سوالف همس الحزن الإمتحانية !ّ

[عائشه المعمري]

يا هلا والله بأهل أبعاد ..

تو ما نورت الصفحة بدخولكم ..


شخباركم .. شعلومكم .. والله لكم وحشه ..

:000:

وتدرون الفتره الماضيه كلها امتحانات ..
عاد انا انشغلت شوي .. << شوي ،، ما أظن :009:
وعملت اضراب عن دخول النت .. أونه مسويه نفسي دافورة
:0292:


عاد انا اليوم قلت بسولف لكم عن المواقف الامتحانيه العجيبة اللي صارت لي هـالفصل ..


راح ابدء بالعجيب الأعجب ..
مادة اللغة العربية ..


اه يالعربي .. هذي الماده كل شي فيها حلو ،، الا شي واحد
.. لا لا .. شيئين ..
حفظ القصائد وشي ثاني بقوله لكم بعدين ... :014:
الله يسلمكم انا وحفظ القصائد مثل الجني والثوم ..
اذا حفظت بيت أنسى اللي قبله ..
عاد والقصايد اللي يحطونها لنا .. ما عندهم غير إمروء القيس وطرفة بن العبد .. وعمر بن أبي ربيعه ..
اممم و واحد بعد ما أذكر اسمه .:013: . اوف >>> مداني أنسى :007:
والله لو محطين لنا قصايد شعبية مثل قصايد فهد المساعد ، ولا حامد زيد ..
كان طلعنا الأوئل ..بس الله يهديهم .. <<< الظاهر اني بقدم طلب ،، يغيرون القصايد .. :0172:

المهم // تدرون اشلون حليت المشكله .. ..
قلت يا همس ما لج غير تظبطين كل قصيده على لحن ..
عاد شي من القصايد جاهلية أي لحن ينفع معها
:0062:
أوف
وأخيرا ضبط اللحن .. اسمينها طلعت ألحان عجيبة ..
ما يقدرون عليها لا الياس الرحباني ولا عبد الرب إدريس .. :0112:
المهم ،، لحنا وحفظنا ..



تدون اش نهاية كل هذا التعب ،،


ما جابوا لنا ولا بيت من اللي حفظته ..




!
!
:043:

/

اما الشي الثاني اللي ما يعجبني فـ العربي .. التفعيلات والبحور ..
شو هذا بعد فعولن ومفاعيلن
المهم مشيت عمري بالمذاكره .. وذاكرتهم بالزور ..

يوم الامتحان //
الساعة : 8 صباحا
دخلت قاعة الامتحان
وأنا راسي ما فيه غير
فعولن مفاعلين فعول مفاعيلن فعولن مفاعيلن فعولن مفاعيلن = البحر الطويل ..
...............................................= البحر البسيط
................................................= مجزء البسيط
................................................= مخلع البسيط
ب – ب- - - ................
والله اللي يشوفني ،، كان قال / الخليل بن أحمد في زمانه ..:009:

أوراق الأسئلة تتوزع ..

وأخيرا وصلت الورقة ..
أول شي
فتحت الورقة من وراء من اليسار .. ( قصتي واليسار )
تطمنت على سؤال العروض اللي دايما يكون أخر شي .. يحليله ..
رصيت قدامه كل القاعده المكتوبه في الكتاب ..
:p
عاد بذكائي قلت بحل كأن القاعده قدامي
وبعد كل هذا التعب ..
أعتقد إني اخترعت بحر جديد ... لما كنت أقطع البيت عروضي
:0062:
والحمد لله مر هالامتحان على خير ...



انتظروا سوالف امتحان الرياضيات .


صارت أشياء فظيعه ..

كونو ا هنا

 

[شهيق ورده]

المشاركة الأصلية كتبت بواسطة همس الحزن

يا هلا والله بأهل أبعاد ..

تو ما نورت الصفحة بدخولكم ..


شخباركم .. شعلومكم .. والله لكم وحشه ..

:000:



عاد انا اليوم قلت بسولف لكم عن المواقف الامتحانيه العجيبة اللي صارت لي هـالفصل ..


راح ابدء بالعجيب الأعجب ..
مادة اللغة العربية ..


اه يالعربي .. هذي الماده كل شي فيها حلو ،، الا شي واحد
.. لا لا .. شيئين ..
حفظ القصائد وشي ثاني بقوله لكم بعدين ... :014:
الله يسلمكم انا وحفظ القصائد مثل الجني والثوم ..



تدون اش نهاية كل هذا التعب ،،


ما جابوا لنا ولا بيت من اللي حفظته ..




!
!
:043:





انتظروا سوالف امتحان الرياضيات .


صارت أشياء فظيعه ..

كونو ا هنا

مرا11حب فيك من جديد همس

احنا بخير ما نسأل إلا عن الطيبين مثلك وشرواك غلاتي..

يااه يعني انتوا خلصتوا الفاينل واحنا تو نبدا ؟!!<<دووم متأخرين حبكت ع الدراسه

أما قضية انهم ما جابوا ولا بيت أح أحسها قوية لو صايرة لي قدمت شكوى ع وزارة التعليم العالي ع طوول :0312:

لكن تصير انهم يعطوك مادة من خمسين الف مليون صفحه ولا يجيبوا الا صفحة اسئلة موضوعيه من أول صفحتين فالكتاب!! عشان الإخوان الكرام ما تعبون في التصحيح واحنا عادي نتعب فالمذاكرة

والبحور عادي قلبو اخترعي ع اقل من مهلك..وان قالوا قولي لدواعي حَدَاثِيه استحدثت الجديد :st15asmilies-com:

ننتظر السبب الثاني الي يخلي الشعر مو حلو عندك:000:

وبانتظار مواقف الرياضيات وقوانين ارخميدس العُجابيه

 

[نجمة أمل]

بسم الله الرحمن الرحيمـ









همس بصراحة ودي أسمع وحدهـ من قصائدك المُلحّنه





:




وكل المُنى لك بالتوفيق يارب

وبشوق ننتظر كيف جبتي [ العيد ] ........ بالرياضيات :015:






:





نجمة أمل

 

[عائشه المعمري]

المشاركة الأصلية كتبت بواسطة شهيق وردهـ

مرا11حب فيك من جديد همس

احنا بخير ما نسأل إلا عن الطيبين مثلك وشرواك غلاتي..

يااه يعني انتوا خلصتوا الفاينل واحنا تو نبدا ؟!!<<دووم متأخرين حبكت ع الدراسه

أما قضية انهم ما جابوا ولا بيت أح أحسها قوية لو صايرة لي قدمت شكوى ع وزارة التعليم العالي ع طوول :0312:

لكن تصير انهم يعطوك مادة من خمسين الف مليون صفحه ولا يجيبوا الا صفحة اسئلة موضوعيه من أول صفحتين فالكتاب!! عشان الإخوان الكرام ما تعبون في التصحيح واحنا عادي نتعب فالمذاكرة

والبحور عادي قلبو اخترعي ع اقل من مهلك..وان قالوا قولي لدواعي حَدَاثِيه استحدثت الجديد :st15asmilies-com:

ننتظر السبب الثاني الي يخلي الشعر مو حلو عندك:000:

وبانتظار مواقف الرياضيات وقوانين ارخميدس العُجابيه

هلا والله بشيق ورده ..



سعدت بتواجدك ..


تصدقين عاد أنهم حتى بيت واحد من اللي حفظته ما جابوا ..

لا أي وزارة تعليم عالي .. خليها على الله


ترا أنا قصدي الشي الثاني اللي ما يعجبني باللغة العربية هوه العروض ..




لا تستغربين في يوم من الايام .. انه تلقين اسمي بالجريدة .. اني مخترعة بحور جديده ..


كوني هنا ..



همس

 

[عائشه المعمري]

هلا والله بنجمة أمل ..
أشلونك .. شخبارك .. عساكِ طيبة ..

لا لا .. ما أقدر أسمعك .. أخاف يودونك المستشفى على طول ..

:000:


أنتظري الرياضيات .. ترى فيه أشياء عجيبة :st14asmilies-com:

 

[عائشه المعمري]

كنت خايفة من هذا الامتحان .. لأن الله يسلمكم معلمتنا من شهرين ما شفنا رقعه وجهها يقولون والله أعلم نايمه بالمستشفى .. يحليلها كل أمراض الدنيا فيها .. ضغط ،، سكري ،، روماتزم .... إلخ إلخ .. أنتوا ادعولها الله يشفيها بس ..
المهم واحنا صرنا مثل الفقراء .. كل يوم معلمة تجينا و تقطر علينا ..
""
"
مرت الايام وجى وقت الإمتحان ..
ذاكرات باللي قدرت عليه ..
""
"
قبل الامتحان بنصف ساعة ..
كنت قاعدة أقول لربيعتي .. ترى اليوم بيصير شي في الامتحان ؟؟ وهيه تقول : فال الله ولا فالج ..
دخلت قاعة الامتحان ..
بدوا يوزعوا الأوراق ..
وعاد انا أنتظر على ما توصلني الورقة ... لأني أقعد أخر وحده في الزاوية // ( مكاني المفضل ،، أيام الإمتحانات ) ..
وأنا أنتظر ..
ما أسمع غير تئفئف البنات .. وشو هذا .. وشو هذا ..
المهم وصلتني الورقه وانا خايفة يكون الامتحان صعب
""
"
توني بادية أحل ..
إلا والبنت اللي قدامي .. مدري أش صار فيها ,, أغمى عليها ولا جاها مرض نفسي .. ولا فيها ضيق تنفس قلت لا يمكن فيها جني ,, مدري بالظبط .. ما أسمع غير صراخها .. وتسوي حركات عجيبة غريبة
وأنا ويا ذكائي قعدت أطالعها لوين بتوصل ..
شوي والمراقبه تنادي .. هيه شو صار ..
وانا لا زلت أطالع البنت بإستغراب ..
المهم طلعوا البنت برا اللجنة ..
وواصلنا الحل
""
"
شوي بنت ثانيه يغمى عليها .. ما نسمع غير
/
\
/
\
باف ..


على الأرض ..
وقامت المراقبتين اللي عدنا .. وطلبوا أحد يوديها غرفة الصحة ...
ورجعنا نواصل الحل ..
""
"
مرت تقريبا ربع ساعة ..
إلا وبنت ثانية جاها ضيق تنفس ..
وودوها كمان لغرفة الصحة ..
""
"
والبنات .. كأنهم قاعدين في سينما .. يشوفون فيلم .. ينتظرون اش نهايته ..
وشي من البنات الله يذكرهم بالخير .. يستغلون إنشغال المراقبات بالبنات الي طاحوا علينا.. ويقعدون يغشون ..
هذا الذكاء وإلا بلاش ..

وشي من البنات الحساسات متأثرات بالوقف .. وما قدرن يحلن شي ..يحليلهن

وشي من البنات يقولون ان الامتحان صعب .. ويقعدوا يبكوا كأنا في عزا ..

أنا طبعا ما لي شغل في حد .. حليت اللي قدرت عليه واللي ما قدرت .. وخلصت ..


الحمد لله عدّى هذا الامتحان

 

[قايـد الحربي]

همس الحزن
ــــــــــ
* * *

تنجحين بالسلامة :000:

وبعدين لو حطولكم قصائد شعبية بتطلعون
الأوائل الحين بس بعد كم سنة بنصير كلنا الأخير

يقولون ان أهل المدينة سألوا ابن الفراهيدي عنه
فقال " تركته يهذي في الصحراء "
مايدري هالخبل ان أبوه كان يصنع علم للحين قائم وغائم

بالتوفيق ونجاحتك علي

 

[عبدالعزيز رشيد]

:000:


اختي
همس الحزن الله يوفّقك أولا ويسهّل امور دراساتك
موضوع يستفزّ الذاكره
اختي
نصيحة أو مقولات وطقوس سأقولها لك للمذاكرة برأيي


* برأيي الوناسه ( الترويح عن النفس جزء من المذاكره ) بصراحه !! ساعة مذاكره يبيلها نصف ساعة وناسه
* اذكر كنت مااحبّ اذاكر إلا والريموت في يدي والتلفزيون شغّال !! ( بس على الصامت ) - اختبارات سهله -

ملاحظه ::::

مالي دخل بالنتايج
انا خذت نتايجي وخلاص بس انتي توك
:000: