مهي على كيفك ولا كيف نفاع

[نفاع العنزي]

للحب..

للطهارة ...

للشعر والشعور






[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مهي على كيفك ولا كيف نفاع = المسألة كيف القدر يا حياتي
أحس بآلام وهواجيس وأوجاع = وأشكي لذاتي من معاناة ذاتي
تجمعت عندي تشاكيل وأنواع = وجت لك تعبرها شعر مفرداتي
جت لك أحاسيس وتصاوير وإيقاع = جت لك تفسر لك سمة من سماتي
مركب غرامي جاك مجداف وشراع = أواصلك وأقطع معاهم صلاتي
وسر تخبرينه سكن بين الأضلاع = والله ليبطي ما طلع من شفاتي
يضيع حب وحب باقي ولا ضاع = يا حاضري ومستقبلي وذكرياتي
ما جيتك أبني من أحاسيسي أطماع = جيتك وأنا كلي وفا يا غناتي
جيتك أساير لعنة الوقت باقناع = هذي عذاريبي وهذي صفاتي
أحيان أحس إني أناني وطماع = وأحيان أحس إن اجتماعي شتاتي
نهيت قلبي عن غرامك ولا طاع = ودعيت لك يا غالية في صلاتي
والله ما أبني من علاقاتي خداع = ولا أحدٍ بها الدنيا يسوي سواتي
بس القدر يحكم علينا وننصاع = يا غالية روحي وأعز أمنياتي [/poem]


.

 

[ابراهيم الخطيمي]

يشرفني ان اكون فـ صف الامامي




ورقم واحد (1)

صح لسانك العنزي

جميله بـ جمال قلمها

لك ارق التحايا

 

[العـنود ناصر بن حميد]

نفاع العنزي

صباحك شعر

كروعة قصيدتك

وشعورها الراقي

صح قلبك

ودمت بخير

 

[أحمد الفدعاني]

نفاع العنزي/ لا هنت وبيض الله وجهك ونشوف جديدك

 

[سعـد الوهابي]

القدير

نفاع العنزي

لله درك وصح لسانك وفكرك

ودام تواصلك المشرق


احتراماتي

سعد

 

[عبدالإله العنزي]

نفاع العنزي

اسم صعب جداا ً

يستحق المتابعه بحق

تابعته ولا زلت متابع

قصيده من بدايتها الي نهايتها رائعه

صح لسانك

تحياتي لك

عبدالاله العنزي

 

[رجا المريخي]

نفاع العنزي

ونص عانق السحاب بجماله وطهره

صح الله لسانك أخي العزيز

دمت بهذا الألق

إحترامي وتقديري

 

[سلطان ربيع]

هلا أبو عبدالله

قصيده عشق خالد
وبياض لايخالطه سوى البياض