عضـــة ابــهام

محمد العايد · 08-16-2007, 12:42 AM

[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الفراق أدما خفوقي يابو عبـد الكريـم=والسهر قيّـد عيونـي وعيّـت لاتنـام
أثري العاشق اليا طالت الفرقا غشيـم=كل لمّة حزن وهموم يحسبهـا غمـام
أجمع الذكرى من هناك والذكرى جحيم=واتسلا لين أقول انهـا بـرد وسـلام
هيه ياأنتي ياأعذب الحب يالحب القديم=هيه ياأنتي يااصدق العشق ياتال الغرام
ماقدرت أقبل بدالـك خليـل ولا نديـم=لك بقلبي .عشب.وطيور .وظلال.ومقام
يارفيقة هاجس الشعر يالصوت الحميم=كل ظنٍ مال يمك على الوجد استقـام
أقبلي خليني أظيـع بعيونـك وأهيـم=يمكن القى ماغدالي علـى ذاك اللثـام
ياسلام الله على طلتـك والجـو غيـم=وان رفعتي غرتك فـوق يالله ياسـلام
ان طلعتي يضحك سهيل ويهب النسيم=وان ضحكتي يجفل البرد ويذوب الضلام
وان حكيتي خيّم الصمت بشفاه الحريم=وان سكتي يذبل الورد ويموت الكـلام
وكان غبتي باحترق شوق والله العظيم=مادريتي غيبتك ذنـب وفراقـك حـرام
وش بقا غير الكرامة على كف الحشيم=تختصر كل المسافات في عضة ابهـام
قلت اجمع ذكرياتي يابو عبـد الكريـم=يمكن اسلى واركد شوي وعيوني تنـام [/POEM]

محمد العايد

**خالد صالح الحربي** · 08-16-2007, 01:01 AM

:
سَيّدْ السّهَر ،
والمساءات المُحَمّلَة بذكريات الأحِبّة .
لَكَ مَا يليق بحضُورِك المُحَمّل بالعشب .
لا شَكّ أنّ وراء.. كُلّ قصيدة عِشْق ، لِشَاعِر ..
_ إمرأةٌ غَير مُبَاليَة _
_ تقديري واحترامي _

عون القحطاني · 08-16-2007, 01:31 AM

محمد العايد

غرد الطير .. وابتهجت ضفاف النهر بالزهور والنور

وما سكبت هنا من شعور

نص تطرب له القلوب

ويتروي منه كل ضامي .. عشق .. شعر .. موسيقى

تقديري واعجابي