مشاهدة النسخة كاملة : تخاريف!
جمال الشقصي
08-09-2008, 05:10 AM
\
هذا أنا 20 عامٍ يالمظله..
تحتك ولا ذقت..
ظـِ
ـلـّـه!
:
قلت أشق بظفري الـ(ناحِل) قماشك
ويتسرّب لي مطر
لا ظلال.. ولا جمر
وين يا آخر مظلات السنين الحافيه..
وين ألاقي لي عمر؟!!
و
ا
ن
ت
ظ
ر
يمكن الغيمه تهلّ بطية أكفان/ وقبر!!
هذا عمر...؟!!!!!
/
جمال الشقصي
08-09-2008, 05:16 AM
\
صابرين.. وصابرين.. وصابرين=والمعاشات القليله مو قهر
المصيبه.. كلما شلنا السنين=طاحت الأيام من كتف العمر
وين أبارك لي وارفرف فرحتين=وراحتي آظن.. مو قبل القبر!
/
/
جمال الشقصي
08-09-2008, 05:26 AM
\
جلل هذا المصاب أدري/ ولكن الخيام بقرش!=أنا وين أفترش يا ابوي خيمه تنعيِ آجالي؟!
باسافر/ ما بمرقادي من لحاف القرابه فِرْش=أبادفع للكفن في موتتي/ تغريبة عيالي!!
/
/
جمال الشقصي
08-09-2008, 05:38 AM
\
علامك ما انشغلت كثير بفراقي؟=وش الداعي.. بغيابي ينفرج همّك؟
أنا كم قلت لك لو يبست أشواقي=دخيلك لا تكلّف ذوقك ودمّك!
عرفتك شخص ما تسأل عن أخلاقي=وانا اعرفك.. محال الصدق من فمّك!
لذا: ليش أنتظرْك تحبني راقي؟=وليش آطالبك تهتمّ.. وآهمّك؟!!
/
جمال الشقصي
08-10-2008, 01:48 PM
\
يالمكان اللي وقف خلف السنين=يالوجوه اليابسه تحت الغمام
أرض.. باعَت للخريف الياسمين=واشترت للعمر ميلاد الظلام
كيف أباجني لي من كفوفك يقين؟=وانتي مبتورة كفوف بْلا سلام؟!
يا لغم موقوت يالفخّ الدفين=دستك ودستك.. ولا حان الختام!
يالمكان اللي هلِك صاروا كمين=حرر أنعامك.. وشعبك للـ(عدام)!!
/
جمال الشقصي
08-10-2008, 02:46 PM
\
يالمكان النابت بصلب الجحيم=يالأمان اللي خرب ساس البيوت
كلما حاولت أحبك من صميم=تختلط ذاتي كباريت وزيوت!!
لو دريت إنك على العشره لئيم=ما سمحت بتربتك ظفري يموت!!
/
جمال الشقصي
08-10-2008, 03:09 PM
\
يالمكان الحر في قيد السجون=يالسجين اللي سقوفه من سما
ليش ما نوّبتني عنّك أصون..=نبتة المصلوب بالواح الظما؟!
دام كتفك ما يشيلنّه متون=ليش ما حاولت تاخذني دما؟
إنت لو في وجهك الفاتح عيون=ما استوى المبصر معك مثل العمى!!
/
جمال الشقصي
08-10-2008, 03:26 PM
\
يا مكان الحب.. يا حزمة حمام=يا غمامه سالت وسالت عبير
قامة أشجارك لاجل كل الأنام=وآنا بين يديك يلفحني الهجير
يمكن اني ما لعنتك بالكلام=لكن سكوتي شتمْك بلا أخير!!
لو رغم أنفي بلعتك باحترام=كيف أببلع أنفي النذل الحقير؟!!
/
vBulletin® v3.8.7, Copyright ©2000-2026,