تراتيل حرف !!

[محمد علي الثوعي]

ماقلت لك وضعي
غريب

لا تعتبرني لك
حبيب

انا مجرد ضيف
مرك زياره

والضيف له يومين
والثالث
يغيب !!

اعتبرني حلم شفته
في منامك
واختفى

قبل ما تصحى
عيونك راح
في جفنك
غفا!!!

◇◇◇◇◇◇◇◇◇◇◇◇◇◇

يا عيد.. ناد ..اللي ..بدربك.. يجوني
.......خذهم .معك .ياعيد..جيب الاماني


مدري .تناسوا .بهجتك ..من نسوني
.......والا ..معك .وقت.الفرح.عمر..ثاني


ياليت ...بحضورك .حبايب. دعوني
.......ثالث. سنه والجرح .ينزف. واعاني


ياعيد ..لا تزيد....المواجع ..عيوني
.......ما تحتمل .دمعة حزن .من زماني

◇◇◇◇◇◇◇◇◇◇◇◇◇◇

كل .ما اقبلت .زاير .فز ..قلبي. وراغ
.......روغت .اللي .مهدد ..بالقتل. ياجميل

ارتبك ثم .اصوّت .من يجيب الشماغ
.......غترتي فوق .راسي .والعقال. الثقيل

ضعت ..كلي ..وادوّر. للكلام المصاغ
.......من جميل النثر والا القصيد. الجزيل

مشغل ..القلب .كله ..واستثار الدماغ
.......فكرة ٍ .بعد ..فكره .مابقى. لي .دليل

من ..تعدى ..حدود ..المعرفه والبلاغ
.......مايدور ..كثير ..الهرج ...والا القليل

الحب ماهو مجرد .لعبه وقت الفراغ
.......ولا .بضاعه متاحه .تشتريها.وتشيل


محمد الثوعي

 

[ضوء خافت]

المدخل جرّني للبيت ورا البيت ...

العيد حب و الحب عيد ... و المزيد

محمد الثوعي ... اسفهلَّت ليلتي بهذه الأبيات ...

شكرا لك

 

[محمد علي الثوعي]

الحب ماهو مجرد.. لعب وقت الفراغ
ولا ..بضاعه.. متاحه تشتريها وتشيل

 

[محمد علي الثوعي]

المشاركة الأصلية كتبت بواسطة ضوء خافت

المدخل جرّني للبيت ورا البيت ...

العيد حب و الحب عيد ... و المزيد

محمد الثوعي ... اسفهلَّت ليلتي بهذه الأبيات ...

شكرا لك

ممتن لك من الأعماق لجمال مرورك
حروفك قبس من نور كاتبتنا المبدعه
ودي والتحايا واحترامي.

 

[محمد علي الثوعي]

ماني .من..الشعر والشعار .متهيّب
لويحضر الفين .شاعر..ماظهر.ناقد


الراس شيّب ترى..والفكر..ماشيّب
والناب .قارح .وزند .العود .متواقد


الفكره ..اللي ..بكر ..ماتشبه .الثيّب
وانا بعلم..الأدب ..والشعر له .عاقد


الطيب ..يبقى ..مع .الايام. ياطيّب
والشعر .لوما اجدته .يعترض حاقد


#محمد_الثوعي

 

[سُرَى]

-

للعيدِ منَ الشّعرِ
نَصيبُ الأسد
ونصيبُنا من العيد
هَذا الحرف الجميل.

 

[محمد علي الثوعي]

المشاركة الأصلية كتبت بواسطة سُرَى

-

للعيدِ منَ الشّعرِ
نَصيبُ الأسد
ونصيبُنا من العيد
هَذا الحرف الجميل.

ممتن لك من الأعماق لجمال مرورك وروعة
حروفك شاعرتنا الراقية ودي واحترامي.