أشياء من ذهب لشعراء / شاعرات أبعاد ..

[ناصر حطاب الدهمشي]

السلام عليكم ورحمـة الله وبركاته ..
هنــا سأضع كل ما يعترضني بأبعاد من شعر دون النظر للأسماء .
ولن أنتصر إلا للشعر و النَّادِرُ منه ُ فقط...
[ كل مبـدع سيجد ُ شيئا ً منه ُ هُنـا ]

البداية ستكون مع ...الشاعر : بندر الصقر

ابي أرحل مادام ان المكان اللي ولفته ضاق = بأدوّر لي على وجهة والا ياقلّ وجهاتي

[ناصر حطاب الدهمشي]

من عطشتك .. إكشفت إن الغمام=لا لمس شوق الصحاري .. جا غزير

لــ الشاعر : ذياب العسكر

[ناصر حطاب الدهمشي]

أنت أول اللي في عيونـي تقدمـت=وأنت أول اللي بالحيـاة إخذلونـي

للشاعر : عبدالله المتعب

[ناصر حطاب الدهمشي]

ليش متحسف عليهم
ما تبهيم؟
سهلة اتركهم وروح
انت متعود
فوق صدرك تحمل أوجاع الغياب
انت متعود
في سكوتك تنتشي بصوت العذاب
ما هي أول صدمة تهدي لك كفوف
تعودت يسراك تجرحها اليمين
هذا حال الطيبين
هذا حال الطيبين
هذا حال الطيبين




للشاعرة : منتهى القريش

[ناصر حطاب الدهمشي]

الغياب أنفاس .. وغيابك جسد=كل ماغابت عيونك .. زدت نور
أنت وحدك فتنة الكون .. وبعد=أنت فتنة .. بالغياب وبالحضور
عذرك .. أن الليل محتاج لوعد=وعذري .. أن الشمس بيدينك تدور

للشاعر : عبدالله بن زنان

[ناصر حطاب الدهمشي]

يا عرب و إن كان تسترني عباتي=من لقى للجرح في صدري عباة

للشاعرة : حنان آل فاضل

[ناصر حطاب الدهمشي]

مادام حظي عاجز ٍ لا إنتواجـه=ماهو [ بعاجز ] لا نويــت بـ غيابي

للشاعرة : قلب الشعر

[ناصر حطاب الدهمشي]

غربه مشاعر .. طفولتها ؟؟؟ تعنيني = هي كيف لا راهقت الله يصبرني ..!


للشاعر : عمر المسفر

[ناصر حطاب الدهمشي]

حبيبي مات لك وسط الحشا من غيبتك عصفور=عجز يلحق مداك ولا رضا يستوطن اضلاعي


للشاعر : حمد العايد

[ناصر حطاب الدهمشي]

في خاطري كلمتين أبيـك تسمعهـا=قبل أتوكّل علـى الله وأعلـن غيابـي
الروح هذي وطن خضـرٍ مرابعهـا=وأطهر من أنك تدوس برجلك ترابـي


للشاعر : نواف التركي

[ناصر حطاب الدهمشي]

في ظاهره مثل ليلٍ في مسا بلّدة=في داخله طق زير وقوم تتحارب
لوّ الليالي تضوّي ماعتم ضده=ماجا على كفّ بنّتك يالغوا عارب
يخيط من فتلة جروحه على جلده=يزرع ضلوعه نخل والواقع الكارب
تمخَّض أيام سَـعْـدِهْ بسّ ما تِـلْده=تَجْهَض بطفل السَعد من حظه التارب


للشاعر : محمد السالم

[ناصر حطاب الدهمشي]

لك الله يا الشقى من النوابض لو تعب درب=أنا ويّاك ما نتعب و لا تتعب خطاوينا


للشاعر : مرعي ونيس

[ناصر حطاب الدهمشي]

الفرح : صدمة حزِن
الحزِن : صدمة فرح
و كل صدمه تكسر قيود انتمائك
للقيود اللي انتمتلك ــــــ
و انْبتَتْلك :
- قيد أرض .. ،
- و قيد فرض .
أغبيا يقولوا : " إرض " !

قلت : انا المجني علي
و صرت أتلو مايلي :

" انعتاقك منك يعني
ــــــــ إنّك الأقرب [ لنفسك ]
لا تقول : الغير معني
ــــــــ في دخولك جوّا أمسك "

و الصدى أهدى إلي :

" انعتاقك من عناقك : يُمتعك
انبثاقك من وثاقك : يجمعك "

:

أعزف الحاني لـ حاني هالدوى
بس مايبقى سوى :
" كان صرحا من خيالٍ فهوى "
وصار جرحا من سؤال فاكتوى

:

بالحياة :
أجر ابتلائك آجِل لحين انتمائك
للممات .
والحياة :
تعريفها بقاموسك المؤلم : [ وفاة ]

يامفاتيح الفَرَج ..
اللي دخل باب الصبر ..
عمره خَرَج !

:

ترفض فروض التراضي
ـــــــــ تفرض فروض اعتراضك
يقيّدِكْ فِعْلِ [ ماضي ]
ـــــــــ .. يكبّلك بـ [ امتعاضك ]
يسود الاسود أراضي
ـــــــــ .. و انتَ اتّهجى بياضك

:

مفاجآتك : فواجع
ـــــــــ فواجعك لا تفاجئك !
لأنّ كل المواجع
ـــــــــ ما ترسل الاّ تنبئك :
بأنّ كذب المراجع
ـــــــــ أكثر من اللي يخبئك

:


من قلتلك :
" [ الفرح : صدمة حزن ]
[ الحزن : صدمة فرح ] "

ماقلتلك :
" آخر الأشيا حديث :
يَا رَاحِلَهْ يَارَاحِلَهْ
يِقِيْنِيَ الْغَايِبْ ،
وِشَكّيْ رَاااحِ لَهْ !


للشاعر : قايــــد الحربي

[ناصر حطاب الدهمشي]

كنت اشوفك
وكانت الدنيامطر
والوقت بدري
يمكن الساعه عشر
يمكن
كانت الغفوة دقايق
ياااخساره
والمكان اللي احتوانا
بيت طين
مدري
كان
جدرانه ستاير من حرير بلون عاجي
وفيه
وردي
وكان
فيه كانون دااافي
يشبه احلام الصبية
كان بروازه فراش
ومزهرية
وكان
فيه شباك زان
كنت اشوفك
تلمس تراب الزوايا في يدينك
وكنت اغااار
من الحنان
صرت اركض لك وانادي
وفي يديه حلم باقي
ماتحقق
من زمان
وكنت اشوفك
تقلب الفجان في وجه المرايا
كنت تضحك لي تعالي
كنت تلعب باالكلام
كنت تقرالي حكاية بنت حبت
وكان
ياما
كان
كنت هادي
لا
يااااخسارة
كان
حلم
وصحاني
رش
المطر

للشاعرة : ميـــرال

[ناصر حطاب الدهمشي]

أرجوحتي نامي على كف ظلما=ما دام هذا النور مثلي يعاني

للشاعرة و الإعلاميَّة : نادية المطيري ( لامـار )

[ناصر حطاب الدهمشي]

طال فصل الخريف وحتّ كل الشجر=عرّت الريح غصن ٍ كان مشهى مقيل

للشاعر : خميس الوشاحي