[ .. غـن لا ضاقت عليك الوسيعه غـن .. ] .. !!

[الهنوف الخالدي]

ودنا بالطيب بس الزمن جحاد طيب= كل ما تخلص مع الناس كنك تغشها
يدك لا مدت وفا لا تحرى وش تجيب= كان جاتك سالمه حب يدك وخشها
كل ما شبيت نار المحبه مع حبيب = قام يسحب في مشاهيبها ويرشها

[صالح العرجان]

من مبسم السكر تصوغ احلى منطوق
سكر كلامك ../ .. فاق سكر نباتك

وأنا وقلبي .. والوله ساقنا سوق
جينا انتقاسم في غيابك فتاتك ،،!





http://ro7elb7r.jeeran.com/ثَغْرٍ%20الوٍُرٍٍدِ.gif

[حنان العصيمي]

دريت إنك تعيش الحب وتشكي للضما عطشان
حلاه الحب يضمينا ولا يسقينا غدرانه

[سعد المغري]

..

اذا الجرح انخلق لانسان انا انسان انخلق لاجراح
واذا الاحزان لابن ادم ..انا ابـن ادم لاحزانـي

[ميــرال]

.


هل انا حقاً حبيبته
وهل اصدق بعد الهجر دعواه

[الهنوف الخالدي]

غابت الشمس وإلا الحزن له مغربه = وين أبغرب وأنا حزني غروبه ثقيل

مجدبه ياجروحي والسماء معشبه = ساكنه والهوى ميل جريد النخيل

بارده ياحروفي والدفاء موهبه = بارده مثل برد الخوف والمستحيل

صوتٍ أبعيد في قلبي ياليت أقربه =وبين قلبي ومابيني طريقٍ طويل

ليت حزني مثل حزن البشر وأكتبه = وليت دمعي مثل دمع العيون ويسيل

أشهد أني ردي حظ وردي تجربه = وأشهد أني على بعض المشاعر بخيل

أيه مذنب في هالدنيا وهي مذنبه = من دفا حلمي الطيب لبرد الرحيل

عذري اللي متعبنّي وأنا متعبه = مال قلبي على بعض الهقاوي دليل

كل طيرٍ له اللي بالسماء يجذبه =وكل غصنٍ تجوز له الهبايب يميل

صرت أقول الكلام المر وأستعذبه =صرت أخاف الدفاء لوني وحيدٍ نحيل

كم صبرت وليال الصبر مستغربه =لين قلة حلاة الصبر لو هو جميل

الزمن صعب والنسيان يامصعبه = والدفاتر نشيّلها الهموم وتشيل

[رشا التميمي]

حبيبي اللي سكن بالعين عليه احسد أنا عيني
الآ ياليت لي قلبين وأحبه بكل قلبيني

يآسيدي وسيد الح ـلوويـن ياورد اللي فـ بساتيني
أحبك في القسا والين ومن غيرك يسليني

عشقت الزين بـه والشين وأحبه بكل مافيني
من الشوق اللي عاش سنين مابين حبيبي وبيني

حبيبي للمحبه دين وانا وفيت لك ديني
الآ بالله متى يازين احط ايديك في ايديني

عشقت الزين به والشيـن وأحبه بكل مافيني
من الشوق اللي عاش سنين مابين حبيبي وبيني

حبيبي اللي سكن بالعين عليه احسد أنا عيني
الآ ياليت لي قلبين وأحبه بكل قلبيني

[حنان العصيمي]

يابحر الاحباب جزرك شين
حي المنازل تحية مد

ما به على القلب كثر اللين
قاسي متى ما الحنين اشتد

يدفيني الضم في التنوين
يا شهوة الضمتين بود

حرفي حطبته من التخمين
واشعلتني له ف ليلة برد

والشعر جوله اثنين اثنين
قبلي وبعدي وجيته فرد

من قبل اجي له وانا : البعدين
ومن بعد ما جيت جيت البعد

لااقرب من ( الحمد ) كثر آمين
لاابعد من ( آمين ) كثر الحمد