أنا وانتي ضحايا والظروف القاهره جلاد=مصيبه يوم صار الوقت هو خصمي وجلاّدي

[عبدالله سماح المجلاد]

مع أسمى وأصدق أيات الحب لأبعاد واجمل من في أبعاد
ـــــــــــــــــ
[POEM="font="Simplified Arabic,5,white,normal,normal" bkcolor="indigo" bkimage="" border="solid,7,sandybrown" type=2 line=0 align=center use=ex num="0,black""]حبيبه مابقى لي من رحل طَرْفِك وطن وبلاد=غريب وطال مسرى غربتي وعيونك ابلادي
مصايب جت جميع وكنت متمنّي تكون افراد=وآنا مالي خيار ان جت جميع او كانت افرادي
أنا من يوم غبتي صرت لفنون العنا معتاد=وصرت بعين وقتي والدٍ وجروحي اولادي
أقول الحزن خف وحزن مجروح المسافه زاد=واقول الدرب يقصر والمسافه دوم تزدادي
اصدّر من ينابيع الألم وارجع لها ورّاد=كذا اقزر غيابك بين مصداري وميرادي
أنا وانتي ضحايا والظروف القاهره جلاد=مصيبه يوم صار الوقت هو خصمي وجلاّدي
أكابر في غيابك واتحاشى نظرة الحساد=وأقول الأمر عادي والأكيد انّه مهو عادي
أنا باقول حاجه ياوطن روحي تصدق عاد=بقلبي شوك بُعْدَكْ يستفزّ الفُلّ والكادي
وانا لامن ذِكَرْتِكْ سالف اجروحي تعود اجداد=وانا الذكرى رفيقة درب في صحوي ومرقادي
أشوفك لاَصحيت وفيك حلمي ساعة المرقاد=لذلك ترجع جروح الزمان الماضي اجدادي
تذكّرتك وانا لي في بحور العاطفه ميعاد=واشوفك في عيون الذاكره تركض لميعادي
تسابق ساعة الوقت وتِمَنّى والْمُنَى مافاد=وانا مثلك أسابق ساعتي والموعد الوادي
وُصَلْتْ ومَالِقَيْتَك وانتحر في لحظة الميلاد=رجا عين ٍ تِمَنّى شَوْفِتَكْ يالفاتن الهادي
تذكرتك وصورة عبله اتوادع وَلَدْ شدّاد=وانا في واقع امري للمتاهات اطوي اشدادي
تذكرتك وانا اسمع صوت ابو نوره شَدَا بابعاد=ولِمَسْتَكْ في خفوقي واحْتِضَنْتَكْ داخل افوادي
ياأوّل مِنْ سِكَنْ حِدْب الضلوع اب(خانة الأحاد=ياأخر من قتل فِيَّ الِرضَى واستنزف اعنادي
يدور الوقت لكن مانقص حبّك وفيضه زاد=يمرّ الليل وثياب السهر تستطرد اسهادي
ياليت العمر يرجع والسنين اللي مضت تنعاد=لا اشيلك سيف واقطع في رضاك لسان حسادي
واقول البلبل اللي طوّل الغيبه لغصنه عاد=واجي وامسح بكفّك عن عيوني حزنها البادي
واقول امر/تدلل/ ياغلا /واطلب وانا سدّاد=ولو تطلب عيوني قلت خذ ياغاية امرادي
ولكنّك رحلت ومع رحيلك جت بلا تعداد=جروح ٍ في ضميري مالها حصر ٍ وتعدادي
متى ترجع ويفرح في رجوعك قلب ابن مجلاد=وتهز غصون قلبي بالوصل يالبلبل الشادي [/POEM]
عبدالله سماح المجلاد

 

[عبدالعزيز رشيد]

تسابق الساعة !!
حسنا لأصارحك ياعبدالله كنت أسابق حرفي لأعبّر عنك
يكفيني بأنّك اخترت القافية المناسبة للمشاعر المظلومة والمليئة بالتناهيد الموؤودة بالصدور
تخلّلت أبياتك التي اتت لـ سرد حالاتك العديد والعديد من العبارات الدريّة
فكان النصّ ثريّا وثمينا في آن واحد
لـ روحك ولـ عودتك كلّ الودّ والشكر
شكرا لـ من دعاك الى هنا (:

 

[مسلط الهلالي]

جميل يا عبدالله

حقا شعر جزل وأحساس يتفنن به حس أجمل

أشكرك كلك

 

[هـيـفـااللاّفـي]

هنا للروعه وطن ومكان

عبدالله المجلاد
سموت بالحرف فدخل القلوب بدون إستأذان

صح نبضك شاعرنا وياهلا

 

[سعـد الوهابي]

.
.
.
القدير

" عبدالله سماح المجلاد "
مرحبا بالشعر في حضورك . .

شعر يأخذك لـ يرتب ذائقتك الشعرية

ويعيد ترميم ماأتلفه الزمن منها . .

لله درك وصح لسانك وفكرك

ومرحبا بك وبحضورك مرة ثانية



احتراماتي


سعـد

 

[عادل بدر]

عبدالله سماح المجلاد
الرد على قصيدة لك بحد ذاته مغامرة لا تحمد عقباها .
لكن من جد أنت مدهش و خطير للغاية يا رجل .
فقط لا تبخل علينا بما تكتب أيها الشمالي الجميل .

 

[عمري الرحيل]

عبدالله سماح المجلاد
استمتعت حد الغرق شكرا لنبضك يا (جيفاراالشعر )

 

[عبدالله سماح المجلاد]

المشاركة الأصلية كتبت بواسطة عبدالعزيز رشيد

تسابق الساعة !!
حسنا لأصارحك ياعبدالله كنت أسابق حرفي لأعبّر عنك
يكفيني بأنّك اخترت القافية المناسبة للمشاعر المظلومة والمليئة بالتناهيد الموؤودة بالصدور
تخلّلت أبياتك التي اتت لـ سرد حالاتك العديد والعديد من العبارات الدريّة
فكان النصّ ثريّا وثمينا في آن واحد
لـ روحك ولـ عودتك كلّ الودّ والشكر

شكرا لـ من دعاك الى هنا (:

كم للشعر من حسنات وكم له من فضل بعد فضل الله
لانه جمعني بعزيز أسمه عبدالعزيز الرشيد
النص ياعبدالعزيز ثرياً لأنك أضفت له بتواجدك ثروةً تختلف عن أي ثروه ماليه
وثميناً لأن عبدالعزيز الرشيد معرفته بالنسبةِ لي ثمينه جداً جداً
هنا فقط كان النص ثرياً وثميناً أوافقك الرأي وستوافقني حتى وإن لزمت الصمت
شكراً لله لأنه جمعني بك ولو عبر الحرف والكلمه في بحر القوافي