المساعد الشخصي الرقمي

مشاهدة النسخة كاملة : عراقيات ..!!


نواف التركي
04-14-2008, 02:07 AM
.

.

.

.


يظن البعض أنه يجدد في الشعر الشعبي

فقط من قرأ الشعر العراقي
يعلم أن أغلب ما يطرح كـ تجديد
ليس إلا إقتفاء لـ خُطى إبتكرت
التجديد كـ مدرسه .

سأطرح هنا نصوص باللهجه الشعبيه العراقيه
وأذيلها بأسماء أصحابها .

من لا يستطيع فهم اللهجه سيفهم الشعور على الأقل .






ما بجيتك

مابجيــــتك
فارقيـتْ إنتـه السفيـنَه وآنه جايبلـَك بحــرْ
خِفِـتْ !! مايكفيـك عشق الناس
توصــلْ فرح قلبــكْ ..
قـٌعديتْ الثلج من نومــه الثجـــــــيلْ
وسلسَـلتـْلـَكْ حزن قلبي سلسَبيــــــلْ
جـِبتْ سلطــان الحلمْ ...
شِفتـَكْ مِثــل ممسـوح بغياب الشمس
فارقت حِلم النـاس ومَلـٌيتء السفينه والسفَرْ
إشلـونْ قلــبك طاوعـَــكْ
ماتكَفْ عالجيــــــــــــدوم
وَجـهَكْ قمـَرْ ونجـــــــــوم
تنطيــنه كل لحظـه إتجــاه الريـــــــح
نِشتـــــاكَ القمـــــَـر
يصعَدْ حِسـِنْ وجهـــك قمــَر
مابجيــــتك ..... ما بجيـــــــتكْ
آنه بجـٌتني السفيــنه
إمنين ماطـق الرذاذ إتفكْ قلبها إتريد تبحـِـــر
تِدري نـوباتْ السفن لو ضاق خاطرها
إبجُبـُنْ سفـٌانها إتســورب وحدها ؟ ؟
تدري نـوباتْ المحبـٌـه
إتمـِلْ طبُـع محبوبـها
ويغفــه عالجتــاف الســــــهر ؟؟
مابجيــــتك ..... ما بجيـــــــتكْ
مَدري منهو إبصدري يبجـــي ؟؟
مدري منهو إيشَقق إبقلبي كواغِــــد ؟
مدري منهوْ إيريـــدْ يرحـَـلْ ؟
مدري منهو إيجرني بيدَر للمطـــــــر ؟
مابـِجـيتـَكْ .. درت عيني للبَحــَـر!!
أبجي المســافات الهِمتها ويـــاك !!
مابجيــــتك ..... ما بجيـــــــتكْ
إنتـه تكذب مابجيـــــتكْ
آنه هدٌيـت السفيـنه
وسيـٌسـتها إشراع أسَـبق الريــح
ولا خاروعـه عندك للمطــــــــَـــــرْ
..... ما بجيـــــــتكْ
آنه جايبــلـَكْ من دموعـي بحـَــــــــرْ



مظفر النواب

نواف التركي
04-14-2008, 02:10 AM
ما مرتاح ْ





ما مرتاح ْ

عيوني تستحي بس الدموع " وكاح "

ما مرتاح

منّك : منّي : من الجاي : من الــ.. راح

ما مرتاح

عركه ويا الزمن ورجعنه مكسورين
وبعيده المسافه وينسى الــ.. طاح

ما مرتاح

لأن شفت الشمس نزلت تبوس " الكاع "

وبكف الطفل تنلاح

ولأن قاضي البلابل مدد التوقيف
ومفتوحه السما

والفيل عنده جناح !

ما مرتاح

لإن قفل المحبه " إنباق "

وترهم عليه مفتاح

ما مرتاح

متروك بجزيره وتيهت بالليل
وإجو ربعي عليه بـــ.. قافلة أشباح

وإنته إشبيك ؟!!

لمّن دافعت عن نفسي صابك غيض
مو حتى القنافذ من تحس بـــ.. الخوف

تستخدم جلدها سلاح ْ

ولاجن الفجر مثل الفجر محبوب
لون الفجر صاير يقبض الــ.. أرواح

مامرتاح من ربعي ولا مرتاح ْ

تمساح بــ..نهرهم صاحوا من الخوف
وجازفت بــ..حياتي من سمعت صياح ْ

صارعت المنيه وبيده هزني الموت

ومدما طلعت

صفقوا للــ.. تمساح

كل هذا وتريد أرتاح ْ

مامرتاح ْ

نادوني وركضت بــ.. ليل

إيد الرسن بيها .. وإيد بيها سلاح

عثرت مهرتي ... وربعي قبل ما أطيح

واحد قال للــ.. ثاني :

أبشرك طااح !


كاظم اسماعيل الكاطع

نواف التركي
04-14-2008, 01:05 PM
- وين صبّح ..؟
- مدري والله ...بليل مظلم فارقَيـــــته
- وين مسّه ...؟
- من طلع ماسد وراه الباب
لكن بالدرب همّ بمشيته
- دوره ...؟
- قتلك مالقيته
- شوف قلبك...
- جان قبل سنين بيته
- شوف صدرك ...؟
- يكره المصدور ريته
- شوف ضلعك ..؟
- مثل عود العنب يابس وايست منه وطويته
- دوره ..؟
- قتلك مالقيته
- ليش عفته ...؟
- اعطشت مره وما سقاني ... وعطش مره وما رويته
- شوف صندوق الاسرار
- بدون رزه
وكل حجي البيهن حجيته
- شوف عينك ...؟
- ماكو بيها
- شوف عينك..؟!!
- جان بعيوني .... وبجيته ...


كاظم اسماعيل الكَاطع

نواف التركي
04-15-2008, 12:35 AM
ما ذكرتج الا والدمعات صبت
ما ذكرتج.. الا والسهلات صعبت
عود سيجتج بروحي
والمنايا اعليج مدري شلون طبت


كاظم إسماعيل الكاطع

نواف التركي
04-15-2008, 12:41 AM
بانتظارك خلٌصت عمري إنتظار
عاشرت ليل المحطه
وارتجي إيجيبك قطار
والقطار !!لو يحب مثلي .

وتشب بضلوعه نار
يسرع إبمشيه ويجيبك
بالفجر قبل النهـــــــار
ولَو تعٌبني إنتظارك
شارك العمر إبسنينـــه
إهواي قالو مايجيك
وقلبي جاوبهم يجينه .. يجينــه
ناشدت كل روجه عنٌك
؟؟كل جرف كحَلت عينـــــه
وإسألت كل الشواطي ؟؟
بلكت إتجيبك سفينـــــه
ولا سفينه ... ولا قطــــار
وخَلصٌتْ عمري إنتظــــــار !!


لا قطار ولا سفينـــــــه
وآنه والليل إبأمل جَيْتَكْ علينــــه
طيح يا دمع النده وقطٌر بِدِينــه
إحنه ليليٌه إنتلاقه
نسهر آنه وياك ياليل المدينــــــه
آنه عيني عالمحطه
وإنته عينك عالنهار
خلصٌت عمري إنتظـــــــار


كاظم إسماعيل الكاطع

نواف التركي
06-23-2008, 11:22 PM
اعزاز عدنة .. وشوقهم شوق الشواطي لماي دجلة
مدللين والفراق بعينهم شوف الحمام الجاي لاهلة
والعتب بشفافهم ود وحنين ... مدللين احباب قلبي مدللين
اعزاز عدنة
منهو ينكر رمش عينة وياهو اقرب من جفن للعين لينة
يا عشقهم هيل ما عبرن اسنينة
شقد ما يمر بينة العمر يمطر حنينة
مدللين .. يلوق لاحبابي الدلال .. وشوقهم نسمة جنوب وسيّرت لاهل الشمال
والعتب بشفافهم ود وحنين ... مدللين احباب قلبي مدللين
اعزاز عدنة ومن هويناهم هوينا الناس كلها ... ومن عشقهم كبرت الدنيا باهلها
وعلى جناح الشوك طرنة . الروح طارت ويه خلها
وياهواهم ديمة وتكت بمطرها
يا وفاهم ورده وتفوح بعطرها
مدللين .. يلوق لاحبابي الدلال
وشوقهم مطبق جنوب يهلهل لناي الجبال
والعتب بشفافهم ود وحنين ... مدللين احباب قلبي مدللين




زامل سعيد فتاح

نواف التركي
06-23-2008, 11:26 PM
دوار
دوار
أدور عن خلق للبيع للايجار
عن ضحكه قديمه ولاحها الزنجار
أفتر بالشوارع وانده بصوتي .....
وترد الاصوات أصغارها وكبار؟؟؟؟
عمي تريد......
عدنه دموع عدنه هموم
قرب لو ردت تختار
وأشريت الدموع ثياب لحزاني
ولبست دموعهم طلعت عليه اصغار...
تمددت أعله صبري
وقلت ساعة ارتاح
وتغطيت بصبر وتوسّديت النار


محمد الغريب

نواف التركي
06-23-2008, 11:30 PM
لا ياقطار العمر بهداي من تمشي
ولا تسرع مروتك شيبي وصل رمشي
بهيدة وي عمري اليجي فدوتك عمري الراح
طير انا بس الوقت ..........
ماخله عندي اجناح
والعب جنت بالوقت هسه خسرت كلشي




لا ياقطار العمر عبرن محطاتي
والسجه اه وندم رسمتها دمعاتي
خسران عمري الـ مضى واترقب الاتي
والعمر ماي بنهر شـ يرده من يمشي




لا ياقطار العمر ما كفه ابد دمعي
والشيب لاح الصدر وجوياتك بظلعي
لاحيل ينفع بعد لا شوفي لا سمعي
طير انا بس ايّست صار الشبج عشي

لا ياقطار العمر بهداي من تمشي



محمد الغريب

نواف التركي
06-23-2008, 11:32 PM
لميني طشني الوقت طشت رماد بريح
لابيه قومه وقمت لابيه صوت يصيح
وسويره صار الهوى
فرني الف فره......
مرات اصل للسما وللقاع اصل مره
وكل ذره مني بقطر ريح وقست وياي
شي مني ظل بشجر
شي مني ذاب بماي
لميني لا مو صعب بس صيحي بيه فلان
من الماي اجي من الشجر والتم وصير انسان


محمد الغريب

نواف التركي
09-03-2009, 09:03 PM
مرينا بيكم حمد :
القصيدة مستوحاة من فتاة رافقت مظفر النواب في إحدى سفراته على القطار ..
بجانبها أخوها ..
كانت تنظر لـ جهة إحدى القرى المترامية على سكّة القطار
ودموعها في عينها ..
القصّة التي رواها أخو الفتاة لـ مظفر
فـ حمد هو زوجها الذي طلّقت منه رغماً عنها
ويغنّي مظفر على لسانها هذه الخالدة :

مرينا بيكم حمد



مرينا بيكم حمد
واحنا بقطار الليل
واسمعنا دق اقهوة
شمينا ريحة هيل
يا ريل صيح بقهر
صيحة عشق
يا ريل
هودر هواهم ولك
حدر السنابل قطا

يا بو محابس شذر يـ لشاد خزامات
يا ريل بالله بغنج
من تجزي بأم شامات
و لا تمشي مشية هجر
قلبي بعد ما مات
وهودر هواهم ولك
حدر السنابل قطا

جيزي المحطة
بحزن...
وونين..
بفراقهم
ما ونسونه ,
ابعشقهم
مو عيب تتونسين؟
يا ريل جيم حزن
اهل الهوى ..امجيمين
وهودر هواهم , ولك
حدر السنابل قطا
يا ريل طلعوا دغش
والعشق جذابي
دق بيه كل العمر
ما يطفه عطابي
نتوالف ويه الدرب
وترابك ترابي
وهودر هواهم ولك
حدر السنابل قطا

آنه ارد الوق لحمد
ما الوق انا لغيرة
يجفلني برد الصبح
وتلجلج الليرة
يا ريل بأول زغرنا
لعبنه طفيرة
وهودر هواهم ولك
حدر السنابل قطا


(مظفر النواب)