لـ خـيـانـة الـتـوفـيــق

[جمال الشقصي]

:
:
:

واقول أمي.. سلامتها.. بْسلام الأرض=يطيح الكل.. ما اطَيِّح مقام أمي
خذ الحاره بما فيها.. وهِدّ العِرْض=ولكن: تعجز أمٍ جابتك.. خمّي!!

:
:
:

[جمال الشقصي]

:
:
:

للفقارى.. للطفوله.. لليتامى=للشعِر من باب تعْزِيةَ المآقي
للخضوع.. بأمّ محشومه ترامىَ=عشت ما ارضى فـ ..امّهات أغلى رفاقي
ليش ما احب الفقر دام آتنامى..=من صغِر سني.. على وهم انعتاقي؟!

:
:
:

:
:
:

[جمال الشقصي]

:
:
:

يقول البيت:
من جْداد الأهل.. ملّيت!
شوارعهم بقايا زيت
عفن فضه
وبكْتِريا ذهب وابراج
فلوس تروح
قروش تْغَدْي
ولكن البلد باسياج!
:
:
يقول البيت:
جمال أحتاج لكتابك
لنصّ الشعر يوم يْحَكْي بادراجك
وحيدٍ.. شاعرٍ بالكل
تحس بشجرةٍ طاحت.. باقاصي الغرب
تحس بدلةٍ تنكَبّ
ولا حس بظماك إنسانه تحسّك
ولا حسّك..
أبوكـ اللي دفع للمدرسه درهمْك
ولكنك تعيش تحس
بظلم أحباب
بنسيان الغلا اللي ما صِدَق.. واوهمْك!
تحس بمزبلة جيرانك الوافين
تحس بعنجهية طين..
تحس الكل
ولا حَسّ بصداقتْك الحميمه باب!
:
:

يَا حارتنا:
وش اللي باكتبه بفراق جارتنا؟!!
:
:

[جمال الشقصي]

:
:
:

يا كثْر اشتقت حارتنا
منارتنا
دواير من ضحى يكسر جبارتنا
ولا نوقف
وتوقف شمسنا الجردا
برز الباب واتردّا..!
ظلامي:
يا مسا شارع..
صباحي
يا الضحى إسفلت
طلبتك يا الحديد وبالجواب بْخلت:
وش يواسي بكى الحاره؟
من يعزي حزن فرقاي..
من اللي يعتكف في قلبي اللي خان جارتنا..؟!

أيا ربي:

شـَ ..اسمي نبضتي لا خانها حبي؟!

:
:
:

[جمال الشقصي]

:
:
:

يـَ ..ساره للتراب المخمليّ/ الأبيض/ الجذاب=باسرّح وجهك النازل من عذوق البراءه ديم
واقول: الرمل مفرش ذكريات الصبح للأبواب=إذا الظلمى غدت وجه الأوادم/ واللغه تقسيم!
باقودك لاقدم سكيكٍ خذتني للعذارى بـ ..آب=مراهقتي التي تحرص عليّ أكثر من التعليم!!
أنا يا سارتي هذا الدفين بحارة الأصحاب=ولو ما جاني مْن أصحابي إلا نعمة التقزيم
باقودك.. وانظري وش هي نهاية رملي التواب=كأن اللي سجد متيممٍ به.. واشيٍ/ نمّيم!
:
: