[ .. غـن لا ضاقت عليك الوسيعه غـن .. ] .. !!

[سـ/ـماء غازي]

طالت عليّ الخُطا واخطَاي
.............. ماعاد تتحمّل اعصابي

[ميــرال]

يا فاتناً لولاه ما هزّني
وجدٌ.. ولا طعم الهوى طاب لي
هذا فؤادي فامتلك أمرَهُ
واظلمهُ .. إن أحببت .. أو فاعدِل

[سكون]

الشمس غابت وكلن دور سراجه

والشوق جمر مااحر الشوق لاجمر

دام اتجاهك شمال مودعك حاجه

سلم على حايل وسلم على شمـــر

قدامك الخافق اللي ينشد علاجــه

كنه معلق على برزان ومسمــــــر

وانت تعرف يابعد حيي من تواجه

بيضان الافعال لامن الزمن سمــــر

ان ضاقوا أعنف من البحر ومن امواجه

وان راقوا اركد من الخرمان لاعمر

كم صيت بيت عتق في الباب مزلاجـه
وكم شيخ اماره قبل تعيينه مومر

وكـــم حاتمي تكفـي فلـة حجـاجـــه

وشلون للضيف لو عن ساعده شمر

وان مر تاريخـــهم متلبسن تاجــــــــه

كم عاشقن كيف وكم حاسدن زمر

في جــو اغلى على الرجلي الى داجه

من ديرة السادس ومن ديرة معمر

كنه الى اهـــدى له البــراق ثجـاجــــه

طلة غرير ضحك ومن الخجل حمــر

توارثوا حـرثــه وتمتيـــر ديباجـــــــه

ركابة الجيب من ركابـــه الضمــــر

الــود لاغرس بدري صعب مخراجــــه

والله ولا الـذ واحلـــى منه لاثمــــــر

ادخل على اللي تطوف البيت حجاجــه

من ناقصن عند مدح الغيــر يتذمـــر

والمدح لو كان في الرديان للصاجــه

ويقال عمّــر بلد بلعـــون ماعمّـــــــر

والـــذم لو زاد فـي الطيّــب تولاجـــــه

لااحرق ولا اغــرق ولاعمــر ولادمــر

مانيب متحسف بشعــــري على حاجــه

الا اني اروح ماغنيت فــي شمــر

ناصر القحطاني

[الهنوف الخالدي]

...؛ كنا مابين الحكي والسكوت
ناظرتني بطرفها الساهر وقالت: لو تفارقني اموت !
وافترقنا..
لا لقا،، لا رسايل،، ولا صوت،
وكنت أنا دايم أسأل.. ياترى؟
وش صار فيها ..؟
:
:

قالوا: ' تزقح ' ماعليها ..!
ابتسمت وقلت: هذا اللي أبيه ..
بس...

كيف أنا صدقت يوم قالت: بموت ؟

[سكون]

نفسي تمنيني رجال الشجاعه

ودي بهم مير المناعير صلفيــن:)

[عبدالله العويمر]

مااقْسى من الخذلان لاشفته من احبابك وحال

،،،،،،،،،،،،،،،،،،،،،،،، بينك وبين الصد وجد ٍ لاحدا في كل ليل!

[سعـد السعـيـدي]

:
حلمي..بَهمْ..( حلم )..الفقيـر..بـ غناتة
______ يصبح..فقيـر ؛ ويغـتـني..بـ/آخـر..الليـل..!

س/س

[ميــرال]

هذي حروفي لك عصافير انت ياصبح الندى
,,,, ملت إدور من العنى قل وين غصنك مختفي