خذ النصيحه من رفيق ٍ يعزك

[عبدالله الدخين]

السلام عليكم ورحمة الله وبركاته

متواضعه للتواصل ..

قصيده موجهه للاخ العزيز / مصلح سالم شطي الدهمشي العنزي

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
خذ النصيحة من رفيق(ن) يعزك = لا تتكل بالنـاس / والله موجـود
كان الزمن من جور الأيام هزك = قـل الله أكبر رحمته ما لها حدود
لا تذكر الحظ الردي .. يستفزك = ولا تتبع اللي يندب الحظ مقرود
لز الصبر كل مانوى الوقت لزك =لا ضاقت الدنيا قل سهود ومهود
اضحك لو ان كل الخناجر تغـزك = وقل الجبل/صبره مؤرثه لـ ..نود
واثبت ثبات النخل عن لا يكزك = اللي يدور من ورى طيحتك فـود
قالو العرب لاتهمل آنسـان عزك = بيت المعزه بابه عيـونك الـسـود
خير الله ابقى (واتجهـله) لا وزك = آبليس والا عياله في كل منقـود
والضيقه اللي في خفــوقك تمزك = لا بد تبذل للـفــرح كــل مجهـود
وأن خانت الدنيا / تجْوّد ملزك = لك الله حقّـــك تاخـــذه منهــم زود
يا موكل الله لو زمــانك يهزك = كبر البلاوي تنجـلي بدعوة سجــود[/poem]

تحياتي للجميع .. عبدالله العنزي

 

[شقران الزيادي]

اشهد بالله انك تعزه دام هذي نصيحتك
قصيدة تحمل نبل الشعر والشاعر

سلامي عليك يا عبدالله
طال غيابك لكن حضورك اثلج صدورنا


مليون شكر وماتكفيك
اعطر التحايا

 

[خلف المهيلان]

الغالي عبدالله الدخين تاتي مايغفرذنب غيابك مبدع ايه النقي شكراًلهذا الطهرالي يكنك
زميل عزيز وغالي كن بخير ود و

 

[عبدالإله المالك]

الشاعر / عبدالله

يستحق مصلح مثل هذه القصيدة
من أجمل ما قيل في النصح والأخوانيات

 

[فاتن حسين]

عبدالله
,
,
انبعث حرفك لـِ يسقي أرواحنا لغة صدق..
طاب بوحك..!

 

[عبدالله الدخين]

صح الله بدنك ولاهنت واكيد اني اعزه دامه اخو دنيا

 

[نهار بن ممدوح]

اضحك لو ان كل الخناجر تغزك
وقل الجبل/صبره مؤرثه لـ..نود
واثبت ثبات النخل عن لا يكزك
اللي يدور من ورى طيحتك فود

ابن العم/عبدالله الدخين

صح لسانك

على هذه النصيحه الوافيه التي
تحمل الكثير من الشعر والنبُل

من شاعر مايجيب الا الجزله

لاهنت

 

[عبدالله الدخين]

المشاركة الأصلية كتبت بواسطة شقران الزيادي

اشهد بالله انك تعزه دام هذي نصيحتك
قصيدة تحمل نبل الشعر والشاعر

سلامي عليك يا عبدالله
طال غيابك لكن حضورك اثلج صدورنا


مليون شكر وماتكفيك
اعطر التحايا

الاخ العزيز شقران

اشكرك على مرورك واطراك

وثوب الغياب .. لا أحد ينكر لباسه


تحياتي