قصر قرناطة الاندلسي

[عقيل المنيس]

(

من وحي قصر غرناطه الأندلسي)

[POEM="font="Simplified Arabic,5,royalblue,bold,normal" bkcolor="transparent" bkimage="./images/backgrounds/8.gif" border="solid,4,gray" type=1 line=0 align=center use=ex num="0,black""]تحيةٍ منها يفوح العطر= مليانةٍ ورد وشذى زعفران
لابو جمال الشمري وإعتذر= كان التحّيه ناقصه ديدحان
لك يا رفيقي بالضماير قدر = ما هو جديدٍ مير وقته زمان
والله لو تفتش علوم الصدر = ألاّ تشوف الطيّبات السمان
كتبت لين إني قضبت الشعر = بيدي وقلت إظهرعليك الآمان
وآخذت منه أعوام خمس وعشر = وشعاد ينفع لو يزيدن ثمان
لا قرّْب أحباب الضلوع السمر = ولاحركت ريحه غصن خيزران
يا ما حرثت الأرض لين الفجر = يحرث عيوني ثم فيها إستكان
يوم أتلفت لليالي تمر = صلفه وترجد مثل رجدالحصان
قفرا وعيت لا تجيب المطر= وأنا بعد عييّت أهد العنان تلوي
وأنا الويها وضاع المفر = ضاعت مروّتها وقل الحنان
وغصبن على كل السنين القشر = أشيل نفسي من مكان لمكان
أدوَّر الغِياب ... لو بالخبر= وفراقهم سوّا سوات الزمان
يا مل قلبٍ في حشاه إنكسر= ثم إنجبر ثم إنكسر كسر زان
ما تقل له وسط الحشا مستقر= هذا وراعيّه وسيع البطان
صبرت لكن وش يفيد الصبر = مادام لا شمعه ولا شمعدان
من يوم ما هدّوا علينا القصر = الشَّامخ اللي ما بنوه بطمان
اللي ظلاله أطول من النظر= لا شك ما باقي (مشاهد) عيان [/POEM]

الاستاذ فهد دوحان

ردعلى قصيده الاستاذ العزيز/ فهد دوحان
[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/8.gif" border="double,4,gray" type=1 line=0 align=center use=ex num="0,black""]هلا بخطٍ زاد فخري فخر= ترحيبةالصايم بعيد رمضان
من شاعرٍ للشعرمثل البدر = يوضي من الجهراءلشرقي عُمان
وشمال تل ابيض و ديرة بكر = وتغْريب من حايل لديرة معان
ويبقى فهد للشعر ضابط خفر = ما هو من اللي تشري الروبيان
وأحسن كلام الآدمي ما ندر = لكن تركّد وإسمع آخربيان
إن الشواعير أربع إمية نفر = واللّي عجبني منّهم شاعران
حديهم أنت ورب كل البشر = والثاني الّلي ياختفى البعض بان
وبالوقت الاول شعرقيس وعمر = إبن معدّي كرب راع العنان
تبغى الحقيقة ودَّنا نختصر= قبل الصباح وقبل سمع الآذان
ما بين دوحتنا ودوحة قطر= كالفرق بين الصاج والصولجان
والوقت عابر والليالي عِبر = الله يعينك والله المُستعان
وقريت قصّة ست حسِن وبشر= فنوا وما باقي على الآرض فان
الاَّ الأمل موجود حتى الحشر= واللّي سواتك شمري مايهان
والنّاس تنفذ من خروت الإبر = والأ أنت بين الأحمدي والعدان
تتبع بعيرٍ ما بجلده وبر= لوإن له بطن وظهر سبرمان
قصرالاخيضرغيرقصرالحضر = كل العرب تعرف حصاة قحطان
والله كريم ودرب سكة سفر= يجمع هل المومي واهل بوبيان
وبالختم عزالله ولاة ا لأمر= أخوان نوره ، والشيوخ ببيان [/POEM]

عقيل سعود المنيس الشمري ابو جمال

 

[سطام الصعب]

الله ياشايبنا

شكثر اشتقت لك ولحرفك
ولا احد نقطة نهاية هالجمله

صح لسانك واعتلا شانك
وصح لسان الشاعر فهد دوحان

ونطلبك بالمزيد والمزيد يابوجمال

 

[الضمادي]

اسـتاذي
ابو جمال
تحيه طيبه


تحـيه طــيبـه


إليك عـطـر الروح والريحان والمسك والعـنبر والعـود

أهــــلاً وســهــلاً
أهــــلاً وســهــلاً
أهــــلاً وســهــلاً


عــدد رمـال النـفـود اهــلاً
عـدد هبايب الشمال اهــلاً
مرحـبـاً وأهـــلاً وســهــلاً


القاعـده تـقــول :
(( الطـيـب لايـحـمل لا طــيـب ))

اشـكرك جـزيل الشكر عـلى طرحك الكريم
صح لسانك ولسان الشاعر الاستاذ فهـد دوحان
فـل يـسلم بنانك وبنانه .. كـماعـهـدتك أسـتاذي
ســجل اعـجابي بطـرحك الكـريم .. دون الردمني

بارك الله فيك ... وبارك الله


مع فائق المحبه
الضمادي

 

[بنت وايل]

اخي جمال


تمادى حرفك بالجمال


صح ابداعك الصوت والصدى



خالص التقدير


بنت وايل

 

[طلال العنزي]

الأستاد أبو جمال المنيس

صح لسآنكـ يالغالي

ودام تواصلك

 

[أحلام الغامدي]

ابو جمال


بدع ورد راقي

صح لسانك على هاتان القصيدتان

ريناد

 

[نواف التركي]

والله لو تفتش علـوم الصـدر
ألاّ تشوف الطيّبـات السمـان

أبو جمال

الشاعر المخضرم

والأستاذ القدير

سعدت بهذه المصافحه

صح لسانك

ولاهنت

 

[عقيل المنيس]

هلا وغلا ومية مرحبا باخي العزيز سطام الصعب
اولا شكرا على الاطراء وتشتاق لك العافيه وصح بدنك
ووفقنا الله لما ينال اعجابك واعجاب جميع رواد هذا المنتدى
ولن نبخل بما نستطيع لكي نساهم معكم على ارتقاء هذا المنتدى ان شاء الله
وفق الله الجميع / ابو جمال المنيس