الأشواق فضاحة

[عبدالله العتيبي]

كل عام وانتم بخير ,,

لإرواحكم النقية أهدي هذه المتواضعة لعلها تنال الإستحسان

أطيب المنى

[poem=font=",6,crimson,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
ميلاد عمر الأماني صوت مبحوحه=تأثرت نسمة (الشرقي) من الباحة)
لقيتها في جبين الشوق مطروحه=ترقص طرب (والليال البيض) ذباحة
وترسم تباريح وجدي في بعض لوحه=ضاعت ملامح بعضها في تلّواحة
موج البحر يوم يزعل ويش مصلوحه=مايزعل الموج دام النفس مرتاحة
مير الهوى كان (غربي) زوّد جروحه=فضح تجاعيد خد البحر وأشباحة
تمتمت بعض الكلام وقال وش نوحه؟=قلبك خضر وانت عمرك حول مرواحة
قلت العفو يا غصين البان وسموحه=ضاعت طيور البحر عن سكة الواحة
وضعنا وصارت مشاعر فيك مفضوحه=كتمتها لكن الأشواق فضاحة
في طلتك يضحك الجوري على روحه=ويسيح ظل السنابل قبل مسواحة
وتطير كل البلابل والوطن دوحه=تنسى وطنها (بصوتك) تسكن ارياحة
والله وربٍ خلق حسنك ومملوحه=ماذقت طعم الحياة ولذة الراحة
إلا بعد ماعرفتك قلبي افروحه=صارت تصادم بشرياني من افراحة
روّح زمان الألم والهم وجروحه=وتسابقت رغبة الأحلام سباحة
ماودي اقول اكثر وافضح وضوحه=ولا ودي اشرح تفاصيلي على الساحة
تعرف حبيبي غلاكم طالت صروحه=والطيب لو طال حرقة زادت ارياحة
انت الأصل وانت عمر الحب ياروحه=انت الأمل وانت كل الود يا جراحة
فيك الجمال يحكي عن سرمدي بوحه=يارائعة في مجال الصدق ومزاحة
ضميني اليوم يمكن تبطي الروحه=انا هواوي وانتِ بنت لماحة
[/poem]

 

[ميــرال]

وكل عام وانت بخير وشعر
مبدع ومتلف الحضور
قصيده تفوح بالورد والحب

كل التقدير ياعبدالله
يسعد مساك

 

[عبدالإله المالك]

ولا أجمل ولا أروع من الخاتمة ..
زانتها تماهي الأبيات في جميع مكونات القصيدة ..

تقبل ودي يا عبدالله وتقديري

 

[نادية المرزوقي]

عبدالله العتيبي

و قصيدة تحمل من الجمال ما تحمل و تنوء بثقلها السطور


،

دمت بسرور


تقبل امتناني