[ مُقتَطفَات أبْعَاديّة ]

[ميــرال]

صاحبي قل لهم ياخذون الحذر جاهم اللي قصِيْدِه بعيدٍ مداه
ــــــ شاعرٍ دهمشي لقَّبوه المطر لا أنهمر كل وادٍ يمرِّه يسيل
لا بغوها غزل جيت وقلبي خضر وإن بغوها حزن باح صدري خفاه
ــــــ وإن بغوها كذا أو كذا يا عمر وين ما ميَّلوها معاهم نميل


ناصر الدهمشي

[ميــرال]

إلا هــبّ الـغــلا هـز الـعروق وطـاحـت اللـهـفــه
.....علـى خـد الـمـسـا الـغـافـي جـفـون الشمع تـذرفـنــي
شـفـايـف مـوعـدي يـبـْـست..وطالت رحلة الرشـفه
.....يــديــن الريــح يـغـريـهــا عــطــر وردي..وتـقـطـفنـي

عبدالعزيز الودعاني

[شذى العلي]

مقتطفات ولا أروع
تجبرنا على اللطش
ميرال
كلمات لذيذهـ

[ميــرال]

خلاص اسكت ولا كلمه ..
أنا باتفقد الأشيا
عسى أعرفك ياللي هناك

.
.

ستاير تعشق الناطر
..... وعدهم دايم الشرفه

تداعب كفها الطاهر
..... تجر الشوق واتدفه



فهد فالح البلوي

[حنان الفايز]

مقتطفات رائعه جدا


سلمتي ودمتي

[ميــرال]

يالحبيبه والدموع ..
اللي في عيني ما تشاف
لا تسأليني ..!
ليه اخاف ؟!!!
الإرتواء عكس الجفاف ..
وما بقى للوصل سيره ..!
وانا صايبني ..
اعتكاف


مؤيد الغريبي

[ميــرال]

مابين الهم والضيقه تمرجح حالي مـن اسنيـن
ــــــ نسيت الفرح والضحكه أحس إني أنـا لحالـي
ظروف الوقت تلعب بي ابد ما غمضتلـي عيـن
ـــــ على همي سهرت الليل حزين ومنشغـل بالـي





بدر الموسى

[ميــرال]

يابايع المنجّا .. بيت الأكابر طالبك
رح ودّ له منجَا !
رح ودّ له .. يمكن تلاقي لي خبر
وأفداك لو تلقى !
رح ودّ له .. كيلو مطعّم بالسهر
وبدمع مايرقا !
رح ودّ له .. قلبٍ معذّبه السفر
حُبٍ تعب يبقى !


جتني تقول إن الفصول تغيّرت في جوفها
.. وإن الورود الذابلة : غطّت على نفنوفها..!
وإن الغصون اللي بكت من هجرها : معروفها
وإن الوعد .. غير العهد ..
وإني مـ عاد آشوفها !
ياصاحبي قبل أمس أنا كنّي من أهل البيت!
واليوم تعدادي مثل تعداد بعض ضيوفها...!
يا صاحبي وإن جارت الدنيا وذاك الخِلّ : فَلّ :
قل للعرب تغرز بهذا الصدر كل سيوفها




طلال بجاد