غريب الدار !

[فهد الماجدي]

للتواصل من الادراج مع التحيّة والتقدير

,,



غريب الدار لاتحـزن ..اذا جـارت عليـك الـدار,,
ولوّ ان تجتمع من.. كل صوب احزاب مجموعـه !




لك الله .. ياغريـب الـدار ..لاتهتـم ولاتحتـار .
لحالك تكتفي .. عن جملـة الاحـزاب وجموعـه,




وحيد وسامر ٍ ويا القلم ..واكتـب مـن الاشعـار,
واجيب ابيات من فكر (المعنّـى) فـارد بنوعـه:




نعم شاعر . وانا ساهر.وانا ماهر..بـدون غبـار!
وانا للبحر ربانـه .. وانـا قافـه .. وموضوعـه.




رعا الله ماضـي ٍ قبـل الادب ماهاجـر الشعّـار..
ولو ان تنكّسر .. واجد.. بها الضمـات مرفوعـه:




ادب نقد وثقافه واسعـه .. يضـوي بليلـه نـار ,
فريد بْحسنه / وخلقه / ومنطوقـه / ومسموعـه .




وهالحين ..اسر ياساري ..كما الساري بدون انوار.!
مفارقّة الادب .. واخلاقهـم.. بالحيـل منزوعـه..




تعلمنا المكارم ..والادب .. غصب ٍ عـن الاشـرار:
وهي واجب علينا من ولـي العـرش مشروعـه ,

.
.


ترّبع (يالمعنّى) فوق هامـات السحـب لـك دار.
كثير ٍ ماحد ٍ ..حولك .. ولو انه لحـس كوعـه..!!




,,

1.:المقصود : وانا للبحـر ربانـه بحر القصيده وعنوانها

 

[وردة نجد]

تعلمنا المكارم ..والادب .. غصب ٍ عـن الاشـرار:
وهي واجب علينا من ولـي العـرش مشروعـه ,

ترّبع (يالمعنّى) فوق هامـات السحـب لـك دار.
كثير ٍ ماحد ٍ ..حولك .. ولو انه لحـس كوعـه..!!

أن بالعلم المشروع ترقى به
الهامات شم السحاب ينفرد عليها
بحسب قدر علمه وأخلاقه ومكارمه .

شاعرنا .. فهد الماجدي ...
وأنت ربان البحر وقافه وموضوعه
بشهادة أبياتك وبما حوت من بلاغه أدبيه
شعريه رائعه .

تقبل مروري ومصافحتي الأولى ..
لهذه الباذخه .

 

[فهد الماجدي]

اعتز وافخر بكلامك يالغاليه وردة نجد ولاقطع الله جنسك ياورد

لاعدمناك والله

التحيه والتقدير
,

 

[علي الحسني]

أرحب يافهد

قديمك جديد

وهنا رسالة نبيلة تحث على مكارم الأخلاق وعدم تجاوز أطر الأدب في القول والفعل

شكراً فهد

دمت بألق

 

[فهد الماجدي]

البقا يالغالي ابو عبدالله
لاعدمناك على الكلام الطيب والمرور الطيب يالطيب الغالي


التحيه والاحترام
,

 

[شقران الزيادي]

ترّبع (يالمعنّى) فوق هامـات السحـب لـك دار.
كثير ٍ ماحد ٍ ..حولك .. ولو انه لحـس كوعـه..!!

فهد الماجدي / نعم انت كثير وشاعريتك اكثير بكثير مما تتصور انت تحديداً
جميل حجم ثقتك بشاعريتك لكن الاجمل انك تراها من زاويتك الخاصة فقط
تعال شوفك بعيونا يا فهد
شوف حجم احترامنا لسمو اخلاقك / شعرك /نبضك
انا على يقين أنك ستبتسم وتحمد الله على ما وصلت له
فهد من احبه الله احبه عبادة
احبك في الله

 

[فهد الماجدي]

احبك الله الذي احببتني من اجله يالغالي شقران ويعلم الله اني احبك فالله
والله اني افخر بكلامك واعتز يالغالي شقران

لاغيّب الله وجهكم عني ابداً

تحيّة معتقه بالاحترام والتقدير
,

 

[سعد الجميلي]

تعلمنا المكارم ..والادب .. غصب ٍ عـن الاشـرار:
وهي واجب علينا من ولـي العـرش مشروعـه ,




رائع يافهد شعرا ومعنى


سمو رقي حرف لغة فاردة واديبة


تحيتي لك وصح لسانك