الـضــبـاب

[صالح الحمود]

شكرا لمن منحني فرصة التواجد بينكم
أخي خالد صالح الحربي

(( الـضـــبــاب))

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا راعي الجمس الخجم ما معي غير=غير التعاسـه..والنكـد..والقسـايم

نـزّل يـدينك والعن ابليس وبلير=لا تلعن التجــار واهل العـمـايم

اِلقم حجر .. واصمت عن الشر والخـير=الصمت قـدّام الصـغـائر عظايم

خل السياسه ..وانثبر .. وادهن السير=بعض الـمكـاسـب ترتجـى بالـهـزايـم

امْن السياسه .. والدّها .. والمحـاذير=ترك السيـاسـه واجـتناب الـوخــايـم

الخـوف رحمـه .. والتّخـوّف تـدابيـر=ما كل رمـيـه من وراهــا غـنـايـم

اخنع مع الأدبـاش ..وارتع مع الــعِـير=المنكسـر يزحـف على الشـوك دايـم

أمّا الضباب اللي غشى لجّـة البير=ما ينقشـع بالأدعـيـه والشـتايـم

والكيسـه اللي ما ملتها الدنـانيـر=ما ظنها تاقـف بَلـيّـا دعــايم

ما يعتدل ظِل العوج ويش مايصير=ظهر الجمل ما يعتدل بالقوايم

وانته يابو بشت ٍ حساوي وش تصير=غير انك املحَّى وراعي ظـلايم

تسرق ذهب وتقول ما بالربا خير!!=لا تشـتم الحَجَّاج لا صرت ضايم

ثـوب الـريـا ما يسـترك يا بو هْـرير=محدٍ يذوق السم ويموت صـايـم

كلٍّ تسـوقـه حــاجـته للـمـقـاديـر=الدايم الله ما تدوم الجــرايم

خلّك مِثِل أول لاتشطح عن السّير=اثبت على مبداك دوم الدوايم

اللـي يغـيّـر مشـيـتـه صـعـبـه يْسـيـر=الشخص ما يركض إلى صار عـايم

يغشاني ما يغشى العمى والمساهير=واجـلس افكــر وش ورى هالعتايم

ما ترجع السـاعـه ورى دون تـدبيـر=إهنا خـلل واضـح يبي له نظـايم

الله يغـيّـر حــالنا خــيـر تغـيـيـر=ويثـبّت اركان البلد بالدعــايم

نرجي من اهل الشان وقفه وتطهـير=نبغى عـمـار دْيار .. نبغى ذمـايـم

الشــعب ما ينهض بلا دعـم يا ميـر=ولا يكـثـّر نسـبـتـه بالـفـطـايـم

قــدّام يا غيـث الســعـد والتباشـير=المـلك ملكـك والـبـلد فيـك قــايـم

اقطـع مِثِل ما يقطـع السـيف ويغير=واضرب على الكــايد تلين الجـسـايم

روس ٍ تبي من سيفك الحـر تطـيـير=وافكــار تبـغى من شـمـالك لـطــايـم

زلــزلـهـا ليـن الأرض تبلـع أزاريــر=ويطـيح نجـم وياقـف البـيـت زايـم

لا تحسـب حساب الردى والطــوابيـر=حـنا فدا لك ما نحسـب الحــتايم

واللي يـهـاب اهل الفـتن والخـنـازير=ويخـاف يخسـر لا يـهـدّ الـعـزايـم

يـزحـف تحـت لا صار ما يقـدر يْطـير=فـلا يـطـيح اللي على الأرض نايـم

الـنـاس ما تكـسب بَلـيّـا مخـاسـير=الـقـوه العظـمى ولـيـد الـهـزايـم


شكرا مرة أخرى[/POEM]

 

[عبدالعزيز رشيد]

تحيّة و ترحيب
ومصافحة فـ تثبيت بـ ودّ (:

 

[ريم علي]

مشاركه رائعه من رائع
كنا في انتظارها ....ابدعت فأمتعت
شكرا لهطولك

 

[غنج نجد]

الشاعر الرائـــع


صالح الحمود


اهلا بــك .. حتى تعانــق السماء ..
وشكراً اكبر لمن اهدانـا دعوتك .. وحضورك / خالد

نص مدهش
صح الله لســانك حتى علامات الرضى ...
ودولة ورد لقلبك


اختك

غنج نجد

 

[صالح العرجان]

صالح الحمود

وحضور راهي بالحكمة والتوجيه

نحن من نشكر الفرصه للالتقاء بهذا الكم الشعري الهائل .

ضوء

ثـوب الـريـا ما يسـترك يا بو هْـرير
محدٍ يذوق السم ويموت صـايـم

توظيف مفردة هرير ( بتسكين الهاء ) في سياق البيت { عجيب }


/


اللـي يغـيّـر مشـيـتـه صـعـبـه يْسـيـر
الشخص ما يركض إلى صار عـايم


من أروع الوصلات الشعرية التي قرأتها والتي تعطي الشاعر
ماهية الانتقال بين عناصر قصيدته دون أن تفقده توازنه فيما
يريد بين أبياته .



/



الـنـاس ما تكـسب بَلـيّـا مخـاسـير
الـقـوه العظـمى ولـيـد الـهـزايـم



فعلا لا أنتصار الا بعد تجرع هزيمة


مفرده ( وليد ) أستحضرت في ذهني أسم لشاعر لقب بهذه المفرده { وليد أمس }

وهو صاحب البيت المعروف

الليلـة الدنيـا عليـه فضـاهـا ****** أضوق من الإبرة على ناظم السلك






صالح حمود

صح لسانك وصح فكرك

 

[قايـد الحربي]

الأجمل : صالح الحمود
ــــــــــــــــــ
* * *


أحتاج للكثير من اللغة : ترحيباً
وأحتاج لأكثر من ذلك حديثاً عن شاعرٍ بحجمك .

أهلاً وسهلاً بك في أبعاد وبين إخوتك الذين
طالما تمنّوا حضورك و نورك بينهم .

صالح الحمود : من الشعراء القلّة الذين يستطيعون كتابة الشعر
بعيداً عن إرادة الغير وقريباً من إرادته _ لذلك لا يأتي إلاّ متميّزاً
و متحيّزاً للجمال والعذوبة .

نحن هنا على موعدٍ مع الشعر في كلّ متصفحٍ يعبق باسم
هذا الشاعر المدهش حدّ الاكتفاء من غيره .

شكراً لك ياصديقي الأجمل
وشكراً لكرم الحضور .

 

[الريـــــم]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
قــدّام يا غيـث الســعـد والتباشـير=المـلك ملكـك والـبـلد فيـك قــايـم

اقطـع مِثِل ما يقطـع السـيف ويغير=واضرب على الكــايد تلين الجـسـايم

روس ٍ تبي من سيفك الحـر تطـيـير=وافكــار تبـغى من شـمـالك لـطــايـم

زلــزلـهـا ليـن الأرض تبلـع أزاريــر=ويطـيح نجـم وياقـف البـيـت زايـم

لا تحسـب حساب الردى والطــوابيـر=حـنا فدا لك ما نحسـب الحــتايم

[/POEM]



الله الله الله
هُنا سلطنة شِعْر .. هُنا مجموعة مِنْ كُلْ شيء : نُصْح ، غيرة ، مرجلة
هُنا [ صالح الحمود ] عندما يأتي ومِلؤُهُ الشِعْر والعِطْر والسِحْر والدهشة
قصيدة أكبر من مجرد تواجد وإدراج رد .. لذا ليس لي سوى الإستماع والتصفيق
أهلاً وسهلاً بك شاعر جميل يُضاف إلى رصيد مُبدعي أبعاد وشُعّارة
أنا أقل من أنْ أُشيد بـ أستاذ وشاعر نتعلّم مِنهُ الشِعْر والفِكْر والجمال
دام نبضك .. وصح لسانك ولاهنت على هذا الكم الهائل من الجزالة

كل التقدير والإحترام لشخصك

 

[نجمه أحمد]

شاعرنا الرائع/صالح الحمود

ياهلا ومراحب تراحيب المطر والله محييك..
مصافحه اولى رائـــعه..
وحضور اول أخــــاذ..
صح لسانك لين ترضى..
ولاعدمنا روائعك..

تقديري..