق ترى ستر المواجيب مفتوق

........................ حق الصداقه ضيعه من سلبها


لو المزاين للرجاجيل مرموق

........................ عزّ الله إني لاشتري من قربها


هذا اليمين ومدته ترمق حلوق

.......................... وتردّ من يدّه قــديــمٍ عـظبها


أهل العقول الراشده مرقبه فوق

......................... وأهل الجسوم مسنّده في خَشبها


أشري فهيمٍ باللقا حسن منطوق

......................... واشري مروّه كاسبه من كسبها


مير الزمن هذا تواصيفه عقوق

......................... كل الصفات اللي تبيه يعـقبها !



:



:


:


لكم

حقوق الحب محفوظه

 

[شقران الزيادي]

بغروبها كم نحتري حزّت شروق

...................... ونرجي من اذناب الوسيله شـنبها

مراحب كبار يا فهد
غاضب وباذخ وموج متلاطم هكذا ارى نصك
تفرع الجمال في كل اسقاطة مغلفة بوعي


رائع هذا النص


شقران

 

[عبدالإله المالك]

فهد النويحل

شعر من الطراز الرفيع ورائعة من روائع شعر الشعبي

 

[تفاصيل منسيه]

فهد النويحل
و
أبيات جميله راقت لي
فـ صح لسانك ملآيين يالشاعر
تقبل مروري
دمت بود

 

[فهد النويحل]

والجزيل من الشكر .. الواجب
على حضورك النور ياشقران
ولن اخفي الكثير من الرضا والمحبة عند رؤية نثرك يمسي او يصبح المشاركات ويعلق
بالغ السعادة لك هنا والكثير من الشكر وجب

تحياتي

 

[خالد بن منشار]

فهد

صباح الشعر والمعنى

قصيده تقول انا في كفّه وباقي القصايد ماترجح بي

بعض القصائد تملا العين وهذي القصيده ملتها وفاضت

صح لسانك

ونعم ونعم ونعم

لاهنت

دمت بخير

 

[منتهى القريش]

هذا النص فيه الكثير الكثير .. من الحكمة وبيان لـ حال أُمة
غرقت في بحر الضياع ..
فهل من خلاص؟ الله أعلم ..

شكراً لفكرك النقي يا فهد ..

ود وورد ..

 

[فهد النويحل]

ولي رفعة ..في حضورك المطرز بالجمال..

شكراً عبدالاله