اعوّد كسبي الدمعه واغني لك ( طلال) (ارحل)=( وترحل لاصدى ) يسمع ولا يعزف على الاقواس

[أحمد الغبين]

تعاندني على الراحه تباعد عني وتجفل=ولا افهم وش سبب صدك ولا يشرح على كراس
امد اجسادها وافزع على كار الوله محمل=وضحت وكني النجمه على طيب الاصل والساس
اسوق الطرش والقعدة على مهمل على مهمل=اوردها على عزي واصدرها على النوماس
فزعت بطيبةٍ منى واذا عني تبي تسأل= انا ماامسّح الحيه ولكني ادوس الراس
واذا غيري عطاك اكثر تراني بالهوى اجهل=ورب البيت يومني لفيتك دلني احساس
اجل وش هقوتك بيّه وانا بصوتك بديت اثمل=تحسبني قدرت اصحى وانا متجرع الانفاس
واجل وش هقوتك يعني وانا كلي معك اذبل=على هونك دخيل الله على هونك بديت انحاس
واجل وش هقوتك قل لي صعيبٍ في هواك اسهل=على بالك صعيب القلب من دونك حشد حراس
على كثر الشكوك اللي لفتك وبالعطاء تبخل=اجي لك معلن ٍ حبك ولا اعرف للغلا مقياس
على سوء الظنون اللي ضمرت وبك لقت مدخل=تليت بايه الكرسي على نية قتل وسواس
وانا واحد ابيع العمر لكنه على الاجمل=مثل ماجيتك بعمري لقيتك اجمل الالماس
اعود كسبي الدمعه واغني لك ( طلال) (ارحل)=( وترحل لاصدى ) يسمع ولا يعزف على الاقواس
واشوفك في سمايا ريح او نجمه بدت تأفل=تقلع ريحك اشجاري تواعدني على الافلاس
نخيتك من صميم الذات اذا ذاتك رضت تفعل=عاندني على كيفك وعود لي كما النسناس

[أمل الدوسري]

قرأتها،،هذا الصباح
وقد أعود مرة أخرى ،،لأتذوق هذه الشاعرية
شكراً لجمال حرفك
::

أمل الدوسري

[وليد الفالح]

أحمد الغبين
حظور رائع ونص مميز كالعاده
مودتي

[مقبل الرويلي]

السلام عليكم اخوي احمد

منور والقصيده منوره وصح لسانك

قصيده شامخه تعانق السحااااااب

وانت دائماااا شامخ


تقبل تحياتي

[جُمان]

أحمد الغبين

هنا شهدٌ مُتدفّقٌ بِعذوبةِ حرفِك ../ وقنّينةُ عِطرٍ نادِرة
تأتي مُحمّلاً بما يبعثُ البهجة على وجهِ القلب

شُكراً لجميل نبضِك

.
.

[هـيـفـااللاّفـي]

,’

{..أحمد الغبين..

,’

تمتلك ادوات العذوبه

و بحرفنه تصنع الشعر الاجمل

,’


صح نبضك