.. وشوشة

[ناديه المطيري]

http://www.arb-up.com/files/arb-up-2008-6/6qs22237.jpg





البرد باطرافي وكفّيك معطف=وانا وحيدة مايدفيني حْضور

مليت انادي للدفا ويتعطّف=مليت ادور في ظلامك عن النور

[ناديه المطيري]

دفا والبرد بضلوعك يدثّرْني=دفا .. وينه دفاك اللي تغنّى به؟؟!!
أحيك من الأمل شالٍ واسترْني=واعرّي هالألم واحرق له ثيابه
تعب هذا المكان اللي محاصرني=اذا جيت اتْركه تتسكّر ابوابه

[ناديه المطيري]

حاولت انا البارحة ارقى على سورك =واتسلل بحلمك المسكون باوراقي
يمكن يجيني الشعر /انثره بشعورك=واكتب قصيدة تسولف لك عن اشواقي
ودي تكون الغصن واكون عصفورك=اكون لك وردةٍ وتكون لي ساقي
ودي اكون المطر /امطر على بورك=نتقاسم العشب نصفٍ لك وانا الباقي

[ناديه المطيري]

بعض ما أكتبه في "وشوشات" هو نتاج كتابات قبل النوم حين آوي للفراش وأمسك بالجوال وأكتب أبيات يتيمة في المسودات ...

لدي الكثير من الأبيات وحتى قصائد كاملة لم أحبها كثيراً ولا أظن أنني سأنشرها يوماً ما ( من ضمنها القصيدة التي سأرفقها مع هذا الرد " )

بعضها سيكون في "وشوشاتي" فقط وبعضها سيظل في " مسودات " الجوال

كتبت أبيات منذ مدة طويلة لتصبح قصيدة مكتملة دون أن أشعر

ترددت كثيراً في نشرها في " وشوشات" كي لايُساء فهمي ويظن البعض بأن الإسم المذكور هو حقيقة وليس خيالاً

وثانياً لأن النص لم ينضج كفاية لكي يستحق النشر ,, لكن أكثر أبياتي في " وشوشات " اعتبرها غير مكتملة النمو ,, فمالضير من عرض نص آخر خديج


لكن بما أنني واثقة من نفسي ولا يهمني شي سأنشر الأبيات في " وشوشات ";)



فقط تأكدوا أن " منصور " جاء لزوم القافية لا أكثر وبصراحة أكره إسم " منصور " مع الاعتذار لكل من يحمل هذا الإسم

أما " نديه " تدليع " ناديه" http://www.muddn.com/vb/images/smile/00066.gif

وحدهن الفتيات من سيعشْن تفاصيل هذا الموقف حين يقرأن النص


لو إن الموقف اللي بالقصيدة صدق بجد بيكون موقف لاأُحسد عليه ( أبوك يالخجل )http://www.ab33ad.com/vb/images/icons/icon10.gif






كنت ارْتبك لا جيت تسأل عليّه=تملاني الرهبة كما طفل مذعور
كنت ارتبك لاجيت مشتاق ليّه=تنفيني العتمة ويزهمني النور
كنت ارتبك لاجيت عندي هنيّه=وتَأْتَأْ بْإسمك مَ مَ ما مَ (منصور)
كنت ارتبك لاجيت تمسك يديّه=يتكسّر بْصدر الخجل ميّة شْعور
كنت ارتبك لاجيت ترتاح فيّه=غيم آغدي وانت تْغدي فيّ ممطور
فوق ارتباكي زاد خوفي شويّه=خوف افقدك والخاطر ينام مكسور
من عقب ( صوتك ) مين يربك (نِدَيّهْ)؟!=مين الذي يفهم لها غير (منصور)!!

[ناديه المطيري]

هدوئي يسكن الصاخب من اشيائي=كثير أشياء تتبعثر صخب فيني
أنا أدري هالتناقض يسكن أرجائي=مثل هالبرد يوم انه يدفيني

[ناديه المطيري]

ماجيت أنا استجدي الرجا حفنة أحلام=جيت أبذر أحلام الرجا في يدينه
ماجيت أنا اتسنبل حكايات واوهام =جيت السهر والأغنيات الحزينة
ماجيت أقَبِّلْ وجنة الليل لانام=جيت أهدي الصبح الطري ياسمينه

[ناديه المطيري]

كنت احرث الظلمه /حزن يشبه الضي=ماعاد تفرق ليلتي من نهاري

كنت ابذر أحزاني على كفوف من مي=واحصد قصايدها بطعم احتضاري

كنت أزرع الأحلام باطرافها غي=يمكن تحقق أو تموت بمداري

.



.

[ناديه المطيري]

http://abomhmad.googlepages.com/daisy-m-3-9-5.jpg




ياوجع قلبي يا إنتْ


لو دريت شْكِثْر أحبك


ما رحلتْ